.. يمعتنا يا محلاهـــــــا ..

[أنامل قلب]

وعليكم السلام ورحمة الله وبركاته ..

~

أخوي خيال الحب ، صدقني ما تبي تشوف التحفه اللي شاغله نفسي ابها ،
تقولون بيكاسو ناوي يجرب الفوتوشوب ، ولا تسئلوني اشـ دخل ..

+ يزاك الله خير =)

~

مهابه / =]

~

أخوي المزوحي ، شكلك وايد شايل عالشغل ،
هو تصدق أول ما بديت الشغل كانت أفكاري ورديه زياده عن اللزوم ،
والحين بديت أعيش الواقع "شويه" أكثر ، كثر ما أحتاج عالأقل ..!

الواحد بالأخير دامه لازال ياخذ ويعطي بغض النظر عن البقعه ، يظل بالحالتين مستفيد ،
ولو عـ سالفة التقدير وانهم ما يراعون ، فـ خل يرفع من معنوياتك فكرة إن في مثلك كثر ،
مثل ما إن في كثر يرحبون بـ تقدير غيرهم أولى به منهم ..

بس اممم ، مادري اقرا هالاقتباس :
هناك نوعان من البشر فيما يتعلق بالعمل :
الأول : يقوم بالعمل وينجزه ..
الثاني : يتلقى الثناء والتقدير ..
فكن من النوع الأول ، لأن المنافسة هناك أقل بكثير .. }

ويمكن تكون محتاج لـ شي ثاني ماله علاقة بـ محل العمل ،
يعني أظني صارلك تشتغل كذا سنه ، والإنسان بـ طبيعته يحتاج عالأغلب لـ فواصل يجدد فيها نفسه [ ريـ فرش ع قولة العرب !. ] ،
يعني يمكن تكرار الروتين اليومي ، ويمكن تكون حالتك شبيهه بحالتي : إنك محتاج لـ شي يديد لا أكثر !. أو اممم اظني يعني لا أكثر !.

مادري شنو اهيه الشغلات اللي تميل لها أخوي ، بس اسأل وبادر باللي تحسبه انت ملائم لـ شخصك ،
وحدد أولوياتك ..

=)