.. مـامـات الواحات .. و .. بابات الواحات ..

[سبيجة]

هلا ياسمين

انا سمعت انها تقلل الحليب ومكتوب هالشيء في العلبة ,,, وانها ما تنعطى للمرضع إلا بعد الاستشارة..


للأسف انا لازم اخذها 3 شهور أو شهرين على الاقل ... بس الحين انا في أول شهر وما افكر اكمل ...لأنه وايد مخلتني عصبيه ... ولوعه طووول الوقت ..مثل احساس الوحام بالضبط اتخيلي ...!! قالولي انه بس أول شهر جيه ... بس مب عارفه إذا استمر ويتعدل الوضع في الشهر الياي أو لا ...

[نجمة دبي]

السلام عليكم

كيف الحال؟

تاريخ اليوم 5-5-2010
في هالتاريخ المفروض اني اولد ..

والحينه دخلنا اليوم الاول من الشهر العاشر
وللحين مافي اي علامات للولاده

في حملي الاول .. ولدت بـ الطلق الصناعي .. وكان هذا في يوم موعد الولاده ..

لكن في حملي الثاني ماعرف شو السالفه .!

الدكتوره قالت لي بتعطيني طلق صناعي يوم العاشر من الشهر العاشر ..

والصراحه بما اني مجربه هالشي من قبل .. ما اظن اني اقدر اتحمل العوار الفظيع والطوييييييل ..

خبروني .. شو اسوي؟

مع العلم اني امشي وايد .. وما اشرب مشروبات غازيه .. والعشا يكون خفيف ..

احتاج للنصيحه

[فرفوش]

السلام عليكم

كيف الحال؟

تاريخ اليوم 5-5-2010
في هالتاريخ المفروض اني اولد ..

والحينه دخلنا اليوم الاول من الشهر العاشر
وللحين مافي اي علامات للولاده

في حملي الاول .. ولدت بـ الطلق الصناعي .. وكان هذا في يوم موعد الولاده ..

لكن في حملي الثاني ماعرف شو السالفه .!

الدكتوره قالت لي بتعطيني طلق صناعي يوم العاشر من الشهر العاشر ..

والصراحه بما اني مجربه هالشي من قبل .. ما اظن اني اقدر اتحمل العوار الفظيع والطوييييييل ..

خبروني .. شو اسوي؟

مع العلم اني امشي وايد .. وما اشرب مشروبات غازيه .. والعشا يكون خفيف ..

احتاج للنصيحه

أهتمي بـ أكل الرطب - ورد ذكر الرطب في القرآن في حيث أن السيدة مريم العذراء - تناولت الرطب لتخفيف حدة ألم ولادة النبي عيسى عليه السلام حيث أوحى لها الله عزوجل في كتابه من سورة مريم " وهُزِّي إليكِ بجذعِ النَّخلَةِ تُسَاقِط عليكِ رُطَباً جَنِيّاً(25) فَكُلِي واشرَبِي وقَرِّي عيناً فإمَّا تَرَيِنَّ من البَشَرِ أحداً فَقُولِي إنِّي نَذَرتُ للرَّحمَن صَوماً فلن أُكَلِّمَ اليومَ إنسِيّاً(26)"

هذه المعلومه سمعتها في أحدى القنوات الطبيه^_^

[شوق القلوب]

هلا عزيزتي...

لا اتخافين و لا اتشلين هم... ان شاء الله تولدين طبيعي هاليومين ... دام انه الياهل بخير.. ان شاء الله كل شي بيكون تمام...

اللي عليج انج تهتمين بصحتج.. وتدعين الله انه يسهل عليج ..

و متى ما الله راد بتربين ... لا اتوترين اعصابج...

و ان شاء الله اتبشرينا جريب :)

[نجمة دبي]

الله يسمع منج الغاليه

احس عمري وايد طولت .. ومافيني صبر بعد

لكن مثل ما قلتي .. كل شس بايد الله سبحانه

ادعولي دخيلكم

[شوق القلوب]

ربي يسهل عليج... استغفري و اذكري الله وايد.. و اقري قران...

وارقدي و ريحي جسمج... لااااحقه ع السهر.. ^ـ^

[طفلة من هذا الزمان]

نجمـــــة دبي ،،

الله يسهل علييج إن شااء الله و نسمع بشاارة ولادتج وسلامتج انتي و المولوود جريب بإذن الله ...

[نجمة دبي]

شوق القلوب / طفلة من هذا الزمان
ان شاء الله يارب .. :)




فرفوش
تراني اكل تمر وايد
في اليوم الواحد اكثر من 10 حبات
واليوم شربت جرفه
للحين مافي شي



شكرا للكل

[شوق القلوب]

لا اتهجين جسمج اكثر من اللازم... هذي امور بيد الله سبحانه...

ولا تشربين الخروع تراه مب زين.. لانه يزيد الالم

[حلم الطفوله]

الله يسهل عليج يا نجومه .... وتولدين بالسلامه وتفرحين بالبيبي إن شاء الله


يحليله فرفوش ....من كثر ما غمضتيه وكسرتي خاطره عطاج نصيحه مفيده الصراحه

بس بعد التأخير بالولاده شيء طبيعي فلا تحاتين وايد ....

[نجمة دبي]

شوق القلوب / طنط حلم ^_^

كل حد يقول لي ان في غلط بالحسبه .. واني معطية التاريخ غلط للمستشفى
الصراحه مادري .. ما اذكر .. كل شي جايز

باجر عندي موعد تخطيط .. ان شاء الله خير

[دمعة شوق]

الله يسهل عليج يا نجمه ويقومج بالسلامه انتي والبيبي
عاده طمنينا علييج :)

[طير الحب]

عادي حبي انا بحور تاخرت اسبوع عن موعد الولادة اشربي زعتر او جرفه....وادعي ربج

الله يسهل عليج وعلى كل حامل:)

[مــهــابه]

حبيبتي نجمه لآتحـآتين

آن شاء الله بتربين وبتقومين بالسلامه

آكلي عّجوه يقـولون انهـا وايد زينه ..



الله يسهل عليج ولآتنسين آطمنينآ عنج

[نجمة دبي]

دمعة شوق
سرت اليوم وقالوا كل شي اوكيه .. ويوم بيعورني بطني او استوى اي شي على طول الحوادث
بتريا لين يوم الخميس وبشوف .. اذا ما ربيت بسير عند دكتوره زينب .. كاستشاره
مشكوووره





طير الحب
شربت امسات جرفه لكن ما استوى شي .. الصراحه اخاف اشرب اي شي ..
مافيني عالعوار واخر شي يطلع مب ولاده ..
مشكووووره





مهابه
تراني اكل وايد .. وان شاء الله ربي يسهل عليه وعلى الجميع