السفر.. هالايام...

[شوق القلوب]

السلام عليكم..
حابه آخذ ارائكم للسفر في شهر واحد...
مابا شي يخص شرق آسيا.. ما ادري احس السفر هناك ما يسوى...
المهم الوجهه غالبا بتكون اوروبا.. بس ممم احاتي البرد.. خصه و انه عندي حمودي..
..
فكرنا بنييس..و باريس بس اتوقع انها في الصيف بتكون احلى...
فكرنا بتركيا .. بس مب وايد متشجعه...
..
ابا مكان مثل اجواء اسبانيا.. اتكون البروده فيها معتدله.. يعني مب برد وايد و هلاك...

..


و صح بغيت اسأل عن فيز اوروبا.. .. شو يبون و هل يتأخرون فيها ..؟؟؟

[خيال الحب]

هلا بام حمودي ^__^

انا انصحج بمــالطــا .. حق العوايل وايد اوكــي.. وجوها مب بارد وايد .. يعني اوكــي

وبخصوص الفيزا .. ودوها مكتب السفريات ب3 ايام بتخلص .. ب500 درهم .. بس ابو حمودي لازم يتصور بدون غتره وعقال .. ..

الحين فرنسا بارده وكلها امطار وهالسوالف

كنت بروح اشوف احتفالاتهم براس السنه هناك تحت برج ايفل بس ماحصلنا حد يسافر ويانا للاسف..

وعندج طال عمرج برشلونه حلووه بعــد


وعندج بعد جزيرة موريشووس وايد يمدحوونها

[شتشووته]

.

احنا ناوين انسير جزيرة موريشووس ان شاءالله ..

مع اننا كنا ناوين ع اوروبا بس ماتنفع وخصه انه شتاهم السنه موووت ف ما انصحج بأوروبا خصه وانتي عندج بيبي

ولا بالجزيره لانه مافيها اشيا وايد يعني حق couple بس ^^"

بس تركيا احسبها اوكي .. انا كنت ابا تركيا بس ريلي قال يبا يسير الجزيره ومشيناها لووول

....

[شوق القلوب]

السلام عليكم..

خيااااال...

مالطا وين هالايام ،،،؟؟ << اسمحلي اختك معلوماتها صفر جغرافيا !!

ترا هاللي فيكرت فيه.. اخاف ما نتهنا بفرنسا مثل لو سرنالها في الصيف..

برشلونه.. صح ما زرناها.. بس اخر سفره كانت لاسبانيا..و نبا مكان يديد.. مع انها مكان حلووو..

..

جد حد سار قبرص ..؟؟

[شوق القلوب]

السلام عليكم..

شتشوووته... مبروووووووووك مقدما..
و ان شاء الله تستمتعون بسفرتك.. و اتكون ايامكم كلها عسل.. :)

..

بالنسبالي احس ان الجزر اتخوف في شتا.. عواصف و اعاصير... ما ابا ازيغج.. بس اتاكد،ا قبل لا تحجزون... !!

[خيال الحب]

مالطا جزيره صوب ايطاليا .. يلقبونها بسويسرا البحر المتوسط ^_^

[شوق القلوب]

اااهاااا... والله معلوماتك قيمه...

يبالي ادور عنها..

[شتشووته]

تسلميين حبي ..

انا والله قلتله بس هو مصر .. يقول لو كم يوم وعقب نسير مكان ثاني ..

وان شاءالله خير .. جزيرة مالطا حلوه والله .. بشوف وبخبره .. يمكن نتلاقى اهناك لوووووول

[شتشووته]

شوق القلوب .. خالي احيده ساير قبرص ووايد يمدحها ..

يبالي اتخبره باجر عنها ^^"

[الـيـاه]

يا جمال باريــس فالشتا .. احلى من الصيف بمليون مره
خاصـه هالفتره واحتفالات النيو يير .. الشانزلزيه يكون روعه 3> انا عقب يومين بسير حق 10 ايام ان شاء الله

بس عشان البيبي احس لا تسيرين .. وايد بررد عليه

انزين ليش ماتسيرون اسبانيا ؟

[شتشووته]

الياه .. صدق والله .. احس واااااااايد برد خصه هالفتره .. باريس برد برد

يعني مب شي .. مابنقدر نظهر .. هممم .. انا والله كااان بخاااطري اسير باريس بس ريلي يقول خليها للصيف

[مايهزك ريح]

انا توني راد من اسبوعين .. واااااااااايد برد .. ثانيا البلاد زحممممممممممممه .. ما بتاخذون راحتكم ووايد حراميه في باريس ..

سيروا في الصيف او شهر 4 .. بيكون ربيع .. ^_^!!

[عفاريتووو]

جنوب ايطاليا صوب روما اظني جوهم ادفى عن باجي اوروبا
و جزر ايطاليا بعد واييد يمدحونها
اليونان
تركيا فيها وايد اماكن حلوة لو بتروحولنها مروا ع صوب كابادوكيا
جنوب فرنسا صوب نيس و كان

[شوق القلوب]

شتشوووته...
والله زين لو بتتخبرين خالج عنها.. شوفيه شو بيقولج ... و خبريني... :)
...
الياه...
اسبانيا سايريلها ايام الهوني مووون وكان عقب النيويير بكمن يوم.. بس زينه الشوارع كانوا امخلينها.. اجواء اسبانيا حلوه.. ما ادري احس انها بلاد غييييييييير
بس شوقتيني لباريــــس...
بس هو عشان حموودي.. احافه يتلعوز.. خصه الصغار ما تتدريبهم بردانيين و لا دفياننين.. هذا غير الخوف انهم يمرضون.. !!
...

[شوق القلوب]

مايـــد..
هو ادري انه هالوقت غلط.. بس هو اكثر وقت يناسب بو حمودي.. وفرصه لانه سفره الشتاء اتكون لها حلاتها....
بس ما خبرتني عن الفيز... ؟
...
عفاريتووو...
ما ادري وين قاريه... يقولون لا تسيرون جنوب ايطاليا من الحراميه...
و اليونان.. ممم يبالي ادور عنها...
انزين عن تركيا خبريني عنها... ؟ تستاهل ولا لا..؟؟
..
في وحده خبيــــره تركيا للحين ما قالت لنا عن شي !!!