إيــاك نعبــد ، وإيــاك نستعيــن ..

[أنامل قلب]

هل من الخطأ أن يكون المرء هو هو وانتهى ؟.
هل غلط إن يكون الإنسان على طبيعته ..؟


,,

فعلا غريبه شلون تكون شغله ـ إنك تكون على طبيعتك ـ { مشكله !.
[ كيف بحلها هذي ..

[فرفوش]

مرحبااااااااا اخوااااااااااااني واهلا بعودة كاتبتنا ورجوع قوي سقى الواحاااااااااااااات فشيء جميل الانساااان يكون طبيعي كما هو وكماااااااا نحن وحلو ان المشاعر والاحاسيس تتغير فمره نبكي ومره نضحك ومره نبتسم ونفرح ومره نشعر بالحزن وهذا يثبت اننا بشر ومن الانسان وليسوا جمااااد والغير طبيعي هو المتصنع يكذب به نفسه وغيره-والسموحه

[أنامل قلب]

هلا أخوي عاصف الفرفشه ،،

اممم مثل ما قلت ، حلو شلون تمتزج الألوان فينا ،
لكن مو دومها تئلف الألوان المحيطه ابها ،
بغض النظر في كون الألوان كثرت وايد وصرنا ما نفقه التدرجات ..

اضافتك جميله وسريعه كالعاده ،
مجرد كلمه بخاطري ، بس مادري ليش كل ما أقرا إضافاتك
أقراهم بسرعه ، وأرد أقراهم بسرعه !.

يمكن بسبب شكل النص ، كله أحسبك تركض بالكلام =)

~

احترامــي ..

[أنامل قلب]

اليوم :

كنت بقول شي رجعت مسحته مادري ليش ، المهم ،
وانا راده البيت اليوم ـ أمر على اختي قبل ـ بعد الدوام ،
قعدت أسولف معاها عن الناس ، كيف كل واحد عنده همومه وشال قصته ،

وبعيدا عن الكلام اللي انقال ، فعلا هالشغله وايد تمر ابـ خاطري ،
لمن أقعد أشوف ـ مثلا ـ اللي بالسيايير حواليــي ، أحط ابـ بالي شلون هذول مثلهم مثلي ،
طايحين بعالمهم من أفكار وخواطر وابـ شو قاعدين يفكرون باللحظه ،
وكيف العامل هناك ـ كذلك مثلا ـ ، هل أهو من الصنف المبتهج ولا يشوف نفسه بشكل سلبي لأبعد حد ،
كيف نظرته للي يحسبهم ابـ حال أطيب عنه ، وكيف كنا بنكون لو كلنا كنا ـ مثلا ـ نراعي بعض ،
وانحط عمارنا محل الغير دوم / الخ الخ ..

لمن أصادف حركة ما تعجبني من أي سايق مثلا ،
على طول يخطر على بالي : شوفي شكله كيف ، لا تسوين هالشي لحد دامه ما يعيبج !.

حتى مره هزبتني الوالده ، كنا ظاهرين من القريه وزحمة السيايير بمخرج المواقف ،
فكنت عادي أطوف السيارات عالأغلب ، إليـ لقيت الوالده : شو ها بعد ناويه تقعدين للصبح ..!

بس تدرون سبحان الله ، وايد أشوف السيايير بالمقابل يعطوني درب ويطوفون بلاوي =#
بيني وبينكم ، لازم أحط لوحة عالسيارة تقول : احذر ، السائق مبتدئ متهور ....!

~ ~ ~

مو المهم شوللي يظنونه الناس فينا ،
كثر ما يهم نحن شوللي نعرفه ابنا ..

أحيانا اهتمامنا المبالغ فيه يدفعنا لأمور كثيره نحن في غنى عنها ،
وأحيانا نوصل باهتمامنا لـ حالة غريبة من اللامبالاة ، لمجرد إن موقادرين نتحمل وسع هالاهتمام ..

مو عارفين كيف نصرفه ..

.,،,.,،.,،.

مجرد خربشات ..

[فرفوش]

[أنامل قلب]

~

[ بحثت طويلا عن شفاه الأشياء كي أقيم معها حوارا استنطاقيا ،
بحثا عن احتمالات لقاء ، عن احتمالات خلاف ، عن متع قد تكون اختلست في مكان ما .. ]

:
.
,،

أحلام مستغانمي }