السفر.. هالايام...

[الـيـاه]

^ هيه عدال فندقنا .. نحنا فالـ four seasons يجنن و روعــه الview

[المزوحي]

إن شاء الله تنبسطون ..

[مايهزك ريح]

الياه .. انا كنت اوقف الموتر تحت باركات الـ four seasons وانسير نتعشى في مطعم الديوان .. ^_^

[الـيـاه]

المزوحي : مشكوووووور *rose* .. باجيلنا يومين ورادين ان شاء الله

مايهزك ريح : اوووه اوكيي .. جرب مطعم هالشيف Alain Ducasse في فندق Plaza Athenee مره ثانيه
و مطعم L'atelier de Joel روعه السوشي مالهم
و Le Cinq اللي في فندقنا اول الايام كله اتغدا تحت لول

[تحفه]

مطاعم فرنسا :
Ducasse
Taillevent
L'Atelier de Joel Robuchon
Le Auberge Quincy
laperouse

و لندن
The Fat Duck
Capital Restaurant
Le Gavroche
Le Caprice
Blakes restaurant
Indigo
Tamarind





وبسكم اكل عربي يوم تسافرون P;

[بنت الدلع]

^ ماشالله عليج حافظه اساميهم
في السفر ادخل المطعم بدون لا التفت لاسمه p=

سين سؤال .. تاكلون دياي او لحم من برع ؟؟ اذا تعرفون انه مب مذبوح على الطريقه الاسلاميه ؟

[تحفه]

^هيه اشوف مسجاتي فالتلفون لاني اسافر وي كل اهلي فيوم يتصلون لي عشان يسؤلوني وين انا وكزنتي طبعا لان نحن نمشي عنهم "هم يوم يدشون مكان مايطلعون بسرعه" .. فنضيع .... وبعد ساعاااات يتذكرونا ونكون نحن في مطعم ... فنطرشلهم الاسم عشان ايوونا هيهيهي :X ... او مثلا اذا بتشاوف وي ربيعاتي او شي...... فنطرش مسجات العناوين او الاسامي P;

بالنسبه لسؤالج اهلي يستوون نباتيين او ياكلون اكل بحري ... انا ؟ اقول بسم الله واكل XD

[تحفه]

بنت الدلع : اذا انتي تشكين نفس كل اهلي في سالفه حرام وحلال خذوا طباخ وافتكوا! .. اهل ماما من دون الشف ما يسافرون! لان الكبار في العمر ما ياكلون اي شي :S تخيلي في لندن وفرنسا تاكلين مجبوس و زبيدي و برياني! لوووووول لا بعد شيشه جنهم في بلادهم XD حتا دريوليتهم الانجليز خلوهم يدمنون علشيشه

[مايهزك ريح]

انا والأهل من النوع اللي نحاتي حلال وحرام .. ما آكل لحم او دياي في السفر إلا اذا اتأكد انه حلال !

ما بموت لو ما كلت لحم او دياي .. كلها كمن يوم وبرد البلاد وباكل اللي اباه ..
وفي شي انتبهوا للسلطات .. ساعات يحطون لحم خنزير مفروم فيهن..
مره كلته بالغلط ما يبين كانوا مقطعينه صغاااار وايد ما انتبهت إلا عقب ما قالت لي الرضيعه اسال شكله فيه bacon !

وبعد ساعات يطبخونه بالخمر .. ومثلا التيراميسو في بلاد برا في اماكن يسوونها بالخمر (نوع معين اسمه rome )!
صدق اتعب في السفر لأني وايد ايلس افكر في هالأشياء ..

[بنت الدلع]

تحفه ..
يا سلام عليج
كيف تقولين باسم الله وتاكلين >.<

سامعه عن هالحديث ؟
"من أكل لقمة من حرام لم يقبل له صلاة أربعين ليلة ولم يستجب له دعوة أربعين صباحا وكل لحم ينبته الحرام فالنار أولى به"

هههه عجيبين هلج بس والله زين يسوون اذا الواحد يشك يسوي جيه احسن
بس بعد عباله

مايهزك ريح ..
نحن جيه بعد .. ناكل خضره وتونه وجيز وهالسوالف
بس في وااااايد اماكن برع فيها مطاعم حلال
خصه المانيا صدق مترووووسه مطاعم حلال
لان وايد تركيين هناك

على فكره حتى الاسكريم مالهم بعضه يكون فيه خمر
احيد في الصيف طلبنا اسكريم وهو يحط لنا
جان ايي ربيعه وشافنا عرب بعدين قال هذا فيه خمر
الحمدالله محد كل منه

[خليجيه]

ما يهزك ريح....... كلامك صح والله ، الواحد ما بيموت يوع اذا ما كل لحوم برع دامنه مب متأكد منها... وخلنا نعتبر عمارنا في ريجيم قصير لين ما نرجع البلاد

[شوق القلوب]

السلام عليكم...

كلامكم صح.. الواحد لازم يحاتي هالسالفه...
بس احيد مره خبرتني وحده انه فيه مطوع قالهم سموا و اكلوا... خصه اذا الواحد استصعب عليه معرفه انه حلال و لا حرام...

[تحفه]

تحفه ..
يا سلام عليج
كيف تقولين باسم الله وتاكلين >.<

سامعه عن هالحديث ؟
"من أكل لقمة من حرام لم يقبل له صلاة أربعين ليلة ولم يستجب له دعوة أربعين صباحا وكل لحم ينبته الحرام فالنار أولى به"

هههه عجيبين هلج بس والله زين يسوون اذا الواحد يشك يسوي جيه احسن
بس بعد عباله

مايهزك ريح ..
نحن جيه بعد .. ناكل خضره وتونه وجيز وهالسوالف
بس في وااااايد اماكن برع فيها مطاعم حلال
خصه المانيا صدق مترووووسه مطاعم حلال
لان وايد تركيين هناك

على فكره حتى الاسكريم مالهم بعضه يكون فيه خمر
احيد في الصيف طلبنا اسكريم وهو يحط لنا
جان ايي ربيعه وشافنا عرب بعدين قال هذا فيه خمر
الحمدالله محد كل منه

والله صعب اكون نباتيه فالريوق والغدا والعشا لمده طويله و التونه تعور بطني وراسي ... و انا مب من محبين الاكل البحري ( ماقدر اكل سمج طول الاسبوع )

وعن الحلال والحرام اعرف انها its an huge issue! بس في واحد من العلماء الشيعه حلل وانا استانست عليه

انا مستحيل اكل من محلات الشوارما و هالسوالف لاني متعقده من موقف كنا طالبين من الملاح وشفنا ذيل فار في الشوارما و قبل شهرين طالبين من بيتزا ان شفنا كومه شعر بين العجينه و الخضراوات

عشان جي ما اكل غير في مطاعم

(إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنزِيرِ وَمَا أُهِلَّ بِهِ لِغَيْرِ اللّهِ فَمَنِ اضْطُرَّ غَيْرَ بَاغٍ وَلاَ عَادٍ فَلا إِثْمَ عَلَيْهِ إِنَّ اللّهَ غَفُورٌ رَّحِيمٌ )البقرة173
أي أنه إنما حرم الله عليكم ما يضركم كالميتة التي لم تذبح بطريقة شرعية, والدم المسفوح, ولحم الخنزير, والذبائح التي ذبحت لغير الله. ومِنْ فَضْلِ الله عليكم وتيسيره أنه أباح لكم أكل هذه المحرمات عند الضرورة. فمن ألجأته الضرورة إلى أكل شيء منها, غير ظالم في أكله فوق حاجته, ولا متجاوز حدود الله فيما أُبيح له, فلا ذنب عليه في ذلك. إن الله غفور لعباده

انا الصبح عادي اكل فواكه و لبنه وعسل ( ريوقي المفضل ) ... بس الغدا اكل في مطاعم .. الفليل عشاي يكون سناكس يعني حلويات وكيك وجبس وهالسوالف


ماحب اسافر واكل مجبوس و برياني احس اني مب مسافره واصلا مب كل مره بتسافرون وي كل اهلكم عشان يكون عندكم طباخ لول

شو فايده تسافرون و ما تاكلون اكل البلاد وبعدين شو دراكم انتوا هني تاكلون اكل حلال لول! انتوا هني ماتشوفونهم جدام عيونكم كيف يذبحون الا اذا كنتواا تربونهم في مزارعكم


تدرون ايام حرب الخليج ايران ماخذت من شركات اللحم والدياي لانهم طرشو وفد وعرفو ان الذبح مب حلال P; شكلكم ما تعرفون

عشان جي ثلاث ترباع الناس يفضلون ياكلون من ذبايح مزارعهم

نحن حتا الحليب ناخذه من المزارع بس انا ما يعيبني بطني يعورني يكون وايد ثجيل :S

[بنت الدلع]

تحفه ..
المشكله تعرفين شو ان احيانا الخضروات مالهم يسوونها بطريقه نحن ما نتقبلها
يعني يوم يفورون الخضره ولا شي جيه .. معدتنا مب متعوده على هالاكل
الله يكون في عونا بس

تدرين نحن حتى في البلاد
بابا مايخلينا ناكل من اي مكان
يقول شو يظمنكم ان اللحم او الدياي اللي يايبينه ذبح اسلامي
وصدقه بابا .. يعني ليش الشركه بتخسر وبتييب لحم حلال يكون وايد اغلى بس اما يوم اييبونه من برع ومذبوح بالصعق الكهربائي ولا اي شكل من الاشكال يكون واااااايد ارخص عليه
بس لله الحمد ان في واايد مطاعم تخاف الله ومتعاقدين وياهم وتاكلين عندهم وانتي مرتاحه

اخيييج استغفر الله >.<
هالشاورما في البلاد ولا برع !!

[بنت الدلع]

وبعدين شو دراكم انتوا هني تاكلون اكل حلال لول! انتوا هني ماتشوفونهم جدام عيونكم كيف يذبحون الا اذا كنتواا تربونهم في مزارعكم

:S

بالضبط .. صح كلامج
نحن يوم نسير مطاعم (في البلاد) .. اذا ماكنت متأكده من المطعم اسأله من وين الدياي مالهم
ما اعتمد عليهم اذا قالوا حلال ولا لا .. اهم شي عندي اسم الشركه .. اذا محلي اكيد حلال
او مستورد من دوله مسلمه

حتى احيانا ربيعاتي يستغربون يقولون كيف جيه تسئلين اكيد حلال انتي في دوله مسلمه
مابا شي حرام يدش في بطني وبعدين هالشي بيأثر على ذريتي لول