وظايف

[المزوحي]

السلام عليكم

بغيت اسألكم عن شركة دو، الوظايف فيها والمميزات، وعن مطار جبل علي لو الشغل هناك أوكي

[عهد الوداع]

وعليكم السلام

ان شاء الله الي عندهم خبره ومعرفه بخصوووص هالعمل يفيدووونك ...^^

[مايهزك ريح]

No Idea ...

[المزوحي]

عهد الوداع + مايهزك ريح ثانكيو

[أنامل قلب]

ليش ماتسيرلهم تاخذ فكرة عن أجواء الشغل ، وتسألهم بالمره باللي تحتاجه !.
بس حط ابـ بالك إن مافي أحد بيمدح شغله من غير لا يذكرلك سلبيات صافنها ابـ لسته ، حتى لو كان مرتاح ..

~

[المزوحي]

صح كلامج أنامل ... مرات الواحد يكرف ومايحصل تقدير، ولو بقولج إنه مب من البدايه طالبنا بهذا الشي !

يعني المفروض خلاص يستحون شويه ويقدرونا !

[أنامل قلب]

على فكرة طاري التقدير مافي أحد ما يشكي فيه ، أو الغالب ،
بس بالأخير نحن أدرى باللي نبيه وإن كان في مجال نلقى التقدير اللي نحسبنا نستاهله بفعل منا نحن ،
بما إن اللي يطالب بالتقدير ماهو شخص ولا اثنين !.

أكان بنفس محل العمل ، أو بالبحث عن شيء آخر بمكان يناسبنا ، المهم يكفينا نتصرف باللي نقدر عليه ..

اممم عموما ، لو كان الموضوع مطروح لك ،
فـ صــــدق ، وايد بيفيدك إنك تجرب تروح للأماكن اللي ذكرتها شخصيا ،
وتوكل ع رب العالمين ..

~

[تحفه]

على طاري التوظيف تخيلو متصلين لي شركه تامين عشان اشتغل استقبال !!!!!!!!!!

من كثر ما كان الموقف مب طبيعي تحسبت خالي يسويلي مقلب والصراحه اسخف من هالشركه ماشفت في حيااااااتي

اخر زمن وحده عندها باجلر تشتغل استقبال!!!! لا بعد انااااا!!!!! هههههههه احس اني بستخف من سخافتهم

ابي اعرف اذا الباجلر في هالشركه يشغلونهم في الاستقبال اكيد المدير عنده كمن دكتوراه وشهادات فخريه .. هذا اذا ما كان عالم متعاون مع ناسا !!


من كثر ما قلبي عورني على الوقت الي خسرته وانا اكلم الي متصلتنلي من هالشركه السخيفه الي لازم يمحونها من الدنيا عادي باجر اشتكي في البث المباشر!

[تحفه]

باك ....

هالموقف الي صارلي خلاني احن لايام بابا زايد :'(



الله يرحمه يا ررررررررب !!

[المزوحي]

تحفه الرواتب ضعيفه، وبقول الحمدلله رب العالمين ، حتى لو ماعندي الشهادة اللي بتقولين عنها ...

ربيعي يقول أخوه يشتغل في المركز المالي، ( الجنسيه ) يشوف رواتب الاجانب خياليه، لدرجة إني قلت حق الريال

اخوك كذاب، انصدمت، وهو يحلف إنه هاي الرواتب، ومحد يتم من المواطنين في هالوظيفه من القهر، بسبب رواتبهم

الواحد مايحسد، ويحمد ربه على كل شي، بس جيه ظلم

انا بقولكم الراتب كم، وشوفوا هل هذا يعقل مليون وكسور

[تحفه]

^على طاري DIFC .. اعفوا بن سليمان عن كل مناصبه ....

وبما ان الطاير خذ مكانه انا متاكده ان المكان بينترس امراتيين ان شاء الله

[المزوحي]

إن شاء الله خـير