i phone

[ذنـيـنـي]

اليوم قالولي عن فرع دو عندهم كمن اي فون محد خذاهن
فرع مطار الشارجه, اليوم العصر باذن الله بسير اجيك عندهم و لو حصلته باخذه على طول

[قلوب دبي]

ذنيني :
مساك الله بالخير ..
ان ما حصلت في الفرع اللي تطريه ..
مر على فرع مركز جميرا ،، بتحصل عندهم ..

انا كنت الضحى ساير ادفع الفاتوره ولقيت عندهم كميه ..

[المزوحي]

مرحبا

قلوب دبي انا حصلت لون ابيض وماخذته ، شكلي آخر شي باخذ بس الآي بد تش مب الآي فون ، ترى يشتغل عليه النت ولو إنه مافيه كاميرا !

[شوق القلوب]

السلام عليكم..

تسلم يا قلوووووووب على هالمعلومات .. شجعتني..

بس ما احب استخدم بطاقه دو...! ولو انه نفس الرقم...

يعني جي بضطر اخليه تلفوني الثاني.. مب الاساسي..

[المزوحي]

انا مثلج شوق، رقمي مال دو مغلق ، وكنت ابغي جهاز ثاني ( يديد ) حقه ، ولو إني ما استخدمه

[مايهزك ريح]

اللي في البيت عندي ككلهم محولين آي فون .. وانا خارج منطقه التغطيه !!!!!!!
بس يوم استخدمته ويا الرضيعه عيبني .. هيه مشتركه ويا دو .. وانا عندي بطاقه اتصالات ..
يوم سألت عنه في اتصالات قالوا لي البارحه انه مخلص عندهم .. بمر الأسبوع الياي لأنه بيييبون منه واقدر آخذه بدون البطاقه من عندهم .. لأني اصلا عندي بطاقه !!

جيه بنكون في البيت 2 اتصالات وواحد دو .. وبنشوف الفرق في الفواتير ^_^!!

[المزوحي]

مايهزك ريح ، الرضيعه خذته من اتصالات ، كانوا مسوين اوفر حق الموظفين وهي وصت ربيعتها تاخذه من عندهم

[ذنـيـنـي]

اتصالات, للنصب دلالات

الحمدلله من حولت الى دو,,
نزلت الفاتوره من ٧٠٠-٩٠٠ الى مبلغ ما يتجاوز ٢٠٠ درهم شهريا !!!

خذته البارحه و مستانس عليه بصراحه, كل شوي ادش انزل برنامج يديد
خذته منه دو و بيعطوني ٢ جيجا مجانا كل شهر لمدة سنه كامله


طبعا من قبل انا عندي باقة الاشتراك المميز البرونزية

مع تحيات ناصر يكره اتصالات

[مايهزك ريح]

^
ناصر انا اصلا فاتورة تليفون ما تتعدى الـ 200 يا ترى اذا حولت لدو كم بتوصل << ابا اقهرك خخخخخخخخخ

[المزوحي]

بخصوص الآي فون قريت شي عنه وهو Jailbreak أظن تقدر تنزل عليه برامج ، بس بما إنه الموضوع بخصوص الآي فون بنتكلم عن وايد أمور تتعلق به

[المزوحي]

IMDb برنامج لموقع الأفلام العالمي

IMDb هي أختصار لكلمه Internet Movie Database ، طبعا الموقع شهير جدا ومعروف حول العالم لمتابعي الأفلام والمسلسلات.

الموقع أصدر له برنامج خاص له على الآيفون ، البرنامج مميز جدا في سهولة التعامل معه ، والأميز من ذلك البرنامج مجاني وموجود على متجر البرامج.

فالبرنامج المميز يختصر الكثير من الوقت للوصول إلى أحدث الأفلام عبر الـ BoxOffice .

بعض الصور للبرنامج :

[العجيبة]

اتصالات, للنصب دلالات

الحمدلله من حولت الى دو,,
نزلت الفاتوره من ٧٠٠-٩٠٠ الى مبلغ ما يتجاوز ٢٠٠ درهم شهريا !!!

خذته البارحه و مستانس عليه بصراحه, كل شوي ادش انزل برنامج يديد
خذته منه دو و بيعطوني ٢ جيجا مجانا كل شهر لمدة سنه كامله


طبعا من قبل انا عندي باقة الاشتراك المميز البرونزية

مع تحيات ناصر يكره اتصالات

خيييييبه حتى انا اكره اتصالات!


من اتصالات اونه العرض السخيف مالهم ، ست شهور مجانا وكل شهر 250 ميجابايت !!!!!


احس بالمقصة :/ مع اني حتى الـ250 ما اخلصهن بس قهر !!!

[طير الغرام]

الآيفــون استخدامــه غيــــر ،، البـرامــج هي الي اتميــزه

:

وبخصوص الجيلبريكـ عن طريقـه اتنزلون كل البرامج اللي تبونهـا وفري وفوق هذا فـيه مميزات هب موجوده فـ الابل
مادري ليش ابل جيه يسوون !
شرات الثيمـات سواء فـ خلفية الفون كامله مع الآيكونز أو ثيمات المسجـات وإضافات ثانيـه
بس القهر حالياً الدفعـه اليديده البوت روم مالها ماينفلعه الجيلبريك وحتى لو سويتوا له جيلبريك كل مايفضي الفون
لازم اتردون تشبكونه بالآيتونز واتعيدون خطوات الجيلبريك ولا بيتم امعلق ع علامة اليو اس بي
الحل الوحيد حق هـ الفئه واللي يبون الجيلبريك انهم يحاولون قد مايقدرون الفون مايوصل للمرحله اللي يفضي فيها يعني ستاند باي دوم !

وفي حل ثاني للي يبون الجيلبريك انكم اتدورون فونات من الدفعه الجديمه اللي يستويلها جيلبريك
وبتعرفونهم من السيريال نمبر مالهم رابع وخامس رقم لازم يكونون تحت الـ 41 وفوق هالرقم يعتبرون من الدفعه اليديده:

وبعد في مشكلة ثانيه ضد الجيلبريك وأنا اتوهقت فيها بالغلط الأبديت اليديد وبالذات لـ 3gs اللي هو 3.1.3 لين الحينه ما اعتمدوله جيلبريك !
غميضه الثيمات والبرامج اللي مابحصلها فـ الاب ستور !

:

وبخصوص الإتصالات والنصب مالهم لين الحينه ما اتعديت اللمت وأوريدي أنا ماجربت آخذه من عندهم
خذته من برع قبل لا ينزل عندهم

وللي مايبون يشتركون ف النت وطبعاً هذا اذا ماكان فيه اشتراك مجاني لفتره معينه
لازم ينزلون برنامج يسوي lock للنت إنه مايسمح للفون بأنه يشبك ع النت ولا بينشفط الرصيد أو الفاتوره تنقع
وهالشي مايشمل الوايرلس بيكون عادي شغال ،، أعرف ناس كرهوا الآيفون من هالشي ماينلامون ماكانوا يعرفون

[المزوحي]

يحتاي يا طير الغرام ، نسأل ونجاوب هنيه وعقب ناخذ الآي فون ، يعني على الجيل الخامس لوووول


في وايد شغلات نجهلها ...

[طير الغرام]

^

لازم تقتنــع بـه قبل لا تاخـذه ،، هـب لنه شخـص مدحلكـ اياه بيعيبكـ !