-[ مثلثــات البسكــويـت // بـ الآيسكــريم ~

[طير الغرام]

-[ مثلثــات البسكــويـت // بـ الآيسكــريم ~



- 2 باكيت كريم كراميل
- 4 أكياس دريم ويب
- 1 قشطــه
- 1 كأس حليب سائل [ لـ التغميـس ]
- 3 ملاعق طعــام حليب بودره
- 1 باكيــت بسكويت شاي
- صوص هيرشــي لـ الزينـه

- نخلـط الدريم ويب + الكريم كراميل + القشطه + 3 مـلاعـق طعـام حليب بورده + بحجـم علبـة القشطه ماي بارد [ نخلطهــم بـ الخــلاط لـغايـة ما يتجانس الخليــط وتصبـح كريمــه كثيفــه ]



- نضــع [ نفــرش ] ورق ألمنيــوم بالطــول [ بتـوضـح لكـم الفكـره مع الخـطوات اليايه ]

- نغمــس البسكــوت فـ الحليــب

- ونضعــه علـى الألمنيــوم [ كمــا هــو موضـــح بـ الصـوره ]





- نصــب الكريمــه فـ الوســط







- انسكــر [ نطبـق ] البسكويــت [ بحيث انحــط إيدينــا من الجهتيــن كما هو موضـح بـ الصور ونسـكــر الألمنيــوم من فوق على شكــل الهـرم ]














- ندخلـه الفريـــزر لـمــدة 3 ساعـــات لغــاية ما يتمــاسكـ

- انطلعــه من الفــريزر >> الله يهــداهـا البشكــاره حطـت شي فـوقـه بالغلـط وانعفـص اشـوي



- وانقطعـــه علــى شكــل مثلثـــات






- ثـــم يــزيـن

[الـيـاه]

انتي جي (Y) ثاااااااااانكس وايد على الطريقه .. شفتها فموضوع الفطور وتجننت على الشكل 3>
تقريبا ً مقاديرها نفس مقادير حلا التويكس .. يطلعون نفس الطعم شوي ؟ .. اخاف اسويهم ويا بعض ويطلع نفس الشي لول

[طير الغرام]

^

يــور ولكـــم سيــس

ولا هـب نفـس الطعـم ،، هذا فيه كريم كراميل ويسوي نكهـه غيـر
وإذا تبيــن تقدرين اتحطيـن أي شي اتحبينه فـ خلطة الكريمه [ مثلاً : جوكلت جيبس ،، فستق ،، مكسرات ،،،، إلخ ]

وشاكــره لــج مــرورج وردج ^ـ^

[عهد الوداع]

حبيييت شكلهم ...

مشكورره اختي طير ع الطريقه ...

عسااج ع القوه .. ^^

[طير الغرام]

^

لا شكــر ع واجـــب
بس اسمحوليـه اشـوي بطيـت عليكــم لين ما حطيـت الموضــوع

[رمــش الغـــلا]

حبيبتي طير


ثانكس عـ الطريقة

ماشالله عليييييييييييج ^__^


[ بسويها اليوم ان شاء الله ] ..~

[طير الغرام]

^

إن شاءالله

ويــور ولكــــم سيـــس

[بنت الدلع]

كيووووت شكلهم 3>
تسلم الأيااااادي

[قصايد غلا]

يا سلام عليج يا طير


تسلم اييييدج على السويت

[طير الغرام]

بنت الدلـع ،، قصـايد غـلا

ربي يسلمــكن يا خواتيـــه ^ـ^

[أنامل قلب]

احم احم ، شكله يمي ^^ ..

,

ما شاء الله عليج وعلى ذوقج ،
+ تسلميلنا على هالمواضيع ~

[الـيـاه]

سوييييييته عيبهم ..
بس في شي عندي كان غلط .. هالخلطه ماكانت كثيفه نفس اللي فالصوره :S كانت رفيعه شوي
مع اني مازدته ماي .. نفس الشي قياس علبة القشطه

[طير الغرام]

أنامل قلب

ربي يسلمـــج ياختيــه ^ـ^

:

الـيـاه

يمكــن لازم اتميـــن تخلطيـــن وااايـد ،، أنا خلطتـه وايـد لين ما استــوا كثيـف !
وبالعافيـــه عليكــــم =)

[قرموشة]

يستوي أحط فيها بدل هـ الخلطه خلطه حلى الباسكن روبنز ؟؟ !
شكله وايـد كيوت ^^ تسلم ايديج يا شيف ;)

[طير الغرام]

^

لا مايستــوي لنه هاذيـج شبـه سايلـه وتيمــد فـ الفريــزر بعـد يـوم
بس هــاي لازم اتكــون كثيفــه + بتيمــد أســرع

وربي يسلمـــج سيــس ^ـ^