يوميات أنامل قلب ، أو قد تكون خواطر موظفة ..!

/


مريت فترة ابـ شغله خلتني أتعلم اللي اعتبره الحين أكثر الشغلات اللي مأثرة علي بشخصيتي ، واهو إني أقدم الأعذار دوم ، وأبرر تصرفات من حولي دوم ، حتى وانا اعترض !

ما أقصد اهني توجيه أفعالهم وكلامهم على انه صح ولا غلط ، لكن استيعابها أهو اللي اقصده ، وشلون التدرج والتعود ع تفاصيل ما نحس فيها ممكن تودينا لـ كل شي إن ظلت خافيه عنا ، وأحيانا بإرادتنا ، بس لأن مانا حابين نبذل جهد ، أو ممكن يكون احباط ، و غيره ..

حاليا ، وصلت لمرحلة أحس فيها إني تعبت من كثر "عدم اهتمامي" ، مو تقليلا من قدر أي أحد ، ولا هو استهانة بأفعالهم ، بس كنه طاقتي استنزفت خلص ، ويمكن يكون فعلا فقط عدم اهتمام ، اممم ادري خبله ..

مثلا يعني ، اممم مادري شلون أييبها ، خلنا نقول مثل ظنون الناس السلبية ، ظنونهم الحلوه والمديح ، كلامهم عن بعض أكان على بعض ولا معاهم ! ، منو مهتم ومنو طاف ، اللي يبين انه فاهم ، واللي مادري به يتغابى ولا بس انه غير مهتم مثلنا وخلص ، الصح بنظرهم والغلط ، أفكار الناس عن بعضها ، وعن نفسها ، ولي متى ..

مثال بشكل ثاني ! / مثلا لمن يدور بينك وبين طرف آخر حوار ما تقتنع به بالكامل ، وتحس ابـ عدم مصداقيته ـ مثلا ـ ، أكان الشي واضح ولا مجرد احساس ، بس ما تلقاها حلوه انك تسأل إن كانت هالشغلات صج ، ولا تحب تبين انك تحس الكلام غير صريح ، وبالتالي تتركه براحته ، وما تعود تفكر ، لانك مصدق ولانك مجذب ، وبكلا الحالتين ما راح تتفاجأ ، بس بتضيج في حال انقلبت الصورة لغير اللي اشتهيته ، وتحبه ..



وبالأخير ، أبد ما توقعت إني بظهر بهذي التجربة ، البايخه ..

/

ما كنت متخيله إني بكون طرف ابـ سالفة شبيهه بهذي ، او حتى إني أكون بعد كل هذا طبيعية ولا كنه فيني شي ..

صعبه توصلون لمرحلة تحسون فيها ابـ إن فيكم شي من النفاق اللي ينصب لصالح الناس ،
اممم ادري الجملة غبية ، مو غريبه علي ، المهم ... شلون لمن تتعامل مع الناس بنفس الشكل ولا تتأثر بالساهل كونك مقتنع بمبدأ إن أي فعل واسلوب وتصرف وفكرة وخاطر يظهر منك ، فهو منك ، بغض النظر عن كونه رد فعل لأي تصرف بدر من غيرك ، بس لمن توصل لمرحلة تستصعب فيها التواصل مع بعضهم ، مثل لمن تعافي أحد ، بس يظل تواصلك معاه طيب ، وكل اللي يظهر منكم فل الفل ، تكون اهني جازفت ابـ شيء كثير منك ..

~



بس نشوف ، نسمع ، ونجرب نتكلم ، و أبد ..










~ ,