.. يمعتنا يا محلاهـــــــا ..

[مجموعة إنسان]

هههههه
دمعوووو نحن معطينااا الف شغله عسب نخلصها وانا ما سوييييييت ولا شيء ابددد هههه

باجر بسوي قبل الكلاس هههه

اليوم سرت الشارجه وصلت اختي الجامعه واعقب سرت دبي موول تمشيت شوي مع نصور وتونييي بس واصل البيت



محشش بيسافر مع ربعه.. وطول الطريق للمطار وهو يردد: ياليتني جبت التلفزيون ياليتني جبت التلفزيون، ويوم وصلوا للمطار قالوا ربعه: ازعجتنا وش تبي بالتلفزيون ؟ قال:الجوازات فوقه‪ !!!‬‪

[أمطار]

صــباح الليـــل. . .


"
​​​​​​​​​​واحد فيلسوف وواحد أمي

طبعـًا الأمـي معروف هو إلي لا يقـرأ ولا يكـتـب ،،،

راحوا رحله تخييم فى الغابه
وبعد ما وصلوا الى بقعه جميله...
أعدوا خيمتهم وتناولو العشاء وتسامروا
ثم ذهبوا للخيمه للنوم
وبعد منتصف الليل... ايقظ الامي صديقه الفيلسوف
وقال له: انظر الى الاعلى وقل لى ماذا ترى؟
فقال الفيلسوف: أرى ملايين النجوم
فسأله: وماذا تكتشف من هذا؟
ففكر الفيلسوف قليلاوقال:
لو قلنا فلكيا ، فهذا يدلنا على وجود مئات وملايين الكواكب والمجرات
اما بالنسبه للوقت فتقريبا الساعه الان قبل الثالثه صباحا بدقائق،
وبالنسبه للجو....فأظن ان الجو سيكون صحوا وجميلا غدآ
ثم أخيرآ فإن الله سبحانه وتعالى يرينا قدرته ، وكم نحن ضعفاء وتافهين بالنسبه لهذا الكون العظيم
لكن قللى انت : على ماذا يدلك هذا المنظر...؟

فقال الأمي :
ياحمار ، خيمتنا انسرقت
"


شخبــاركم ^^~

[مجموعة إنسان]

ههههههه
بخصووووووص الفيلسووووف بس هههه
مجموووعة مطر
شخباااارج؟
خل اقص عليج شوي
يقولج البارحه حلمت فيج حلم شو من حلم بس
حلمت انج تمشين في صحراا بس شو من صحرا
الرمل احممممر والسماااا بنفسجيه
ما تنفعج التفاصيل بس اخر الحلم نشييييت بصراحه هههه
شرايج في الحلم ؟! ههههههه


شو هالرقاد اللي مب طااايع اييي
شكلي انا اللي بروحله

[أمطار]

مجموعــة "نفر" . . .

حشـا .. فلم رعب هب حلم~
رمال حمرا وسما بنفسجيه .. هممممم

بدا خيالي يشتغــل ..

ارقتني ألمـاً ..
تمـاماً كـ لون الغدر ~

تنــاثرتنـي حلماً ..
كـ أمطــارٍ هَمجية ..

ذات فجــر ~

بلون البنفسـج ..
نسجت فستــان زفافــي ..

و بطعنتٍ من خنجركـ النجدي ..
احتضــر في صــحراء هجرك.. و لـ تتلوث أحــلامي. . .

p=

[مجموعة إنسان]

اقووووول

كيف حالج
عسى حالج تمام ههههههه


لوسمحتي لا تسرقين احلامي ! تراها اخراج عباس محمود العقاد الله يرحمه ههههه


من زماااااان ما كتبتي ونزلتي شييي

انا ماخذ درزن كتب من المعرض ولييين الحين ما نزلتهن من السياره
مادري متى بتفيج ابدا اقرا ههههه

[شتشووته]

مرحباااااااا

اشحااالكم ؟؟

استوييت كل يوم اطل عليكم عقب مايرقد ريلي خخخخخخ

[أمطار]

هههههههههههههه

خلاص آسفه .. آخر مره ما بعيدها ..

ع طاري المعرض ..
أنا بعد ماخذة مجموعة لا بأس بها .. افتح من كل كتاب كمن صفحة واسكرهم ..
ما بديت اقرا شي منهم =)

[أمطار]

هــلا شتشوته . . .

الحمدلله نحن بخيــر ..
إنتي شخبارج وشو صحتج؟!

[شتشووته]

الحمدلله بخييير ربي يعافيييج ..

^_^

[أمطار]

عســاج دووم ع الصــحه غــلاي. . .


لـيـش فــ ج ــأة استوت ساعة الواحات مجدمــه بـ 40 دقيقــه ؟!؟!

[شتشووته]

ساعة الواحات اساسا متأخره دايما .. هي لاحظت انها اتجدمت توه فجأه خخ

امطاار انتي اتدرسين اي مرحله ؟؟

[أمطار]

كـانت متأخرة بـ 20 دقيقــة..
والحينــه مجدمـه بـ 40 دقيقـة ..


أدرّس حالياً حلقة أولى .. رابع وخامس ^^~
كنت في سنـة من السنوات أدرّس المراحـل كلها من صف الأول لين الخامس ..
و أول سنـة كنت أنتداب أدرس حلقة أولى و ثانيـة صفوف رابع وخامس + سابع وثامن وتاسع ..

وأنتي؟!
تشتغلين ولا full time housewife ?

[شتشووته]

ايواا .. ماشاءالله ربي يوفقج ^_^

لااا حبيبتي انا مبوني ماداني الدوام خخخ وريلي بعد مايباني اداوم لوول

sooo am full time housewife ع قولتج :)

[أمطار]

ويوفق الجميــع . . .

مــا شـاء الله حلــو .. يا بختــج !
ودّي أودّر الدوام وأتفرغ بس للبيت .. بس صعبه لأني تعوّدت ع الدوام والشغل ^^~

[شتشووته]

هي الواحد من يتعود ع شي خلاص مايقدر يودره ^_^

متى بترقديين ؟؟ انا ظهري بدا يحرقني بس ابغي اسوولف خخخخ