.. مـامـات الواحات .. و .. بابات الواحات ..

[شوق القلوب]

يا اختي كم بيغيبون... بس مدرسته اتصلوا يسآلون عنه...

[طير الحب]

الله يحفظ لكم كتاكيتكم....

[شوق القلوب]

السلام عليكم

طمنونا على كتاكيتكم ٫٫٫ كم اعمارهم ٫٫٫ وفي اي صف ؟

[نجمة دبي]

اي كتاكيت .. خلاص كبروا ما شاء الله عليهم

فاطمة ٥ سنين
فجر ٤ سنين
محمد ٦ شهور

[رمــش الغـــلا]

الله يحفظ لكم كتاكيتكم ..

حميد عمري 3 سنين ونص الحين " الله يحفظه "

[مزايا]

يالله كيف كبرنا :)

تتوقعون عيالنا بيعرفون شي اسمه منتديات ؟

[الاسطوري]

يوسف سنتين وثلاث شهور ودخلته الحضانة ينمي مهاراته .. أول فترة كانت صعبه بس عقب تعود ورابع زايد وكريم وأكبر وهاريسون وشنايا (ولا مواطن بينهم)

[مــهــابه]

آنا صآرت بيشو ٣سنوات ..
سوآف توه يكمل سنه..

الله يحفظ هم ويبارك فيهم ويجعلهم من الذرية الصالحة..

[الاسطوري]

آمين .. الله يخليهم لكم

[شوق القلوب]

ماشاء الله عليهم .. الله يحفظهم و يبارك فيهم...

سن ال٣-٤ سنين.. هذا سن الشطانه... الحمد الله انهم يدخلون المدارس بعمد ال٤ ... يهدون و يعقلون شوي من عقبها...

الاسطوري : بنتي مخبلتبي من سوالف ربعها.. لين قبل ما ترقد و هي اتسولف عن شما وشمسه و شيخه و سالم و عباتولا ( دلع عبدالله ) واللسته الي ما اتخلص

بس بصفه عامه اتحملوا عليهم من كثره اللعب بالاي باد.... ترى والله يخبلبهم... خصه اذا تموا يلعبون فيه وايد في الليل...

حاولوا اتحددولهم وقت معين... وعقب تاخذونه عنهم

[مزايا]

انا ولدي ملعوزني عشان براعم و الايباد مع انه عمره سنه و ٨ شهور و السبب كله مني انا اللي خليته يتعلق بالايباد عشان ما يلعوزني فالطياره .. و الحين يالسه أكلها بروحي ؛( .. ما اعرف شو أسوي به ابغيه يعافه ..

[لمّــاح]

انا عندي احمد, 3 سنين ..
الله يخليلكم عيالكم

[شوق القلوب]

هلا مزايا...

حاسه بمعاناتج.. لانه للحين انا اعاني من هالشي ويا ولدي مع انه ماشاء الله صف اول ابتدائي... بس مثل ما اتقولين من كان صغير و عودناه ع الاي باد و براعم و الحين دزني جونيور... عااااادي استوى عنده اطلع عنه.. ولا يفتكر بحد دام عنده هالاثنين... وطبعا هالكلام يشمل البلاي ستيشن و حاليا الاكس بوكس ... !!!!

اللي رمت اسويله اياه الحين... قمت اخش عنه الاي باد.. عادي بالايام.. و خصوصا ايام المدارس... فالاجازات اعطيه بس احددله وقت... ساعه تقريبا واخذه..
واذا كنا بنسير مشوار طويل.. اعطيه في السياره عشان لا يحتشرون في الدرب...
يعني مجمل الكلام .. عطيه اياه في وقت الحاجه... بس مب دوم موجود جدامه..وخصوصا هو بعده صغيرون حبيبي...

حاولي اتخلينه يلعب برع.. وفريله بدائل يستانس عليهم... آلوان .. مكعبات وايد حلوه في سنه.. تطور قدراته العقليه.. سيكل.. كور .. سيارات.. وحاولي انت تيلسين تلعبين وياه.. وناستهم اتكون اكبر...

الله يعينا على تربيتهم التربيه الصالحه..
نفس الحال للتلفزيون.. اقوله هذا وقتك.. وهذا وقتنا...

[شوق القلوب]

لماح .. هلا والله ..

ماشاء الله ... الله يخليلك احمداني و يباركلك فيه... ^ـ^

[مزايا]

شوق ..

ولدي من النوع اللي اذا بيعشق بيعشق أشياء معينه بس مش كل شي يشده
و الطامه الكبرى الايباد عشقه الابدي اتوقع ههههه ..
المشكله اني حاليا عايشه برع الإمارات و الجو ابدا مايساعد ع اللعب برع من كثر البرد
ف يكسر خاطري انه محكور و ما يطّلع طاقته الا ف براعم و الايباد ..
لدرجه انه وديناه ديزني عشان يحب ميكي و السفره كلها عشانه و فالأخير عطوني ايبادي ولا بغلس عليكم ..

الله يبارك فيه و يهديه يارب