i phone

[شوق القلوب]

السلام عليكم..


بغيت اعرف تجاربكم مع i phone ...

وشو الفرق لو خذته من اتصالات و لا من السوق..؟

..

و تنصحوني فيه ..؟

[مــهــابه]

آنـآ بـعد آريد آعـرف

آفـكر آخذه بـدل هالبـلآك بيري اللي حـآشرينـآ فيه =P

[شوق القلوب]

البلاك بيري موول ما افكر فيه .. احس انه مسويله سالفه ع الفاضي

[بنت ناس و عرب]

اللي يفرق ان خذتيه من السوق يكون يا حصري لاتصالات يا يكون لكل الشبكات
بس لو تبين تركبين عليه بطاقه دو مب بتركب لازم تاخذين التلفون من عندهم عشان تحصلين الخدمه الايفون من عندهم
هذا اللي اعرفه .. بس ما زال البلاك بيري احسن كوظايف تلفون من الايفون .. الايفون كلعبه فالايد تخلص البطاريه منها بسرعه .. ( من خلال تجربه )

[مــهــابه]

^
مب حلـو دآم انه البطـآريه تفضي بسرعه ، انا بالنسبه لي البطاريه شي مهم ف التلفون

[رمــش الغـــلا]

انا اللي عايبني في الالعاب لول ..
بعدني اتشاور .. افكر آخذه الحين ..

بنشوف اللي عندهم لو يفيدونا اي شي بخصوصه ^__^

[قصايد غلا]

أنا خذته من أول ما نزل في البلاد السنة اللي طافت أو اللي قبلها "والله ما أذكر متى خذته بالضبط" .. يوم نزلوه 20 حبة تقريبًــا

ما شفت فيه زود .. بس الحلو إن شاشته عودة و كل شي باللمس بس بالنسبة لي هو التلفون الوحيد اللي ما طوّل عندي لأني ما حبيته وايد

[شوق القلوب]

بنت ناس و عرب...

مب شي جان اتخلص بطاريته بسرعه... اكرهه هالمواقف خصه لو الواحد طالع !

انا بخذه لبطاقه اتصالات.. دو استخدمها للاوقات العصيبه جدا... بس ما بخذه من اتصالات.. سبحان الله يمكن الواحد يحتاجه وقت السفر...

...

مهابه..

صدقج والله ...

...

رمش الغلا...

مب هالكثر عندي وقت للالعاب.. المهم انه يفتح النت ع الوايرلس... ويكون سريع...

...


قصايد..

وااايد حبطيني... كنت ادورلي سبب عشان اختاره.. واخذه بدل البلاك بيري..

[الزرعوني]

اقوووووووووووول


بما ان فتحتي هالموضوع ..

ما بفتح موضوع ثاني و ابا اقتراحاتكم


انا واحد بملج عن قريب ان شاء الله

شو احسن شي للتواصل ؟ مثل ما اتعرفون (او ما سمعت ) بان احلى فترة هي فتره الملجة .. و يكون التواصل طووول الوقت

وانا الصبح فالدوام و المسا في الكلية .. يعني ما بيوحلي ارمسها :(


ففكرت اني اخذ بلاك بيري حقي و حقها .. بس كتيلفون احسه وايد غبي و مب مقتنع فيه لين الحين

او ناخذ ايفون و يكون بينا الماسنجر ..


شو الاسرع ؟ شو الاحلى ؟ و سالفة الصور شو اللي يطرش اسرع ؟

نتريا ملاحظاتكم و اقتراحاتكم :)

[مــهــابه]

^
بـحكم آن آنـت مـآعندك وقـّت ، آشـوف آنه البـلآك بيـري حّـل ، يعني بـتقدر تتـواصل به معـاها اكثـر من الـتلفـون العـآدي

وآذآ آنـت آو هـي " يمكن البنت ماتبى لوول " مب مقـتنعين أمرررره بسـآلفه البـلآك بيري ، عـآدي بالتلفوون العآدي

لكن المسجات اتكون ابينكم وكل ماحصلـت جانس تكلـمهـا

هذآ حّـل ، وخل التواصـل آكثر بـ فتره الويك إنـد اللي تـكون فيهـا مجـاز " اتوقع " وآتـفرغ لهـا


بالنسبه للصـور ، آي تـلفون يطرش صـووره عـآدي ، والسرعه ما احس انها تعتمد ع التلفون كثر ماتعتمد على خدمه MMS

سـآعـآت توصل بثـواااني وسـآعه يـبآلها نص يوم " حسب الاتصالات والشبكه وووو "


تعّـرف لآتستعيل ، شـآورهـآ خلآف خذ اللي هـي وآنت تبـغوونه آحسن جيييه


يعـني آتـفق ويـآهـآ ، خلك ديمقراطي من البدآيه =P


والله يـتمم لـك ع خيـر =)

[مناير]

آي فون 3 جي اليديد روووعه لانه من شهر ونص ختيه شارتنه ومرتاحه معاه

بس انا ما حبيته لانه باللمس عشان جيه ما حسيته عملي...

بالنسبة للبلاك بيري انا حاليا اللي عندي هو اوكي بس استخدام الناس له غببببببيييييييييي

[الزرعوني]

االلي اطريه بسالفه الصور


يعني اطرشه بالبلاك بيري مسنجر

ولا اي فون مسنجر


و الشات بيكون من بينا بالمسنجر مب التكست مسج

[قصايد غلا]

الزرعوني : طبعًــا ماشي أحسن عن البلاك بيري =p

و إذا تشوف البلاك بيري غبي .. خلك على زماااااااان أول و شوف وين الغباء

البلاك بيري مسنجر يبا له ثواني و توصلك الصورة ، الكلام يوصلك و أنته تشوف الشخص انه يالس يكتب لك و إنه قرا ردودك و تقدر تطرش له إهدااااء جان بالصوت أو بالصورة أو تسوي برودكاست مسج وكل هذا بــ 200 درهم تقريييييييييبااااااااً


تقدر تتواصل ويا الشخص بدون ما تتهايز إنك تفتح المسجات و تكتب مسج و عقب تكتب الرقم و تطرشه و آخر شي يمكن يوصل و أحيانا تريا لين توصل التكملة مال المسج لوووووووول و إذا ام ام اس توصل المسجات على حسب الشبكة و الخرابيط هذي


التلفون العادي التكلفة أكثر و الخدمات محدودة =P

[المزوحي]

شوق القلوب على شو استقريتي ؟؟؟


لأني أنا فكرت آخذه من فتره،ومابغي استعيل وعقب اتوهق به !


بس تبين الصدق مب موجود في معارض التليفونات، بس عارضينه وماعندهم استوكات ...


أحسن عشان نفكر أكثر

[طير الغرام]

الآيفــــون استخدامـــه وااايــد حلــو
أحسكــــم طايحيــن فيــه طيحـــه

وشرى ما البلاك بيري فيه بي بي مســن احنــا عندنــا Pmessenger








عني شخصيــاً أفضل الآيفــون ومرتاحتلــه وااايـــد وأعـرف نـاس حــولوا من البلاك بيري لـ الآيفــون شو معناتـه !

برامـج ازياده وألعـاب وبعد برنامج محادثه اللهم النــت limited
والجــرج يعتمـد ع استخدامكــم !

والقــرار فـ الأخيـــر راجــع لـــكم =)