.. يمعتنا يا محلاهـــــــا ..

[خيال الحب]

مســا الخيـــر


شحــالكم عساكم الا بخيــر..

[أنامل قلب]

^ الحمدلله على كل حال وبكل حين ولكل شي !.

~

أخوي المزوحي ،
خلاص حولت الموضوع على زميلتي ، ما تحملت ..!"

~

وووو خلص الاسبوع !.
أبي أشوف دموع قلم ....!

[المزوحي]

نحن بخير وسهاله ربي يعافيك
انامل ليش حولتي عليها

[مــهــابه]

قصــووودتي :

انــزين انـــزين
خـــلاص احبـــج =p


غـريبه للـحين مـب رآقده آنـآآ

[أنامل قلب]

أخوي المزوحي ، ما يعيبني اسلوبه ..

/

أقول ، الوالد يايني توه يهددني ، اونه : وقفتي ابـ أي مكان ، حتى وانتي تسوقين ، وعند الاشاير ،
ماتنزلين ولا جامه ، ولا تخلين البيبان امبطله ، وياويلج

عرفت إنه أكيد سامع شي ، وطلع اونه وحده بالمرقبات داش عليها ريال السياره بالزحمه واهمه موقفين عند الاشاير والخ ،
وأخوي يرد عليه بإن السالفه جديمه ، ومادري منو يعلق ويضحك !.

كأني ناقصه أفلام رعب ..

[المزوحي]

صباح الخير

شو كان يومكم أمس . ؟؟

نحن اليهال متيمعين عنا وماشاء الله عليهم كل واحد هو اللي يبغي يتكلم


انامل هي لازم تقفلين باب الموتر ، تعرفين يهددوون الحريم والرياييل ... زادت الجرايم في البلاد ، حتى في النهار يقومون بجرايمهم

الله على صوت العصافير الحين .. انا بسير اتريق

نشوفكم

[المزوحي]

هلا انا الحين اتريق في مردف ستي سنتر وكل شويه اصد اقول لابد انه حد من هل الواحات يالس ورايه
الحمدلله دخلوا اجانب ويلسوا ورايه

[مزن هتان]

السلام عليكم

أخترب مشواري لـ العين، احم

البارحه كان عقد قران أخوي، 10 و نص نعست و خلق الله بعدهم قاعدين
شوي حد ياني ماذكر حتى منو يقولوا لي الاهلي فازوا، و انا كنت أقول يارب يخسرون
و بما انهم فازوا طاحت براسي اخذ لهم من باسكن 11 طلعت و زين لحقت قبل يسكرون
خذتلهم و كل واحد فيهم يتشرط بعد !

كنت ناويه اتريق برع اليوم بس، هيازه

[أنامل قلب]

امبلا صدق الوضع ماعاد مثل اول ، ما قمنا انحس بالأمان مثل أول ..

[المزوحي]

مزن مبروك

والله نحن ننتظر نهاية السبوع عشان ناخذ راحتنا في كل شي ، انا الصراحه سرت اتريق برع اليوم ، أما اليوم مادري وين بسير

انامل الله المستعان ..

شو الاخبار بعد ؟

[أنامل قلب]

^ ماكو ، قاعده ألعوز عهد الدبه =)
اسولف معاها بالمسجات ، الله يعينها علي !.


مونستني ..

[المزوحي]

لاتلعوزينها انامل


عندي كذا شغله وماعرف بشو ابتدي !

استويت ماحب الزحمه والحشره ، واتملل من الاصوات

[أنامل قلب]

وبعد ، شو مسوين !.

[المزوحي]

ماشي انامل انا توني ياي من برع

مايستوي ماندخل الواحات - على الدخله والطلعه لازم نمر هنيه

[أنامل قلب]

ربي يعطيكم العافيه ،
صج تحسك قاعد يمب هلك ..

وكأن شي فينا موجود دومه اهني !.