.. يمعتنا يا محلاهـــــــا ..

[أنامل قلب]

ما بيوافقون عالاجازه حاليا ..!
اممم تتهنى فيهم =)

[أنامل قلب]

^ امبلا اخوي ، حتى انا احب الدوام ،
بس مادري شوللي ضارب ابـ راسي !.

[المزوحي]

مجموعة أنا باخذ كلامك على محمل الجديه، يعني انا يوم ما اداوم احس بكسل، بس باخذ إجازه لأني تعبت من الروتين

وثانيا لو يخلونا نداوم متى مانبى شي حلو بيكون، يعني نحن نخلص شغلنا ، بس يحتاي نداوم من الصبح وماتقدر تظهر

حتى لو خلصت كل اللي عندك



انامل آمين اتهنى بهم ، لأنه عندنا واحد وااايد يحن مب زين عليه، مع إنه يوم بغيت اظهر إجازه سار وسبقني ومارضى

يداوم ، قلت مب مشكله انا السبوع اللي عقبه !

[أنامل قلب]

^ يحليلك ، أحسكم مادري شلون بالدوام ، سوالف ^_^ ..

[مجموعة إنسان]

ترا هذا الشغل

لو انت قلت بداوم بكيفي وغيرك نفس الشي ما استوى شغل هذا
انت مرتبظ بنظام عمل لازم تسويه على اكمل وجه كان روتين ولا غيره

عيل انا بقول انا اسبوع ما بداوم وبخلص الشغل في يوم واحد
شو رايك يستوي ولا ?؟
ترا نحن في الشركه لما قدمنا اول شيء سولنا جولة في المصنع عسب نشوف طبيعه الشغل وعقب ما نتوهق
صح المكان في خظر كبير بس هذا الشغل
مثل ما قلت قبل لما تحب الشغله بتعلق فيها لو شو يكون
بس بظبيعتنا نحن الإماراتيين تعودنا على الراحه


انامل
سوو رحله عالويكند وسيروا مكان حلو وغيروا جو وبترتاحين ان شاء الله

[دمعة شوق]

مهـآبـه ~

آحم آحـم
طبعن كالعاده راداراتي يقبضنج وانتي قاعده على اللاب توب P=
الاسبوع اللي طاف كنتي في المبنى وعلى اللاب توب وانا كنت مستعيله ولا كنت بييج ^^

المزووحي
بس اليوووم تهاايزت ولا امس هلكت عمرري ^^"

[المزوحي]

لا صدقني مجموعة انا ما بمدح عمري، لكن كله يقولون لي اول مره نشوف مواطن يشتغل، ومايهمل

يعني واااايد ماخذين فكره بايخه عن المواطنين، وانا اثبت لهم العكس

بس الشغل عندنا مرات يكون وااايد لدرجة إنه مانروم نرمس اي حد وهالايام الشغل نقدر نخلصه حتى خلال ربع ساعه

بس للأسف ماتقدر تظهر بكيفك، لو حتى انته ملتزم ومخلص الشغل، يبونك اتم تحرس المكتب ..



بس قول كيف يطوف الوقت ؟؟؟؟

شكلي الحينه باخذ لي بلاك بيري عشان يطوف الوقت لوووول


انامل يبالج تغيرين جو لو ماقدرتي تظهرين اسبوع من الدوام

[أنامل قلب]

^ ع طاري البلاك بيري ، ذبحوني فيه ،
وايد انسئلن عن البن نمبر او شي جي ، مادري فيه ..

ماتصدقون اشكثر ماحب هالفون ..

امممم أخوي هواجيس ، مشكلتنا نحن ماعدنا هالسوالف ،
مانظهر هالطلعات ، أول وآخر رحلة أذكرها للبر كانت من 4 سنين تقريبا وبالكويت مو عندنا اهني ..

حتى لو بغير جو ، لازم أفكر بطريقة تناسبني أكثر ،
ممكن أجرب الممزر ، اتشاوف مع ربيعاتي ، اظهر الجيم ،
هالشغلات يعني ..

مادري أساسا إذا كنت محتاجة اجازة من الدوام ،
ابي اجازة من كل شي متكرر ، حتى درب الدوام مرات أحاول اغيره ،
مره ضعت ووصلت دبي مول ، مره كنت بوصل بوظبي ، ومرة كنت طايفه صوب طريج حتا ..!

مع إن ما يخصه دوامي ابـ هالأماكن ، صدق هبله ..

[دمعة شوق]

كان على اسااس بااجر اجاازه وبنرررقد نفس النااس

لكن هيهاات الجامعه تخلي الواحد يرتااح :"(
مااحبهاااا كررريهه الجاامعه

[مجموعة إنسان]

ألمزوحي
نحن شغلنا في فرن درجة حرارته 3500 تخيل انت
وكله كهربا وااايل و هلاااك
وبيكون دوامنا شفتات بعد

ترا قلت انت مرتبظ بنظام ولازم تلتزم فيه

ترا في واحد كان في الشركه طلع اثناء الدوام الرسمي وسوى حادث
منو بيكون المسؤول ؟
تعرف حتى تكاليف العلاج هو تحملها لان طلع بدوون اذن

[مجموعة إنسان]

يبييلج بس الممزر كله شباب

سويلهم عزيمه في مطعم ولا اطلعي مع اهلج لمظعم ولا مكان
اقترحي عليهم موو غلط

[المزوحي]

هههههه أنامل ، أنا من ايام اسوي نفس الحركه اغير طريج الدوام، حتى ربيعي يقول ليش تسير من درب ابعد

اقوله من الاوادم اللي اشوفهم في الشارع، وايد ماخذين راحتهم في السواقه ... غباااااااء

فأحاول قد ما اقدر اتجنب تصرفاتهم !

...


دمعة شوق الله يعينج ...


مجموعة انسان الله يوفقكم ... بس انا اقصد نظهر بأذن منهم، يعني يكون الدوام فلاكسبل هاليومين

يعني مب لازم اتريا لين آخر دقيقه ، لو ظهرت قبلها بدقيقتين يحاسبوني ، بس قلت لك بغض النظر

حتى لو مخلصين الشغل لازم نتم .... شو نسوي الله كريم

[مجموعة إنسان]

افرص انك ظلعت وصارت شعله !!!


نحن ما ننعطى ويه لو خلو الدوام فلكسبل ما بنداوم
نحن مزاجييين وااايد

[المزوحي]

.... I C

[أنامل قلب]

خيو هواجيس ، ما اقصد الممزر من داخل اطري الكورنيش ،
بس بعد مثل ما قلت ، الكمن مره اللي رحت فيهم الكورنيش
ولا مره منهم كان الوضع فيه طبيعي ، لازم بتلقى شغلات عجيبة !.

اخوي المزوحي ، حلو حلو ، بس الفرق بيني وبينك انك تختار دربك ،
بس اختك تمشي عالحظ ، حتى لو تسئلوني وين كنت ما بعرف احدد الشارع =$