أبـا بنتلي جـي تـي

[عيون الليل]

الســلام عليــكم . . .

شو أخـباركم جميعاً

نزلت نفس هالموضوع في واحة الإعلانات .. ما كنت اعرف انه المفروض هنيه

أنزيــن بندخل ف الموضـوع

أبـا بنتلي جـي تـي 2007 أو 2008
اللون أسود أو ابيض ومن داخل أحمر

مش مهم خليجي أو أمريكي

وبعـد اللي عنده فكره متى بيتغيـر شكلها لا يبخـل عليـه. . .

والسموحه . . .

[شرجاوي]

الموتر بتحصله مكود ف معارض راس الخور

[مايهزك ريح]

^
صح ..معارض البلديه اللي عدال كراجات العوير !

[عيون الليل]

ماشي !
بصراحه دورا لي ما حصلوا
ابا سعر مناسب مابا وحده غاليه ! وانتوا اتعرفون هل المعارض كيف يبالغون ف الاسعار

[مايهزك ريح]

من شهرين واحد كان متصل لي وقالي انه واحد يبا يبيع موتره بـ 400 ألف موديل 2008 وكان ماشي 4000 كيلو .. !
بس انا ما فكرت انه ممكن حد يباه ولا جان حطيت الموضوع .. !


وبالتوفيق .. ^_^!!

[جنون امرأة]

ان شاء الله تحصلين // بسأل لج اخواني بعد

[تحفه]

يقولون الجي تي ارخص وحده .. انا ابا جي ٥٥ ذهبيه وانتيرير ابيض T.T واذا كانت بيضا اباها ورديه من داخل :S

[عيون الليل]

همممم اقدر جهودكم :/
عاد ضاربه ف راسي صدق و ادورها من شهر الحين ... واذا حصلت احصلهن وايد غاليات وايد يكونون امبالغين فيهن

[تحفه]

^شو تبين بالمستعمل؟ اطلبيها يديده احسن ;)

في مثل يقول لو فيها خير مارماها الطير ....

[عيون الليل]

لا بالعكس . . اتحصليــنهن يدااد ماشيات يا دووب كم ألف
ولا تيلسين تتريين الوكاله لين ما توصل السياره واتكون قريب المليون !
وبعدين في منهم يشترون بس جي عشقة وايردون يبيعونهن .. ونحن نستفيد

[مايهزك ريح]

^
صح كلامج .. يدوب يمشون بالموتر 3 آلاف كيلو .. ويبيعونه !

[سبيجة]

السلام عليكم


سقت البنتلي شهرين من كثر ما كان فخاطري .... بس بعد هالشهرين عفته .... بس شكل ...مافي أي شيء .... وملفت وايد ... من اكون في مكان خلاااااااااااص كل الدنيا عرفت ...شو انزين ؟؟؟!!!!!! والمكيف حار ..لين ما تبرد السياره تاخذ وقت ...وهالشي انا كرهته في البي ام بعد ...صراحه احسن مكيف اللكزس .... بس السواقه حلوه ..اعترف في هالشي ..


اختي بتحصلينه في شارع الشيخ زايد .. المعرض اظني اسمه شي كروتدر ... راع المعرض باكستاني ... وفي عنده معرضين حذال بعض ... والمعرض وانتي يايه من أبوظبي ..بيكون قبل الجسر مال انترنت سيتي .... واعتقد هو الوحيد اللي اييب هالسيارة في شارع الشيخ زايد

بصراحه سياراته وايد نظيفه بس لازم تكسرينه في السعر .. يوم خذنا البنتلي كنا مبدلين بالرنج بس وايد حاولنا ننزل في السعر ...


بالتوفيق

[بحر الموده]

بالتوفيق يااختنا عيون الليل
وان شاء الله تحصلين سعر مناسب