شو الحل في اللاب توب !

[المزوحي]

اللاب توب من خذته وهو يعلق، ما استخدمته يديد، وهو من نوع HP والكل يقول لي الــ HP مب شي لو خذت

نوع ثاني ( مثل توشيبا أو دل ) ..

بس ماظن عسب البراند !


ياليت تعطوني الحل ... لأني اضطر أفصل البتري عن اللاب توب ...

[الزرعوني]

اي ويندوز ؟

و شو مواصفات اللابتوب ؟

شو نوع المشكله و متى يعلق ؟

عطنا تفاصيل

[المزوحي]

ويندوز فيستا

HP Pavilion dv3-2105ee

core 2 Duo 2.1 Ghz
3 GB Ram
320 GB hard drive
13.3 WXGA


أول ما أدخل وأفتح صفحة النت دقايق ويعلق، الجهاز يديد، مانزلت لا فلام ولا ألعاب ...

[مناير]

فيستا مب شي
انا لابتوبي فيستا ندمانه عليه عشان جيه بغيره لانه صدق يعلق وبطئ بعد

[المزوحي]

مناير وانا ابحث عن لاب توب صار لي 5 شهور، وفي المحلات يقولون لي الحينه كله فيستا، وأقولهم مابغي فيستا

بس اللي عندي ماوحّاله، يديد ، صدق يديد ...

[مناير]

بقولك شي اخويه انا لاب توبي ايدد واحد في البيت من دل

بس لاني حطيته فيستا صدق قهرني مالخاطر وان شالله بوديه محل كمبيوتر يحوله ويندوز xp
مادري جنه جيه اسمه

نصيحه وده محل كمبيوتر وغيره بكل سهوله بس لازم اتسيف كل اللي عندك لانه بينمسح

[المزوحي]

انا فكرت احط اكس بي، بس اصلا ماعندي شي مسيّف على اللاب توب ، فمافي خوف من هالناحيه :)

[بنت ناس و عرب]

mac و ركب عليه وندوز

[الزرعوني]

تراك قلت فيستا .. افضل ويندوز في العالم


انزين عندي حل ثاني

نزله فايرفكس للتصفح .. احسن بمليون مره من اكسبلورر



http://www.mozilla.com/en-US/firefox/personal.html

[المزوحي]

بنت ناس وعرب، يعني اشتري لاب توب ماك ؟؟؟


الزرعوني، لو نزلت الفايرفوكس، مابيقطع ؟؟

زين شو عن الانتي فيروس له علاقه ، لأنه هو كان عندي لأيام محدوده وخلاص

[مناير]

مرحبا اخويه المزوحي

البارحة غيرت وحطيت اكس بي ابصراحة فرق وايد

الحين ارتحت من هم الفيستا