هل ما تأكل يجعلك مريضا ؟

[المزوحي]

السلام عليكم

الموضوع هو اللي بتكلم عنه عدم التحمل الغذائي

أكيد حد منكم سمع عن هالشي، سواء شاف الموضوع في التلفزيون او سمع عنه في الاذاعه أو حتى قرا في مجلة .. الخ

أو حد خبركم من قرايبكم او ممكن حد سوى فحص الدم اللي يحدد الغذاء اللي يضرك !




بغينا نستفيد منكم وتعطونا معلومات من عندكم، وأكيد لو بحثنا في النت بنلقى ملايين الصفحات اللي تتكلم عن هذا الشي

ويمكن تقولون عشان نختصر هذا كله أرجع للبحث من خلال النت ..


بس أحب أطرح هذا الشي عشان الكل يشارك وأنا عندي معلومه اعطيكم إياها وانتوا كذلك لو عندكم معلومه تعطونا إياها ..

الصداع واضطرابات الهضم وآلام الروماتزم وغيرها قد تكون بسبب تناول بعض الأطعمة ...



ومع هذا بقولكم إنه في حد يوم عرف بالكلام هذا مايصدق ويقول خرافات ...


المهم أتمنى إنكم تشاركونا ولو حد منكم مسوي فحص الدم اللي يحدد له المسموح والمحظور من الأكل ياليت يخبرنا

وهل استفاد ، أو مستمر على الجدول وإلا انقطع ...



وممكن بعد تستفيدون لو حد يبغي يخبر هله ...


الله يعطيكم الصحه والعافيه سلملم

[دمعة شوق]

شي حلو انك تعرف شو اللي يضرك وينفعك في الاكل :)
بس عن نفسي ماسويت هالفحص ,,
اممم بس كل المستشفيات يسوونه ولا لازم حد متخصص ؟!

\

وان شاءالله اذا عندي معلومه او عرفت شي ماببخل عليكم

/

المزووحي
ومنك نستفيد وحلووو المووضوع عن نفسي اول مره اسمع عنه ^^

[المزوحي]

مشكوره دمعة شوق على المشاركة .. وأكيد كل المستشفيات لو قلتي لهم عن شو تبين فحص الدم

مرات تلقين الواحد مايتحمل نوع معين من الأكل او عنده حساسيه وبمجرد مايعرف شو اللي ما يناسبه ويمتنع عنه

يحس بعمره بخير وخفيف بعد .. من غير الصداع والاوياع اللي يحس بها .

[فرفوش]

كثرة الأكل يجلب الضرر لصحتنا فعلينا بالوسط - أغلب الأغذيه مضاف إليها مواد حافظه أو ملونه - وقليل ما نجد الطبيعي وأحسن الأغذيه الخضره وألتي للآن لم أسمع أي أنتقاد لها من ناحية الضرر - لي عودة

[المزوحي]

في معلومه قريتها إنه الافضل ناكل الفواكه قبل الأكل، مب مثل ما نشوف اللي ياكل فواحه عقب الأكل ( عشان يحلي أو يهضم )

والافضل لو تاكلون الفواكه على معده فارغة

[فرفوش]

في معلومه قريتها إنه الافضل ناكل الفواكه قبل الأكل، مب مثل ما نشوف اللي ياكل فواحه عقب الأكل ( عشان يحلي أو يهضم )

والافضل لو تاكلون الفواكه على معده فارغة

الفاكهه قبل اللحم
حكمه قرآنيه
جاء في القرآن الكريم قوله تعالى في سورة الواقعة مقدماً الفاكهة على اللحم

( و فاكهة مما يتخيرون . و لحم طيرٍ مما يشتهون ) 20 ـ 21

و جاء أيضاً في سورة الطور
( و أمددناهم بفاكهة و لحمٍ مما يشتهون ) 22

[عهد الوداع]

انا من سنييين اعاني من الحساسيه في ويهي ولحد الحين ماعرف من شوو السبب اوو بالاحرى ماعرف اي اكله تسبب لي هالحساسيه والله كثر بروودي ما شفت

وكل يووم اقوول بسير اسوي اختبار حساسيه وااجل الموعد ..صج اهمال فيني ..

بس الي ابا اعرفه انه الحساسيه شرط تلازمك وانت صغير ولا تظهر فجأه لاني انا فجاه ظهرت لي هالحساسيه من الاكل ):

[مزيونه العرب]

السلآم عليكــم .. =)

عن نفسي الحمدالله ما عندي حسآسيه من شيء بإستثنآء الحبوب اللي تكون بسبب زيآدة الدهون و الحلويآت ..
اخوي العود عنده حسآسيه من الربيـآن .. يوم يآكل ربيـآن يأثر عليه وتطلع له بقع حمرا في ويهه ..
وربيعتي عندها حساسيه من بعض انواع المكسرات .. اذا كلت شيء منه على طوول جسمها يتحسس وتطلعه لها حبووب ..

[مزيونه العرب]

نسيت اقول .. شكرآ على الموضــوع الحلــو ^^"

[فرفوش]

لي عوده^_^
يثبت

[المزوحي]

مشكورين على الاضافه

مزيونة العرب العفو :)

[مزن هتان]

عليكم السلام و رحمة الله و بركاته

أنا عندي حساسيه من جميع المأكولات البحريه بـ استثناء السمك
التونه المعلبه هاي ما استحملها مادري ليش
الفستق و الكاجو، الموز
هالاشياء اللي ذكرتها ما اقربها كلش
تظهر لي حبوب في جسمي و لساني

بس الدياي ما استغنى عنه حتى لو يجيب لي حكه و يهيج لي جسمي

و بطبيعتي ما أكل فواكه و لا خضروات
من الخضار بس أكل خس و الفاكهه يمكن اكل الهمبه مره في موسمها و التفاح ما عرف اكله يعني
اتم ماسكه التفاحه ساعه كامل و بعد من سنه لين سنه تفاحه وحده و البرتغاله لازم تكون بارده اذا باكلها

يعطيك العافيه أخوي مروان

[فرح]

مرحبااااا
بعض الاكلات لازم ما نجمع بينها بنفس الوقت
يعني ما تاكل سمج ويا لبن او نفس الوقت لان يقولون انه اييب البرص والله اعلم
وما تخلط بين اللحوم بوجبه وحده سمج ولحم ودياي لان المعده تفرز انزيمات الهضم حسب نوع الاكل
واللحم هضمه اصعب من باجي اللحوم
هالاشياء تسبب مغص ووعكات

والاهم لاتخربط بالوجبات

ويعطيك العافيه

[أنامل قلب]

حلو الموضوع ، توني انتبه له !.


تذكرت الأشيا اللي ما أدري عنها معلومات طبيه صحيحه ، ولا تأليف من الأهل تناقلوه أبا عن جد P=
يعني مثل سالفة إن السمج وهله ما ينفع ناكله بنفس الوقت مع الروب / اللبن ..


وع سالفة الحساسيات ، المشكلة لمن يقوم الجسم يتحسس بس عالمزاج ،
يعني مره تحسستت بكبري وقالولي عندج حساسيه من الأكلات الحاره ،
بس ليـ يومي آكل عادي ولله الحمد ولا يستويبي شي ،
اللهم مراااااات اتحسس ، حتى ماكون متأكده من شو ،
وكأن فعلا في حساسيات تظهر بين فتره وفتره ، مش إن بشكل دايم ..


/

شكرا أخوي المزوحي عالموضوع =)

[عهد الوداع]

السمج وهله ما ينفع ناكله بنفس الوقت مع الروب / اللبن ..

ابوي اذا شاف هالنوعين موجودين ع الصفره ,,يا ويلنااا دووم يقولنااا انه هالصنفين ما يوز ناكلهم مع بعض .,,