الصلح خير

[المزوحي]

الإصلاح بين الناس

قال اللَّه تعالى: { لا خير في كثير من نجواهم إلا من أمر بصدقة، أو بمعروف، أو إصلاح بين الناس }


صدق مب شي، يوم نحن قروب من الموظفين ( ربع في الدوام، نداوم من كذا سنة، ونشوف بعض أكثر عن أهلنا )

وآخر شي 2 يختلفون على شي .. أنا أدري إنه كل 2 يختلفون هذا يحصل كل مكان ..

بس اللي صار أمس إنه 2 من ربعنا صار من بينهم نقاش حاد .. واللي كبّر الموضوع، إنه الطرف الأول اتصل بالطرف الثاني

من عقب نهاية الدوام، يستسمح منه، يمكن صدر منه تصرف مب لايق، لكن الطرف الثاني بدا يعلى صوته وماحب يسمع

لنهاية الكلام، وانهى مكالمته بكلمة راسي يعورني

مايهونون عليّه ربــعي، وبخبركم إنه مب شي اللي استوى، واليوم ولا واحد منهم كلّم الثاني

أنا حبيت أصلح من بينهم، بس قلت خلني بعيد هالمره !

الطرف الأول قال لي: أنا كلمته أمس ومابسير له مره ثانيه، الطرف الثاني متنرفز وشكله مايباني حتى ألمح له إني عرفت كل

شي .. إن شاء الله يردون يكلمون بعض بالأحد ..

[العجيبة]

الله يهديهم ...


الثاني واايد محتــر الظاهـر ...


ذكـره ان الدنيـا ما يســوى .... ما بتخسر شي ... ولا يعتبر تدخل ....

[المزوحي]

العجيبة، صح كلامج .... بس دام إنه الطرف الثاني سكت وماوضح لي شو دار من بينهم، وأناكنت اكلمه وهو يسولف ويايه

عادي، ليش اتكلم، بشوف لين الأحد ..

[مــهــابه]

^
هالآسبـوع آختلفـت آنا وربيعـتي والموضوع سوء تفـاهم ، هي زعـلت عسب جيه وانا اتحرا من شي ثـاني
ولاني انا اتحرى من شي ثـاني ماراضيـتها لاني اعـرف اني مش غـلطانه وبمـا اني مب غـلطانه مـا راح اعتذر لهـا

تميـنا ع هالحال لمدة يوميـن ، لكن عـقب وبـما انه احنــا ربع وااااايد ، رجع كل شي شرات ماكان ، وكل وحده بينت وجهة نظرها ف الموضوع وانتهى الموضوع

لآتخـآف ، دآمهـم ربـع بيـترآضوون ، الزعـل يســتوووي

[المزوحي]

مهابه وأخس لو ربع وايد ويصير سوء فهم من بينهم ...

مهابه الواحد يتنازل أحيانا وما يكابر ...

الطرف الأول، وضح للطرف الثاني وجهة نظره، أما الطرف الثاني يقول أنا اللي سويته صح،

الطرف الأول يحس إنه هاك يبالغ نوعا ما ومب راضي يعترف إنه غلطان، وعلى أساس إنهم ربع

فالطرف الأول اتصل وحاول يشرح له ويبين له وجهة نظره، بس الطرف الثاني، قال لاتشرح لي خلاص، ومابغي اسمع

رمسه، فعسب جيه الطرف الأول غيّض، وعلى قولته عنده كرامه ومابرد ارمسه وأوضح له أكثر، وخله يزعل ..

كم من مره قلت الطرف الاول لووووووول ... ؟!!!!!

المهم مهابه مثل ما قلتي هالشي يستوي ...