.. يمعتنا يا محلاهـــــــا ..

[أنامل قلب]

امبلا بعدني ماعرف ابركن !.
بس الحمدلله مستويه أداوم من وقت ،
مع ان بالأول والأخير [ نظل ننفضح ..

على فكره أحسبك الداوم عندنا ،
من جي ما أحب أتكلم وايد عن الدوام =#

[أنامل قلب]

قاعده بالميلس من الصبح ،
وتوني أكتشف إن كلهم طالعين !.

[المزوحي]

انامل لالا لا تحاتين مب وياكم ههههه ولو كنت وياكم شو يعني ؟؟

مابقولهم انتي منو

[أنامل قلب]

هي هي هي !.
أساسا أحس عادي ألاقي كمن شخص عدنا ،
اوريدي احدهم موجود عدنا ، بس مو بنفس الفرع ..

لا والله صدق ، أخاف احط شي ولا ازل ابـ شي ،
باجر توصلني رساله : اوه طلعت فلانه الفلانيه انتي ..

[المزوحي]

خلاص باجر بمر عليكم القسم

[أنامل قلب]

ضحكتني ، يالله أنا بتوكل ،
أراكم على خير ..

[المزوحي]

باجر بتضحكين مب اليوم

[خيال الحب]

هههههههههههههههه المزوحي لاتخوف البنت خخخخخخخخخ من الخوف تقولي بحر@_@


انا خيال الحب انامل بنت القلب لوول

[مزن هتان]

ههههههه نفس اللي جاء فـ بالي
من الخرعه خربطت أنامل


السلام عليكم و رحمة الله و بركاته
صباحو

"كل التوفيق لي و لكم"

[مــهــابه]

^
وعـليكم السلآم


صبـآحكم نشـآط

آمس رقدت 9 ونص =P ، مسـتآآآنسه

[مايهزك ريح]

انا مداوم ومتملل اليوم مول ماشي شغل ايميلين طرشتهم والحين يالس على النت ... هدوء فظيع في القسم ..

وانا يوعان ما كلت شي من الصبح ..

وشحالكم اليوم ..

[تحفه]

شو بلاه يوتيوب ما يتبطل؟ :S

[أنامل قلب]

الحمدلله إني ما شفت التعليق إلا توني ، ولا جان صدق شكيت ،
اليوم بالذات وايد مرو علينا أشكال يديده [ رياييل ] ،
صدق عادي أتحسس واصير أحاسب ..

عيل قطعتوني جنكم XP

أخوي خيال الحب ، اسمحلي ^^"
لا لا مول ما زغت ، بس شويه !.

على فكره طلع المزوحي مب هين ، عليه تعليقات !..


~

مزن ، انتي بالذات جان زين لو تطلعين معانا ،
أقول المبنى اللي انتو فيه كمن طابق خخخ ..

~

مهابه ، امبلا حلاته ، حتى آنا صرت أنام واقعد من وقت ،
بس أمس عفستها شوي ، رقدت عالـ 12 اظن وقمت عادي عالـ 5 ،
بس حاليا مدوخه وايد !.

~

تحفه ، أحيده أمس ماطاع يشتغل عندي الموقع ، ماجربت ادخله اليوم ..

[أنامل قلب]

أخوي ما يهزك ريح ، نفسنا حتى نحن اليوم ملل ،
يعني الشغل خفيف بس التهينا ابـ أشيا وخلص اليوم !.

[المزوحي]

هههههههه خيال الحب انا ادري عنها انامل،

انامل شو يااج

مزن + مهابه صباح الليل

مايهزك ريح .. حتى نحن ماعندنا شغل ذاك الزود، وسرت آخذ لي ريوق من

المحطه

انامل السموحه مامريت اليوم احتمال باجر