مشكلة في موتري

[المزوحي]

السلام عليكم

عندي مشكلة في سكان الموتر، يظهر صوت - شو السبب لو عندكم فكره !

[الهيثــم]

كيف طبيعة الصوت ومتى يظهر .. ؟

[المزوحي]

خطاّاب المشكلة من أمس بدت ، يعني يوم ألف السكان يسوي صوت غيغ على خفيف يعني مب صوت طرطقه

[الهيثــم]

يمكن زيت الباور ستيرنج ناقص عندك ..
سير الشيشة خلهم يجيكون عليه .. إينوك او ادنوك ..

[المزوحي]

خلاص بسير باجر إن شاء الله - مشكور

[ذنـيـنـي]

مثل ما قال خطاب, جيك على ايل الستيرينغ

[المزوحي]

صادفتني نفس المشكلة من كم يوم وطنشت، لكن يوم دقيتها سلف الصبح ، المكينه كانت تحن ، سرت المحطة وحطوا زيت والصوت اختفى، قلت بالمره بسوي روتيشن حق التواير ، لأنه بدليتهن في 2010 نفس تواير الوكالة يوكوهاما ، فقال الموظف

ماعندي منهن، مع العلم التواير يداد ، يس هو يمشي على عمر التواير بالسنه ، قلت خلني اسأله، قال عندي بريجستون ، قلت له لالا مابغي بريجستون، بس قال احسن، قلت له اوكي عطني السعر فقال 9000 وشويه، قلت له ما احيد عندي فراري

اونه اسعار التواير ارتفعن،!

مايهزك ريح، ذنيني ابغي صحة هالكلام

[مايهزك ريح]

البريجستون على حسب نوع التاير .. مثلا تواير موتري 1900 التاير الواحد ..

بس موتر الرضيعه الجمس .. اعتقد الواحد كان بالف !!!

عطني نوع التاير /رقمه وبسالك

[الاسطوري]

صح الاسعار زادت بس بعد على حسب نوع السيارة والتواير ولكن دايما في اماكن معروفه ومنافسه ..

مثل ما قال مايهزك خبرنا عن حجم التاير ونقدر نشوف لك اسعار السوق

[المزوحي]

اتصلت محطة الامارات فرع غير عن اللي سرت له، وقال ابغي المقاس، عقب رد قال تعال احسن


265/70R16

الرقم شوفوه من العكس

[الاسطوري]

باجر بجيك لك في مكانين اتعامل وياهم بس مستحيل هالمقاس يطلع بـ 9000 درهم

[المزوحي]

الاسطوري الاسعار زادت اوكي، بس حسيت به يغشني !

من جيه قلت اتأكد

[مايهزك ريح]

التاير ب 550 درهم تقريبا ونوعه يوكوهاما اخف وزن وممكن اتحصله في سنشري الشارقه اسم المدير فيصل .. رقم موبايله 0506888759

ربيعي يتعامل وياه

[المزوحي]

مشكور مايهزك ريح

يعني انا قبل يوم ركبت يوكوهاما حسبهم 2400 يعني الواحد 600

بس بتصل بسأله عن البرجستون ، لأنه احس به يستهبل، الموتر جدامه وأكيد يعرف المقاس ،

[مايهزك ريح]

بشر بدلت التواير ولا بعدك