السفر.. هالايام...

[مايهزك ريح]

انا الفيزا عندي من زمان .. يوم كنت ساير المانيا .. خذت الـ multiple schengen
تحتاجين يكون عندج :
حجز مؤكد لفندق + تذاكر السفر + bank statement مال ست شهور +
تامين صحي اتسوينه عند مكتب السفريات اللي بتحجزين منه ..
واعتقد تقدرين تطلبين 4 سنين شنجن اذا الجواز يديد نحنا جوازاتنا تنتهي 2011 فعطونا بس سنتين !

واتذكر اني دفعت عن كل جواز 300 وشي ..

انا مسوي الحجوزات مال المانيا عند بن عمير للسفريات اللي عدال لامسي بلازا
وعقب اتودينهن المكتب اللي عدال فندق كابيتول - الضيافه عشان الويزه .. وتاخذ 3-4 ايام على حسب الزحمه !

هاللي اتذكره انا مسونها العام .. !


وصح جنوب ايطاليا حراميه ..
واليونان ما ايدانون المسلمين .. وايد عنصريين ..
والأتراك تعاملهم زفت ما يدانون العرب ..

والسموحه اختي ام حمودي

[المزوحي]

السلام عليكم

شوق القلوب الحين لو حد سمعج تقولين بسافر في شهر واحد ، بيقولون لج جو بلادنا حلو، وما يحتاي تسافرين.

وبما إنه يناسبكم تسيرون هالفتره، لاتسيرين مكان فيه ثلج، لأنه ما بتنبسطون وخاصه إنه وياكم ولدج ..

تركيا يمدحونها لكن الحين ثلج

وبشوف لو عرفت شي برد اكتب

[عفاريتووو]

امم هو صح ايطاليا فيها حرامية
نحن رحنالها كم من مرة و ما تأذينه منهم الا اخر مرة كسروا درايش السيارة في ميلان لان كنا موقفينها بره
بس لو تحاسبون و جي ماحس ان بتتأذون

و عن تركيا صراحة ما رحتلها بس اهلي راحوولها و و اييد عيبتهم
اسطنبوول كمدينة وايييد حلوة
و الاكل في تركيا عجييييب
و عندج كابادوكيا بعد حلوة كنت شايفتنها في مسلسل من المسلسلات، جي مكاان غريب
و الغرف في الفنادق هناك عبارة عن كهوف في اليبال
http://www.syriafriends.com/vb/showthread.php?t=36121

و شوفي هالموقع بيفيدج عن تركيا
http://www.tourismturkey.org

[عفاريتووو]

و هي عندج فينيسيا في ايطالياااا
حلوووة
رحتلها مرة في الصيف كانت واييد حارة فأحس بهالوقت بيكون الجو فيها حلو
بس صدق وايييد حلوة تحسين جنج بحلم P=

[الا انا]

تركيا حلوه << بس تعاملهم زفت وارف ما يدانون شي اسمه عرب << اختي للحين متعقده منهم خخخ

[تحفه]

شوقي اذا بتروحين باريس سيري في الشتا بس .. لان هالاماكن الي كلها عرب في الصيف تكون احلللللى بالف مره في الشتا

مواسم سفر العرب ( الصيف ) تكون كريهه وايد .. كلها سرقات + زحمه + السوق فاضي + حجوزاتهم فل + اسعار خدماتهم اغلى

اما في الشتا مافي فقارا ولا شحاتين ولا حد يسرق + عروضات كرمس و خصومات اخر السنه + ستوك كبير للسنه اليديده + مافي شي اسمه out of stock + اجواء كرمس داخل وبرع .. + كل الناس الي تشوفينهم في التلفزيون بتشوفينهم جدامج من عيال الشيخ زايد > السياسيين الاوروبيين > اليابانيين الاغنيا مال شرق اسيا والروس > كل الممثلين الاجانب والهنود و المغنيين

كرسمس ( نيويورك وبس)

في الصيف مافي احلى من كان وايد حلو الصيف هناك اذا تبين تستانسين تحسين انج صدق تبين تغيرين جو تستمتعين بالصيف سيري كان .. بس شوي غاليه تكون اغلى من الاماكن الثانيه .... الموهيم و مراكش "طبعا" و جنوب فرنسا "الريف" .. اذا تبين تبتعدين عن الدنيا والناس وتستمتعين بالمناظر الحلوه ... وجنيف حلوه بس لا تسوون تان في جنيف في الصيف لانكم بتحترقون .. شمسهم وايد قويه بتستون سود مب برونزيين :S

وشهر ٣ و ٤ مالديف ( عجججيييبه اذا تبون تسوون تان ) + مول مافي عرب وكلهم اجانب


وشهر ٤ و ٥ Venice بتشوفين وايد عروضات تقليديه + هالفتره الي كل المصممين يكونون موجودين ومنتشرين عشان يحصلون انسبريشن حق كلكشناتهم اليديده .. هم يصممون كل شي ويسون سامبل ويطرشونه بعدين حق الهند و شانغهاي و بنجلادش عشان ينصعون كميات كبيره منه حق العالم كله.... عاد بتحصلين اشياء وايد عجيبه في اسوقتهم وعندهم بوتيكات منخشه تسيرين وتختارين على كيفج مثلا شكل النعال واللون والدزاين وتشوفينهم يشتغلون عليه جدامج بس يكلف

وبالنسبه حق الاسواق الي تبا تعرس وتتزهب .. باريس وميلان ... وموسكو الحين اكثر شي تتوفر فيهم ملابس وشراشف و هالسوالف .. وفي ناس تروح لبنان عشان مصممين الفساتين ... اما اللبنانيين هاليومين باطين جبدي فمول ماداني طاريهم هم والزلمات

والي يبا انتيكات واثاث حق بيته لازم ياخذ شي من جنوب افريقيا .. عادي تشوفون اشياء عجيييييبه وكواليتي وفن وكلاسيك ... برخص التراب

[شتشووته]

يا سلام عليج يا تحفه .. ياختي حمستيني ل باريييييييييييييس ...

[مايهزك ريح]

تحفه انا سرت في الشتا وشفتها زحمه عيل الصيف كيف بتكون ! ..
على العموم انا ناوي ارد لها يمكن شهر 4 ..
عشان الرضيعه كاسره خاطري ما وديتها وفي الصيف عزموا يسيرون نيويورك ..
فما شي غير اجازه الـ Easter

[تحفه]

شتشوته

مايهزك: سافر بعد اول يوم العيد الفطر/ الاضحى على طول مب قبل ولا بعد اسابيع .. لا تختار مناسبات الاجانب لانهم ماجزين و بلادهم كلها بتكون زحمه
سبحان الله على ايام اعيادنا نحن المسلمين تحصل هناك كل شي جدامك وثلاث ترباع ال لمتد ادشن ينزلونهم على اعيادنا لان حفلات المصممين الpre season كلها تستوي بنفس توقيت اعيادنا ... حتا انته بتلاحظ مب وايد ناس من الخليج هناك.. حمدلله مافي وايد عرب يعرفون هالسوالف عن السفر


بالنسبه للزحمه :

١- لا تروح شوبنغ يوم السبت والاحد حدد ايام الاسبوع للشوبنغ
٢- روح اول ما تفتح المحلات ( الصبح )
٣- اذا عيبك شي شله ولا تقول برجع له
٤- اشتر الاشياء الي جدامك .. اذا ما عيبتك بتنفع تكون صوغه
٥- لايام الشوبنغ كون خفييف ..البس كاجوال .. نعال او جوتي مريح




دايما سافروا يوم العرب يرجعون من السفر

[مايهزك ريح]

^
You are the best .. wish you were my little sister :P

[تحفه]

^ LOL! Believe me I am not the best! All what I do is think like a man and act like a lady
Pp=

[خليجيه]

السلام عليكم شوق

الأماكن اللي ذكروها الجماعه وايد حلوه رغم اني ما سرت ولا بلاد منهم :( ما عدا أسبانيا زرتها من سنين. ولو ما ذكروها كان ممكن أقولج سيري وحده منهن.

لكن ناس من أهلي ساروا بودابست في الصيف وواااايد مدحوها وبعدين أحس محد وايد يتردد على هالأماكن رغم جمالها (( نوع من التغيير)).

انتي تتجنبين البرد وفي نفس الوقت حابه اوروبا في يناير، فما شي غير انكم تتوكلون على الله وتدفون زين ما زين :)

ورحله حلوه ان شا الله

[الـيـاه]

وصلت باريس قبل 5 ايام .. الجو ولا اروع 3> مافي شي اسمه عرب .... بس للاسف ليلة راس السنه ماقدرنا نطلع
الا المطعم اللي فالفندق لانه مليون واحد تيمعو فالشانزلزيه ودور ما دار برج ايفل وكلهم يشربون ... يلسنا نشوفهم من البلكونه لول

كل يوم احتفال 3> والسوق يجنن مب شرات الصيف مخلصينه العرب
سرنا دزني صدق استانسنا بس مستحيل تسيرون بدون قفازات .. لانه صدق ما تحسون بيدكم من البرد

[مايهزك ريح]

^
احسن فندق في شارع الشانز وموقعه استراتيجي .. Hotel Fouquets Barrière
مجابل LV .. وايد كانوا في التور يمدحونه ويمدحون المطعم ماله !

الياه .. في ديزني .. معظم الألعاب كانوا مبندينها .. عشان الجو بارد .. وصح ما تقدرين اتمين بدون قفاز !

[شتشووته]

الياه :: يا سلام .. حلووو ^^ انا ريلي أجل السفره :( قهر والله