.. مـامـات الواحات .. و .. بابات الواحات ..

[شوق القلوب]

هلا مزايا..

عيل انت وضعج غير دامج في غربه... محد بيلومج..
في مكتباتهم بتلاقين عندهم آفكار لالعاب و يوم بيكبر شوي ان شاء الله ..بتحصلين له جي العاب لصق و تركيب .. سوالف وايد يستمتعون بها اكثر من الموجود في البلاد...
يعني.. شوي شوي .. اخذيله العاب التركيب.. البزل.. او العاب حركيه ..كره سله.. بولنج.. من هالسوالف.. اللي ما اتخليه يالس طول اليوم و اتخليه يفرغ طاقته شوي..
الوحده في الغربه عندها مليون شغله اتسويها في البيت.. و تبا الفكه من حشره الصغاريه عشان اتلحق اتخلص..

الله يهون عليكم غربتكم و يردكم بالسلامه ان شاء الله .. :)

[قرموشة]

بنــاتي هنـد و مـريم و لطــيفة
الله يحـفظهم ويحفظ لكـم عيالكم ويخـليهم

[رمــش الغـــلا]

^ حبيباتي الله يحفظهم ويخليهم ...

الحمدلله الله رزقني ببنتي عائشة ..

[قلوب دبي]

ماشاء الله... والله يبارك فيهم
فيهم و يحفظ لكم عيالكم

حمد، بيكمل 4 سنوات
عبدالله، سنتين

[الهيثــم]

الله يحفظ لكم عيالكم ويبارك فيهن ويجعلهم من الصالحين

وانا الحمدلله الله رزقتي ب ( صقر ) والحين عمره سنة واربع شهور الله يحفظه ويحفظ لكم احبابكم

[شوق القلوب]

السلام عليكم

ماشاء الله ... الله يبارك لكم في عيالكم ، يجعلهم من الذرية الصالحه ..

..

، الحمدالله ربي رزقني ببنوته .. عسى ربي يجعلها قرة عين لنا
و بدا عدنا مواااال السهر ^ـ^ ،الله يعين كل الامهات :)

[قرموشة]

الله يحفظهم يارب

[أنامل قلب]

رجعت قريت الموضوع من بدايته ، حبيت ،،،
الله يحفظهم لكم ويحفظلنا عيالنا وحبايبنا يارب ،

اليوم حبيبي يسوفي قارصته نمله
توهقت بعد قلبي اييني يبي يصيح ويتحجج ..

مادري بالاول حطيتله خل ، عقب دهنته بفكس ولبسته دلاغ
عن يتعبث بيده تالي يدق ويهه ولا عيونه !..

الله يحفظهم لنا ويعافيهم من كل شر
ويديم لكم ذريتكم كما يحب سبحانه ويسخرهم ..

(Heart)

'،
.

[أنامل قلب]

شو رايكم لو نقعد نكتب طرق تطوير مهارات الطفل وتعليمه بشكل عام وخاص سواء بطرق عمليه ، كتب مفيده لنا في التربيه ، برامج ، مقاطع فيديو ، ولهم بعد ملفات صوتية ومرئية تكون تعليميه وترفيهيه ينفس الوقت ، القنوات اللي تنصحون فيها ، أماكن الترفيه ، نوادي ومراكز تعليم خاصه ابهم من تعليم سباحه / رياضة / تحفيظ قران ، وغيره ..

بزمن تمكنت فيه الأجهزه منا مو غريبه ياخذونها اليهال متعه لهم كونهم يشوفونها بشكل مستمر ، والبديل هي الشغلات اللي بنقترحها ان شاء الله ..



^_^

[الهيثــم]

^^ يحلييله الله يحفظه لكم ويبارك فيه

من الي لاحظته انهم ما يحبون التلفزيون الحين ويندمجون في الاجهزة الذكية الحديثة
بس لازم نحدد لهم اوقات معينة يلعبون فيها او يستخدمونها على اساس ما تأثر على صحتهم ونظرهم

[أنامل قلب]

ويحفظكم أخوي ويبارك لكم بذريتكم يارب ..

امممم انا مش من محبي الأجهزه لولا انها شر لا بد منه ، الأمراض اسم الله على عيالنا مو فقط على نظر ولا عدم احتواءهم بالشكل المطلوب وانما توصل لامراض عصبية وذهنيه عافانا الله واياكم يارب ..

حاولو لا تشغلونهم بالالعاب الخاصة بهالاجهزه ، وبرايي ممكن تكون المرئيات لها ضرر اخف جدا من الالعاب والبرامج الاخرى بالايباد والأيفون وغيره ..

الخطأ اللي يصير ان الأهالي احيانا يستانسون لمن الأطفال يكونون متمكنين بهالبرامج والالعاب الالكترونيه ، حلاتها الالعاب العملية واللي فيها حركه وأدوات يتم التعامل معها بشكل مباشر ..

؛

أتمنى من كل من له وجهة نظر يفيدنا ، ولكل من عنده أفكار وطرق وأماكن تنفع تعلم الطفل والاهم انها تونسه وتخليه عايش المراحل الاولى من عمره بأجمل وأطيب واسلم الطرق ^^،

[شوق القلوب]

السلام عليكم

شخبار العيال ؟؟

بالنسبالي برنامج جداً جميل اشتركت فيه و يساعد وايد .. هو برنامج معين المؤسس له د. جاسم المطوع ، خدماتهم حلوه و افكارهم و الاحلى وجود الاستشارات .. انصحكم فيه .

[عمة العيم]

هلا ماماوات و باباوات الواحات

الصراحه عندي محمد عمره ٧ سنوات و مطلع عيني
عيالنا الحين بو سبع سنوات مب مثل قبل
يعني عيونهم مفتوحه ع كل شي ماشاء الله
يعنييييي جدا صعب التعامل وياهم
و برنامج معين صح مفيد وايد و يالس يساعدني

حاليا خشيت عنه الننتندو سويتش
و سويت كنترول علئ قوقل و سفاري و يوتيوب لانه الحمدلله و الشكر شاف و عرف الاكو و الماكو .... ها كله وهو تحت عيني ماودره عند الخدم و طلعاتي وياه مول ماودره
الله يعين اللي يودرونهم عند الخدم و لاهين عنهم فالطلعات