كف البحث عن حيزبونه

**خنفروش** · 07-03-10 ||, 09:44 PM

وينكم يا لّي عالموجه

عايش و كيف كنت تقوي الارسال .. بالمعلاق مال الثياب و الا اتمد واير لـ أريل البيت ..

(( هاك الوقت أنا كان عندي الـ سي بي - بو الصوّايه - و الصدى )) عاد صدقوني انتوا

أرررررررسل .. أرسل

وياك الـ فرعون

اذكر يوم نبغي انخسس بـ الي يسوي حشره من اصحاب الـ ووكي توكي اندس له ووكي توكي عدال بيتهم و نلزقه بالتييب عشان ايتم شغال ليل نهار فما يسمع حد ولا حد يسمعه (( يغطي على ارساله - و الاخ يتم متحرقص منو هذا الي ما ايهد المايك ))

عايش وهم استاذي الكريم .. شهادتي في كتابتك (( مجروحه )) الحين المنصوري بيقول من جرحها - و الا بيقول حط لها آيدين

بالفعل أخذتنا لـ نعبر السنين في لحظات .. و نشاهد قصصا في كلمات ..

دمت مبدعا ً

و تسلم الايادي

**عايش وهم** · 07-03-10 ||, 10:10 PM

خنفروش ..

انا كانت عندي خطة البطاريه .. كان اختراع انفردت فيه و كانت اتدوم فتره اطول

اما عن الارسال فحدث ولا حرج من الاختراعات الفاشله

لكن اخي الكريم لتلك الأيام عبقها الخاص

استاذي الأكرم .. لنترك شهادتك يسعفها المنصوري بمعرفته

لك مني جزيل الشكر على الحضور

أنار جنابك أروقة المكان

**الاسطوري** · 07-03-10 ||, 10:59 PM

السلام عليكم ..

"عايش وهم"

بصراحه كنت ياي أتصفح على السريع ولكن يوم قريت البداية حسيت إني
لاشعوريا أبى أكمل للنهاية ومن ثم أقرى الردود وأخيرا
شفت اني ماروم اطلع بدون
ما اكتب شي

احيد نفس هاييج الايام في التسعينات صار عندنا جهازين ان واخوي ولكن الارسال ماكان لهناك وبعد تفكير عميق وتحري في
الشوارع لقينا اريل تلفزيون (اللي يشبه المشط او عظام السمج) لوول ويبنا حديده طويله وبدون ماحد
يعرف ركبناه فوق البيت ووصلنا واير كهربا (الابيض بو اثنين) من الاريل وقمنا
نشبكه باريل الووكي توكي وايامها كنا نحس بفرق ولكن
مانسمع غير (ياللي على الموجه
البرنس ينادي)

بإنتظار التحديث الدايم منك واليديد من صوبك هني
وكل مكان واختم من طول الغيبات
ياب الغنايم

الاســـطـــوري
أخوكم