مســــاكم الله بالخير
.
.
اليوم قررت انزل لكم اكله دوم اسوويها .. من كثر مايطلبونها مني ^^
اولاً المقادير من عندي .. كل مره يوم اسويها ازيد وانقص =) يعني من تأليفي 
~ نبدا بالمقادير ~
2 صدر دجاج مقطعين مربعات
نص حبة فلفل رومي اخضر
1 فلفل رومي احمر
1 فلفل رومي اصفر مقطع
2 بصل مقطع جوانح
1 علبة مشروم (العلالي) او طازج
1 حبة طماط
1 قشطه
1 كوب ماي
فلفل اخضر حار
بهارات مشكله فلفل احمر , فلفل اسود , ملح, كزبره, كاري << حطو لين تحسون الطعم يظهر
زبده لقلي الدجاج
زيت لقلي البصل والفلفل الرومي , الفطر والطماط
نبدا
بسم الله
نقطع الفلفل الرومي لشرايح
والبصل بعد نقطعه لجوانح 
والفطر نقطع كل حبه لثلاث قطع
بعدين نحط البصل والفلفل الرومي على النار لين يذبل
احين نبهر الدجاج بالبهارات الي ذكرتهم فالمقادير
نسخن الزبده وبعدها نحط الدجاج ونخليه لين ينضج وينشف الماي
ونرجع للبصل والفلفل الرومي .. بعد مايذبل نحط عليه الطماط والفطر والفلفل الاخضر الحار
ونحط عليه شويه ملح وفلفل اسوود
بعد ماينضج الدجاج نرجع ونحطه مع باقي المقادير ونخلط فيه
ونخليه شويه لين يفوور ونتأكد من الطعم اذا يحتاج ملح
بالهنى والعافيه عليكم
طريقة التقديم تقدرون تاكلونه بالخبز اللبناني او الي يعيبكم ^^
ولوو ماتبوون تحطون القشطه بعد اوكيه بيطلع .. وطريقه التقديم يكون فخبز السلايس
تحطونه وتحطون فوقه شريحة جبن شيدر .. وخس مقطع شرايح
واقسموه قسمين وبالعافيه عليكم
لا تحرموني من ردودكم وترا الي يدخل ومايرد .. لي تفاهم ثاني معاه >> 
رد مع اقتباس
مواقع النشر (المفضلة)