إيــاك نعبــد ، وإيــاك نستعيــن ..

[أنامل قلب]

^ من الفرقان =)

تسلم أخوي الفارس عالمرور الطيب ،
ربي يديمك ابـ خير ..

[أنامل قلب]

فعل التذاكي [ ما أحبـــه !.

مجرد ما يفكر أحدنا إنه أذكى من غيره ، إنه أكثر شعورا من غيره ،
إنه يبتسم لما يحسبه من قلة وعي الغير ، إن كان يعي ..

~ ~ ~

شوفوني تراني فاهم !.

~ ~ ~

جدا ما أحب فعل التذاكي ، بـ مجرد التفكير بإني والله فاهمه أكثر ..!

أحسه ابـ حد ذاته غباء يوصف غبــاء ،
ونوع من الكبر عافانا الرحمن من ذلك ..

~ ~ ~

ابـ أحيان ، نلقى بمن نصادف اهتمام لما نعتبره نحن "مو مهم" ،
ونلقاهم عندنا يثيرون شغلات لازالت بالنسبة لنا "غير مهمه" ،
ولمن تكون ردود فعلنا عباره عن "عدم اهتمام" ، تبدي الحاله تتأزم !.

~ ~ ~

حلاته والله لمن يحط المرء منا ابـ باله دوم :
{ احتمال أكون "غير فاهم" لـ شغله ، لـ نقطه ، وإن لم أكن ،
فلا داعي للتمادي على أحدهم ..



ويظل يجتهد باللي يحسبه الـ أسلـــم ..

~ ~ ~

حلو نكون على ثقة بـ مدى وعينا للأمور ،
حلو نكون مطمئنين لما عندنا ،
لكنه لا يعني أبدا أن أشطب احتمال الخطأ مني ،
ولا يعني أبدا الاستهانة بأحدهم ، تكريما لـ ذاته ..

وإلا ، فـ ما معنى الكرم ؟..

[أنامل قلب]

مرات يقوم البعض ابـ أعمال جميله جدا ،
من غير لا نكون على علم ابها ..

صادف إني كنت ماره ، ولمحت أحدهم ابـ شكل ما توقعته منهم ،
حسيت وقتها ابـ شي جميل جدا ، كيف لمن تلقون شغله
تحسونها تساوي عندكم كل الكلام السيء اللي سمعتوه عن ذات الشخص ،
بغض النظر من كون الكلام بالنهاية ما يعنيني كثر اللي بلقاه من الشخص نفسه ،
بس لا إرادي من شفت الفعل الجميل ، ذكرت القبيح وكأني أرده ..

وقتها الشخص مافكر بإنه يعرض هذا الأمر على أحد ، وقد لا يكون فكر بإن اللي يسويه شغله حلوه وايد ،
ممكن تكون صفة فيه / عادة عنده ، شي يظهر منه بشكل تلقائي ، شي يحبه ..

~

وغيره ،، تدرون اشكثر من هالأفعال ما تبان لنا ،
تدرون اشكثر من هالأفعال نشوفها من غير لا نقدرها ،
وكأن محتاجين كل فترة والثانيه لـ فقدان الجميل حتى نلحظه ..

~

شكرا لكل فعل جميل ، ولكل احساس أجمل ،
لكل اللي لاحظته ، وكل اللي ما وعيت له ..