أحلى موقف كان نفسه أسوأ موقف في السفر

يقولكم كنا حاطين ببالنا إنه بنرد على تاريخ معين قبل دوامي بيومين

بس إلي حجز لنا ما أكد على تاريخ الرده

فانصدمنا إنه الحجوزات فل ومستحيل مستحيل نلقى حجز لنا كلنا بنفس الرحلة

فقلت لهم ( كاقتراح ) كل حد فينا يرد برحلة ( وأنا أدري إنه أخوي بيهزبني على هالاقتراح)

وبعد ساعتين ... قالي حلوووم زهبي شطنتج إنتي واليهال ( ولد وبنت ) والشغاله بوديكم المطار عالويتنق

وأنا امبهته !! مووووول ما تخيلت هالموقف !! أنا أسافر بروحي !!

المهم راحت الزعيمه حلم وحصلت 4 كراسي ودخلوني لباب الطياره وودعوني

وطول الرحله أفكر بالموضوع وأضحك ! هل كيف بيكون استقبال الوالده لي يوم بتكتشف إني راده بروحي ههههههه

ورديت وداومت وانهزب أخوي هزاب على فكرته العبقريه