معكـرونة بـ الخلطة الـسرية ] ..~

[رمــش الغـــلا]

هـآي طريقة المعكرونة اللي أختي تسويهـآ [ خلطة مألفتنهـآ ]

معروفة عن كل بيوت العـآيلة باسمهـآ لول ..~

الكمية تنحط لـ 4 صحون الحجم الوسط ..

المقـآديـر..

جبنـآ بيضـآ [ 3/4 الكرتون ]

زيت الزيتون حسب الرغبة

بهـآرات [ فلفل ، ملح ]

كيس وآحد معكرونة

8 حبات طماط كبار أو عشر وسط ..~

جبن موزاريلا [ نص الكيس او شوي اكثر ] ..

مشروم فرش [ للي يحبونه ]

الطريقة ..

المعكرونة انفورهـآ ..

جبن الموزاريلا نبشره ..

" خلطة الجبن "

أول شي تخلطون الثلاث مقادير الموجودة [ الجبنا البيضـآ ، زيت الزيتون والفلفل ]

ونتم انضيف الزيت لين انحس الخلطة متماسكة ..~

وجيه تستوي الخلطـة ...

خلطة الطمـآط ..

انحط شوية زيت عـ النآر ..، والطماط انقصه مربعاات صغااار لين يذبل وجيه يكون .. ونضيف شوية ملح ..~

عقب ما تجهز كل المقـآدير وخلطة الجبن والطماط والمعكرونة تتفور ..

أول شي انضيف خلطة الجبن للمعكرونة ..

عقب ما نخلطه عدل .. انصفهم في الصحون طبقة معكرونة خفيفة ..
[ أفضل في صحون مش في بـآيركس عسب اتكون الطبقة خفيفة ] ..

الطبقة الثـآنية انحط خلطة الطماط [ شرات الصورة ] ..

وآخر شي انرش جبن الموزاريلا عليه ..

واللي يحب يضيف قطع مشروم صغـآر بعد حلو بيظهر ..

وآخر شي اندخله المايكرويف وجيه يطلع ^__^

أتمنى يعيبكم

[ذنـيـنـي]

انا بعطيها اسم

باستات البيتزا لول
شكلها جنها بيتزا مارغريتا

تحملوا من سالفة ادخال الصحون للفرن لأن بعض الصحون فيها الوان و في احتمال انها تتفاعل مع الاكل اثناء تعرضها للحرارة (حتى لو لفتره بسيطه)
الافضل هو انكم تخلون الجبن يذوب بشكل طبيعي مع حرارة الاكل خاصة انه الموزوريلا من الاجبان الي بسرعة تذوب =)


و الاكله شكلها يمي جدا و سهلة جدا
يبالنا نسوي منها في خصب ^^"

[الموز]

بالعافيه عليكم رمش الغلا يبالي اجربها

[رمــش الغـــلا]

ذنيني .. لآ غلطـآنة انا .. وين ندخلهـآ فالفرن !!
صدق اني كنت صايمة لوووووول

لا نحطها فالمايكروويف كل صحن دقيقتييين وبس ^__^ [ و اللي ما يبا المايكروويف يحطه شرات ما قلت يذوب بالحرارة الطبيعية ] ...

أهم شي عيبتك الأكلة ^__^

وحلوة باستة البيزاا لووووول =)

[المزوحي]

يم يمي رمش فنانه المعكرونه شكلا بس طعما مادري لوووووول ..

[عهد الوداع]

رمش

سلامي عليييييييج ..


يميييييييي ...

ان شاء الله بسويهااا بااااااااااجر .... وتسلمييييين ع الطريقه ..(:

[أنامل قلب]

مبين عليها لذيذه وشكلها جميل جدا ،
يبالنا نسويها الصراحه ..
,

يوعتيني ..!

[دمعة شوق]

شكلها يمي وسهله ،،
ثاانكس رمشووه ^^

[رمــش الغـــلا]

المزوحي ..افا يعني بس شكل .. نحن تعيبنا فالبيت ما يندرا جان بتعيبك والا لا .. =)

=====

عهد الودآع .. يلا سويها وخبرينا بالنتاايج حبييبتي =)

=====

[المزوحي]

رمش سؤال ؟

كيف تحطين المشروم جيه بدون ماينطبخ، اقصد لو فرش بيكون يابس وإذا علب بيكون مب مشيوط مع بصل أو ثوم ..

يعني أوكي طعمه ؟

[رمــش الغـــلا]

لا الفرش نحن بس نحطه ويا شوية لومي وملح وفالمايكرويف كمن دقيقة .. كل حد على حسب كيف يعيبه ياكله ^__^

[المزوحي]

عيل بليز سوي لنا من هالمعكرونه

[رمــش الغـــلا]

ان شاء الله ^__^

بسوي ديليفري عقب حق اعضاء الواحات =)

[طير الغرام]

ماشاءالله شكلهــا نــايس ويمــي
والحلــو إنهــا سهلــه ما يبالهــا شي
بس مشكلتيـه ما أحـب الرد سوس عشقي الوايت سوس >> انزين محـد طلب رايــج احم احم

وأكيـد الجبنـه المالحـه بتعطـي نكهــه غيـــر

بالعافيــــه عليكــــــم ،، وتسلميــــن ع هـ الطــرح الغـــــاوي

[رمــش الغـــلا]

أنـآمل قلب..

لازم ما ادشون هـ المواضيع الا عقب الفطور لول ..

يلا جربيهـآ وخبرينـآ جان عيبتج ..=)


====

دمعة شوق

ولكم حبيييبتي ^__^
اهم شي عيبتكم ..