.. مـامـات الواحات .. و .. بابات الواحات ..

[شوق القلوب]

السلام عليكم...

حبيت افتح هالموضوع لامهات الواحات.. و لاي حد يبا يشاركنا خبراته في سوالف الاطفال العسولين ..

..


اكثر شي لعوزني في حمووودي.. يوم يمرض.. و يزجم..
مرات لا ادويه اتفيد ولا شي..

بس يوم يزجمون يريحهم شوي اذا رقدوا على ظهرهم.. شوي يكون تنفسهم احسن..

..

طبعا سالفه الطيحات و التكفيخ ع الراس بالبيزه.. مسكين راسه دوم وارم..
وحده من ربعي اتقول انه سودو كريم ينفع ينحط مكان الكفخه عشان ما تورم.. بس للحين انا ماجربته !!

..

ممم.. وشو بعد ؟

[عهد الوداع]

انزين نحن مب امهات عاااادي اندز فيسنا ^^

عاد عن شوو بنرمس لووول ... عن عيال خواتنا هههههههه


فدييييييييييت ولدج اتحملي منـــــــــــــــه ..كله ولا الطيحــــــــات ...
هيه انا بعد سمعت عن كريم سودواااا انه وايد زييييييييييييين ...جربي وخبريناااا ومنكم نستفيد يا امهاااات ..وعليج بزيت الزيتون ما اوووصيج اذا زجم ولا طاااح بسم الله عليه قبل ما يرقد دهني جسمه وويهه وايد مفييييييييييد تراا هاا برووحه دواااا ..(:

[شوق القلوب]

حياج الله عهووووده...

بالعكس اصلا احسن من خبره الخالات ماشي... عاد انا كنت خاله جديمه.. و نسيت هالسوالف...

..

والله دوم يقولولي عن زيت الزيتون.. بس مول ما احطله... شكلي الليله بستلمه...

[المنصوري]

من خبرتي من اللي حواليه .. عطي الياهل دوا الكحه ( كح كح كح ) وبيناااام على طووول ( مجرم لاااه )
من يقووول آه ولا ايه ولا يصييييح ... دواااا الكحه ,, إنــــتااااا فيـــن


مبرووك يا ام حمووود ويتربى في عز وااااالديـــــه

مــنــــ9ـــــوري

[عهد الوداع]

الله يحييييييييج ,,,,
صدقج يا شوووق من صرت خاله وعمه صاااارت خبرتي في الامووووومه تووووب ^^



المنصوري
ذكرتني في ربيعتي يوم تبغي عيالها يرقدوون على طووول تعطيهم شراب اكتفت خخخخخخ مجرمه نفسك

[جنون امرأة]

شكرااااااااا على مثل هالموضوع الغاوي ..


عاد انا ما سمعت عن هالشي ××

و معلوماتي عاديه ..


الله يخلي امي كل ما صار شي ل صوغه اتصل بها على طول او حق وحده من خواتي


وان شاء الله نستفيد من هالموضوع

[طير الحب]

السلام عليكم...


مسا الورد على أمهات أ الواحات...


بالنسبة للسودو كريم ما جد استخدمته للضربات ...بس للحساسية والصفح الجلدي وينفع للحروق....وللصيحات استخدم فولتارين جل او فيكس...

وبالنسبة للصغاريه اذا يتهم حمى بعيد الشر عنهم وما تنزل درجة الحرارة اعطيهم نوعين من خافض الحراره كل اربع ساعات بالتناوب ...وخل التفاح ينفع وانا يربته لحور يخفض الحرارة.

[شوق القلوب]

المنصوري...

يوم اتغصص و ما اعرف شو اسويبه... و الصياح شال البقعه.. مالي الا الادول..!! يغمضني اعطيه دوا كحه بلا سبب !! اصلا ادويه الكحه كلها اشوف انها مالها مفعول...

..

الله يبارك فيك... :)
خلاص الحين غدا ريال... جان تبا حد يضاربك و يشرمخك.. ترانا حاضرين

[شوق القلوب]

جنون امرأه...

انا بعد.. ع الدقه اتصل باختي العوده.. و لا امي..
مرات الواحد يدور اسه... ماشاء الله هالصغاريه سوالفهم ما اتخلص.. و المشكله انج ما تدرين شو يعورهم... كله تخمييين ..!

[شوق القلوب]

طير...

حيالله ام عبادي...

مب وايد نعطيهم نوعين من خافض الحراره... احس مب زين انزود عليهم... !!

و خل التفاح سمعت عنه مره.. يقولون زين لانه بسرعه يتبخر فيسحب وياه الحراره..

..

تسلمين على هالمرور.. و ماشاء الله اتوقع عندج خبره كبيره ويا اليهال...

[ضي دبي]

مســاج كل الهدووء ويعله خالي من صياح و صراخ حمود ..

من أكـئب اللحضات يوم الياهل يمررض ويطول في المرررض .. الام تتعب والياهل يتعب بعد وعادي اذا طوول في مرضه يضعف فـ قلب الأم يحاتي ويخاف اكثر كل ما مرض البيبي ولو كان مرض موسمي بسيط ..

اذا كان حمود من النوع اللي يمرض بسسسرعه فـ يمكن يكون السبب انه مناعته ضعيفه .. كيف ..؟ يمكن مب متعود على اللعب برع او تغير الجو و الأكـل أو انه ضعيفون ما تأكلينه أكـل صحي وايد يـــمــكــن .. فـ حاولي تبعدينه عن الجو البارد او البيئه اللي تمرضه بسرعه واستشيري دكتور مختص شاطر تراه يأثر في العلاج .. ولا تنسين بعد العلاج النفسي للبيبي اذا مـرض لازم اتكونييين صبووره وايد معاه ودوم تمسحينه وتهمزينه بكريم تراه يأثر بعد ..

وعن طيحات اليهال.. ماشي غيير اتراقبينه 24 ساعه كل ما مشى ولا ركض ..

من تجربه خاله اتمووت في الصغاريـــه

وربي يحفظج ويسعدج مع حمود

[مجموعة إنسان]

أم حمووود

في دكتور في بوظبي وااااايد شاطر بسوالف اليهال

بنت أختي تحت لسانها لاصق ماتعرفين كيف
قالولها لما تكمل سنه تقدر تسويلها جراحه

بس واايد تمرض المسكينه
دوم فيها حمى

[أمطار]

الســــلام عليـــكم ..

شحــــالهم مــامــات الواحــات ؟!
عســاكم مرتاحيــن

عـــالم الأطفــــال


فعــلاً أصعب شي ع الأم لمــا يكــون الياهـل مريــض ومش عــارف يشكي أو يخبــرها شو اللي يعــوره أو مضـايقنــه فـ يبدا سيناريو الصيــــاح ...

فـ ما أقـــول إلا اللـــه يعيـــن كـل أم ويحفظــلها عيــالها ..


مـلاحظــة بس حبيت أقــولها لكم ..
دوا السعــال (أكتيفيد وغيره) أبـــد مش صحيــه للياهل.. حتى لو كان عنده سعــال
خــاصة اليهــال اللي تحت سن 6 سنــوات ..

صــح أنــه يهدّيهم شوي بس واايــد يأثر على صحتكم "سلباً" ..
فـ ما بالكــم تعطونهــم وهم مش محتاجينـــه!!


أنــا عنــّي (كـ عمـّه وخـاله ) أفضـّـل استخدام العلاج الطبيعي ..
عندكم مثــال .. العـســل واايد مفيــد للسعــال ..



ووو شـــو بعـد؟!

بـالتوفيــــق عزيزاااتي ..

[ضي دبي]

صــدقــج أمــطار العــسل الطبيعي وااييييييييد وايييييييييد مفيد للكبار والصغار ..

[طير الحب]

ههههههههههههههههههه

اذا عالخبرة ...كل يوم نتعلم


يالله ربي يرزقج بنوته...دلوعه شروات حور.....ربي يبارك فيهم البنات...ضراير مش بنات...حياتي والله