دهن العود ، شفتي كيف ، قام كل أحد يتخيلني أسوق هالجمس ،
ع قولتج حتى لو قاعدين فيها بس أحس جي مادري شلون ^^"

وامبلا آنا معاج ، أحس الكوبيه جي تناسبنا نحن ،
مع ان رفيجتي تقولي بالبدايه اوك بس عقب بتتعبين من سالفة القعده ورا ،
لكن مادري داشه مزاجي ، حابتنها ، ويصيييـــر خير ..

~

تحفه ، ياعيني أنا عالجاكوار =)

~

مزن ، حياج دوم =]

~

أخوي خطاب ، الحين آنا عادي آخذلي سياره دفشه ،
شكلي بعد هالتعليق بسويها صدق وبفكر بالموضوع رسمي ..

عالأقل بيخافون مني الجماعه !.

~

عهد ، استقريت على إني محتاجه أحد يوديني الوكاله أشوف السياره اللي باخذها عالأقل !
حاليا نمر بأزمة وقت ، محد فاضي عدنا ، والوالد أهو المفروض يفضالي بس ما يلحق هالكمن يوم ،
ارد من الدوام أنام واقعد من النوم واهو بعده ما يكون رجع البيت ، وإلين يرد يكون الوقت تأخر للطلعه ..

شكلي بتمصلح ع مزن وأخليها تمرني !.