.. يمعتنا يا محلاهـــــــا ..

[المزوحي]

السلام عليكم

في حد سأل عني ؟؟

همم لا مامشيت أمس

اليوم الخميس جماعه

[مايهزك ريح]

انا بمووووووووووت من القهر .. بعدني في الدوام ..
ما يا الشغل إلا على آخر ربع ساعه .. وشكلي بتم لين خمس الله واعلم ..
والرضيعه تترياني اوديها تييب موترها من الوكاله ..
اففففففففففففففففف
وشو اخباركم .. بعد

[خيال الحب]

مســـا الخيـــر


اعصــابك يا مــايد@_@ .. اول مره اشوفك متنرفز جذيه


اول ماتخلص الدوام سير ستار بكس واطلب لك دبل اسبريسوو وريح مخك لوول

[المزوحي]

مايهزك ريح ، غير هالمره إن " ي " الشغل متأخر ، أجله

مب إنه مب مهتم من الشغل ، بس لأنه كم بنذبح عمارنا

يعني إن كان دوامك من 7 : 3 تشتغل في هالوقت وعط مثل ماتبغي ، غير هذا خلهم

have a nice weekend

^_^

[تحفه]

"كل من عليها فان ويبقى وجه ربك ذو الجلال والاكرام"

[مجموعة إنسان]

مرباااا
قوييييتوا

[مايهزك ريح]

المشكله انه الشغل كان وايد مهم ما اقدر اطلع واخليهم بيعتفسون ..تميت لين خمس وعقب قلتلهم اسمحولي ..

انا بسير ارقد عقب اشويه

[المزوحي]

الله يعطيك العافيه

[رمــش الغـــلا]

صبـآح الخير ..
شخباركم ؟
وشو الويكند معـآكم ؟

[مجموعة إنسان]

صبااااحوووو

اووه رمشووو هنيييي

عاش من شااافج ؟


والله الويكند هممممم
امس في البيت
اليوم بنسير دبي انا واخواني نتغدا
وعقب بنسير المستشفى نزور واحد من اهلنا
وحليله قصوا صبع ريله الصغير بسبب السكر

[حلم الطفوله]

أصبحنا وأصبح الملك لله

رافقتك السلامه مجموعه

والله يعافي كل مريض ويهدي كل صاحي :)

[مجموعة إنسان]

الله يسلمك يا طنط حلم
وربنا يبار فيكي ويكت ليكي الخير في كل خطوة يا رب
ههه

[المزوحي]

السلام عليكم

كيف الحال جماعه ؟؟؟

ومنو منكم متيمعين الاهل عندهم ؟

[دمعة شوق]

السلام عليكم ,,
بخير الحمدالله ,
نحن اليوم ملتمين عندنا ختيه وعيالها وخواني وعيالهم :)
حلوة لمة الاهل :)

بـس صـدعـة اليهال تعور الراس s=

[أنامل قلب]

اليوم كنت ابـ مردف ستي سنتر ، ومادري ماحسيته زحمه مثل ما وصفلي اياه الكل !.
بالعكس الباركات فااااضيه ، حلاته مبركنه عند بوابة الكارفور ، وحتى المشي فيه ماتعبنا مع إن وايد مشينا ..

يمكن لأن طلعنا قريب الظهر ، وتمينا ليـ المغرب ، هو صح إن الزحمه شوي زادت بالأخير
بس عادي زحمتها تعتبر خفيفة جدا مقارنة بالفستفال مثلا =$
+ وااااايد عيبني المركز ، زين يوم انهم فتحوه هالصوب !.


على فكره أخوي المزوحي ، اليوم واااايد طريتك ، كل ما تصير شغله أقولهم فلان قالنا كذا بموضوعه ،
او ان مانعرف وين نروح او حتى نبي نسأل عن محل ، أرد أقولهم لو اروم ادخل الواحات جان سألت فلان ،
اونه لو فلان اخوي جان نفعنا وايد ، فلان ما شاء الله عليه مادري شلون يعرف كل شي ،
وفلان لو كان اهني عادي يدلينا مكان كل محل والخ الخ الخ ،

فلان كان وفلان سوا وفلان قال وفلان صور وفلان لو كان P=





ع كل دقه طريتك ، زين ما انكفخت ..