صــيــف ٢٠١٠

[مايهزك ريح]

مرحبا اختي دموع قلم
أنا ارشح هالمكان للزياره
بس نحنا يايين اسبوع مول ما يكفي
يبالها على الاقل أسبوعين
للي يبا يغطي كل الاماكن
وعلى فكره هالمنطقه عكسنا
يعني نحنا عندنا صيف
هم عندهم شتا
عشان جيه بارده

[دموع قلم]

^

ترا نادر أسمع حد يسير هالأماكن يعني أفريقيا ,
بس حلو خبرتنا عنه يبالي أضيف هالمنطقة للستة أمنياتي

إن شاء تستانس وترد بالسلامة ياارب ,
تراني متحمسسسسة أشوف الصور ,

[مايهزك ريح]

البارحه سرنا رحله غطينا المنطقه كلها من ٩ الصبح
رادين ٥:٣٠ العصر
الجايد قالنا خلاص خلصتوا المدينه كلها ما في شي زياده اتشوفونه

[فرفوش]

أنزين شو عن أسعار السفر هذه السنه

يثبت حتى ظهور شهر رمضان المبارك

[عهد الوداع]

ما توقعت ا فريقيا تكوون حلوه للسياحه
مايد لا تبخل علينا بالصور ومنك نستفيد ونااخذ معلوماااااااااااات ^^

[مناير]

جنوب افريقيا من احلى الاماكن

أخويه مايهزك ريح: سرت راس الرجاء الصالح: سبحان الله لو مديت نظرك على طول الماي بتلاحظ الفرق بين المحيط الهندي والمحيط الاطلنطي والله
جنه خط بس لازم الواحد يسوي شرات مايقوله المشرف مال الرحله...
مشكلتها جنوب افريقيا ماشي امان حتى العاصمه جوهانسبرغ يعني عقب المغرب ماشي ظهره الا اذا كنت مع شله..
سرتلها السنه اللي طافت ويلست فيها 3 اسابيع ... والمحميه مالهم فظيعه عندي وايد صور من هالرحله...

[طير الغرام]

إن شاءالله سفرتنــا بعد كمن يــوم لـ بريطانيــا تقريبــاً ٢٠ يوم
بالتحــديد اسكوتلنــدا - جلاسكــو ومناطــق جريبـــه منهــا + لنــدن

بنحضــر تخـــرج خالتيــه فـ جلاسكــو وبعــدين بنغيـّر جــو وبنتكشــت

[ذهب]

السلام عليكم صراحه انا ابا فيينا انشالله بتكون سفرتنا مرتبه والاكل وايد في اوروبا عموما ان فيها وايد مسلمين مثل الاتراك واكلهم حلال يعني تشترون الدياي ذبح اسلامي عاد مب ديايه ذبيحه من كبرها وحليلهم دياينا عصاقل

[مجموعة إنسان]

اللي عندهم خبرة تايلاند
وبالتحديد بتايا

عطونا كم معلومه للفنادق والرحلات
بسسسرعه شوي لو سمحتوا

[مــهــابه]

وآخيراً لي عندنآ آتفقوا على شي وحجزوا ..

آبويه بيروح الروحه " تايلند " = > هذآ وهو يذمها وعلى قولته مب حلووه ..


الآسبوع مب هذآ لي بعده بيروحون خوآتي الـ 3 هم وريآيلهم وعيآلهم + عـموه وعيـآلها + مرت عمي وبنآت عمي " لندن "


آحنا بعد 15 -7 بنروح مادري أي تاريخ بالظبط " ميونيخ " 5 آيام ، زلآنمسي 5 آيام ، وفينا 5 آيام .. آحنا + واخويه + وآخويه 2 وعيـآله ..

بس بنرد قبل رمضـان بـ يوم آ و يوم يومين آظن


كنـآ نبغي انروح كلنـا ربـاعه بس اجازه اخويه ماضبطت معـآهم ..

[فرفوش]

وزارة الخارجية تلغي التنبيه من السفر إلى تايلند
حالة تايلند في هدوء ورجوع لأمورها الطبيعيه

[ذنـيـنـي]

يوم الاربعاء ان شاء الله سفرنا
الي في خاطره شي لا يستحي و يقول

اخيرا بفتك من ويه الدوام

[فرفوش]

أتسير وترجع بالسلامة
بس لا تنسى كيمرتك وصور عن البلاد ألي سايرلها
وواحة السفر تتريأ موضوع يديد عن المكان المسافر فيه
سفر سياحي وسعيد للكل في صيف 2010

[دمعة شوق]

تروح وترد بآلسـلآمـه يـ ذنيني
:)

[ذنـيـنـي]

الكاميرا بتركب الطيارة قبلي طال عمرك


دمعة شوق
الله يسلمج