.. يمعتنا يا محلاهـــــــا ..

**أنامل قلب** · 10-11-09 ||, 01:35 PM

^ شلون لقيتي شغل التدريس رمش !
يعني بعد ما بديتي بالجد ..

أحس سوالف الصغارية حلوه ..

**رمــش الغـــلا** · 10-11-09 ||, 01:39 PM

الحمدلله مستـآنسة ..

اول اسبوع كنت اصيح >< وارجع البيت مضغوطة ما اشوف حد وما الحق اسوي شي

كنت اقول ما بكمل ..! وياليتني ما داومت ... وووو

بس الحين صح ضغط ويالله تخلصين معاهم وتفهمينهم وتلحقين اتسوين كل شي ..
بس فالنهـآية كفاية اشوفهم فاهمين ويجابون واولياء الامور مستـآنسين ها شي كبير بالنسبة لي ..^__^
الحمدلله التدريس في متعة كبيرة في التعامل مع اليهـآل وااااااااااايد أحبهم =)

**أنامل قلب** · 10-11-09 ||, 01:50 PM

حلو ..

**مــهــابه** · 10-11-09 ||, 02:23 PM

رمش :

آحسهـآ مسؤوليه ، يـعني لو كنـت فمكـآنج بـتم آصيح شقـآيل بفـهم 30 أو 40 طـآلب
وكيـف كلهم بيفـهمون ؟ وكيـف وكيـف ؟

يـعني بس بـتم آحـآتي وآوسوس ، مسؤوليـن عـنهم جدآم رب العـآلمين ..

عسب جيه مـآفكرت بمهنه التدريس رغـم اني آشوفهـآ سـآميه جداً

وفي شي ثـآني خلآني ابـتعد عـنهـآ ، رغم كل حد اتوقع اني بتخصص ريـآضيـآت وبكون معـلمه

كنـت وآيد وآيد العـوز المدرسـآت فقلـت الدنيـآ دوآره مآفيه آدخل هالمجال وآتلعوز ويسوون فيّه اللي كنت اسويه فيهم لوول ..

.

.

آريـد آنـآم وآريد آتـريـآ صلاه العـصر ، مـآعرف لو رقدت الحين مابنش ل جريب المغرب

**المزوحي** · 10-11-09 ||, 10:36 PM

شو امسيتوا ؟؟

**أنامل قلب** · 11-11-09 ||, 12:53 AM

^ أمسينا رقود ..

~

أقول س سؤال ، بـ شو تنصحوني من سيايير للي عنده خبره بهالسوالف .!

حاسه راسي صار ثقيل وانا أحاول ألقطلي كذا معلومه تفيدني ،
تراني مول فاشله بهالسوالف ..

مادري اذا يبالي اطرح موضوع استفسر ولا .؟!

**مايهزك ريح** · 11-11-09 ||, 10:48 AM

^
يعتمد انتي شو حاطه في بالج .. فوريل ولا صالون وكم البدجت .. ويعيبج ياباني ولا امريكي ولا الماني .. !

**أنامل قلب** · 11-11-09 ||, 11:18 AM

فورويل أكيد لا ، جربت كذا مره سقت النيسان بترول وصدق شكلي كان غلط ، ما يناسبنا نحن ،
بين الصالون والـ هذا شسمه اللي لا هو صالون ولاهو فورويل لول ^^"

ومثل ما سبق وقلت ماعرف بالسيايير ، يعني ليش البعض يفضل الامريكي مثلا وبعضهم العكس والخ فـ ماعرف =#
وعن الميزانية فـ مادري تكون بحدود الـ 150 ألف ، أقل ولا أكثر بس ماتكون فوق الـ 180 ..

+ يهمني الشكل وايد ، مو اني اهمل الشغلات الثانيه ، بس بعد مابي آخذ سياره ما ميز شكلها ^^"

أبيها لكل شي ، الطلعات العاديه ، الدوام ، درب طويل ، لأن مكان شغلي بعيد عن البيت ،
يعني لو ماتصرف بترول بشكل مبالغ فيه يكون أفضل ..

واسمحلنا عالاطاله ^^"

**المزوحي** · 11-11-09 ||, 02:37 PM

لو قلت لج لكزس، البعض بقولج لج منتشره وايد، وانا اقول كل السيارات منتشره، وطبعا اللي يحبون السيارات الامريكيه

بيقولون لج كاديلاك صالون .... واكيد القرار الاخير لج ..

اليوم مودي مب شي ، الله المستعان

**أنامل قلب** · 11-11-09 ||, 03:25 PM

^ ع قولتك ، كل شي عافانا الله صار منتشر ،
قبل كنا نشوف كذا سيارة بالبيت ، والحين كذا سياره للشخص ^^"

أحس خلاص راسي صار ثقيل من زود ما شفت ،
وكل مره احصلي كمن معلومه معقده بزياده ..

شكلي برسي ع سيكل ، عالأقل عارفه شو راكبه

،
إي صح ، أمس كنت قاعده أكلم الوالد ، يقولي خلاص خذيلج حمار لول ،
عالأقل بوصل بسرعه بزحمة دبي ..!

~

ربي يفرج عنك أخوي المزوحي ،
عندك هالأدعية [ ربي اشرح لي صدري ويسرلي أمري ] ،
[ ربنا آتنا من لدنك رحمة وهيء لنا من أمرنا رشدا ] ..

وأي دعاء ترتاح لـ ذكره ..

~

**مزن هتان** · 11-11-09 ||, 03:36 PM

قوة أنامل قلب
مبروك الليس و مبروك عـ الوظيفه

و عن السياره عندج مجلس السيارات بيفيدونج أكثر
انتي حطي استفسارج و من عقبج أنا "احتمال أخذ ليه سياره كمان"

**أنامل قلب** · 11-11-09 ||, 08:24 PM

^ خلاص تم ، بس خذي راحتج بالموضوع لو بغيتي تستفسرين معاي =]
وربي يبارك ابـ أيامج كلها ، وأمورج كلها ، وقلبج ~ ..

,

جاري طرح موضوع الاستفسار .!

**أنامل قلب** · 12-11-09 ||, 01:19 PM

امطرشيلي رصيد من رقم ماعرفه ، أكيد بالغلط ،
بس لمن ييت بدز نفس المبلغ للرقم طلعلي إن ما يستوي ،
جان أتذكر إن فوني ما يطرش رصيد .!

مادري شو الخلل اللي فيه ..

أحس جي كأني بايقه من أحد =$

~

**صريح** · 12-11-09 ||, 01:22 PM

المشاركة الأصلية كتبت بواسطة أنامل قلب

امطرشيلي رصيد من رقم ماعرفه ، أكيد بالغلط ،
بس لمن ييت بدز نفس المبلغ للرقم طلعلي إن ما يستوي ،
جان أتذكر إن فوني ما يطرش رصيد .!

مادري شو الخلل اللي فيه ..

أحس جي كأني بايقه من أحد =$

~

يمكن الرقم اللي اطرشين الرصيد عليه فاتوره مش مدفوعة
فما بتقدرين تردين الرصيد