ناويه اشتري موتر !

[الموز]

السلام عليكم

ناويه آخذ برايكم، بسيارة في حدود 150 ألف بشو تنصحون ؟

[عهد الوداع]

وعليكم السلام والرحمه

ان شاء الله يسااعدوونج وتشترين السياره الي تبيينهااا ... ^^

[ذنـيـنـي]

اول شي شو تفضلين, سياره فورويل ولا صالون ؟؟

[رمــش الغـــلا]

الشبـآب ما بيقصرون ويـآج وبيعطونج شي يناسب ميزانيتج =)

[المزوحي]

إن شاء الله يردون عليج ونشوف رايهم ... بس يمكن تنزل سيارات يديده لين شهر 10

[الموز]

عهد الوداع - رمش الغلا إن شاء الله يشورون عليّه ..

ذنيني .. للحين ماعرف إن كانت صالون وإلا فورييل .. بس ماظن احصل فورييل بهذا السعر

زين لو صالون شو اقتراحك ؟

[الهيثــم]

شي فورويل قريب هالسعر

عندج نيسان مورانو
جي ام سي أكاديا
لاندكروزر برادو - باب واحد طبعا << بس هاي شبابيا اكثر

ومن الصالون ~
عندج الكاديلاك الصالون ما عرف اساميهن ، بس في نوع عالـ 160 اعتقد ، ووايد حلوة
والانفنتي G 37
واللكزس IS
تويوتا أفالون
مرسيدس C-Class

هاي بعض المواتر إلي في بالي ...
خذي لج لفة ع الوكالات وشوفي إلي بيعيبج ، واهم شي تصلين الاستخارة وتوكلي على الله ..

[شرجاوي]

اكاديا

[مايهزك ريح]

كاديلاك .. BLS - تقريبا 130 ألف



كاديلاك CTS - تقريبا في حدود الـ 150 ألف ..

http://www.cadillac.com/cadillacjsp/model/gallery.jsp

[الموز]

خطاب الانفنتي G 37 كم جيمتها ؟

مايهزك ريح شو الفرق بين BLS و CTS ؟

[مايهزك ريح]

الحجم .. والمكينه والسعر .. وايد الفرق .. سيري الوكاله وشوفيهم .. !

الـ BLS اصغر كفئه من الـ CTS

[بحر الموده]

وعليكم السلام
الموز سعر G37
قبل رمضان كانت عند العربيه للسيارات ب 176 ألف
والجى 35 ب 126 الف عرض خاص .. وربى يوفقج فى اختيار السياره لى تناسبج

[الهيثــم]

مثل ما قال بحر المودة إختي ..
ولد خالي ظهر الـ G35 قبل كم شهر بـ 125 ألف ، أعتقد فرق المكينة بس

هاي 3.5 لتر ، والثانية 3.7 لتر .. بحر المودة له خبرة في النيسان اكثر مني ..
بس اعتقد الـ 37 الموديل اليديد ، والـ 35 ستوووك 2008 موجود عندهم ..

[بحر الموده]

الجى سيدان 37 المكينه اليديده والناقل الحركه بو 7 غيار

[أنامل قلب]

ما شاء الله عليكم !