جديد فيراري ferrari 458 ITALIA

[ذنـيـنـي]

Ferrari 458 ITALIA

رائعة جديده من فيراري تنتظر طرحها رسميا في معرض فرانكفورت الدولي للسيارات في شهر سبتمبر

المواصفات المبدئية الي حصلتها هي

١- محرك من ثمان اسطوانات بسعة 4.5 ليتر و قوة تصل الى 562 حصان
٢- عدد دورات المحرك بيوصل الى 9000 دورة في الدقيقة, هالشي معناه انه صوت محركها بيكون خيالي
٣- علبة الغيار بتكون من سبع سرعات على طريقة F1 مع دبل كلج
٤- 80% من عزم المحرك بيكون متوفر ابتداء من 3300 دوره في الدقيقة, يعني لو بغيتو تسوون اي مناوره خفيفة بس دوسوا ريس, مب لازم تردون غيار عكسي لأنه عزم السيارة موجود و حاضر بشكل شبه دائم

















حبيت الاهتمام المبالغ فيه للسائق في مقصورة القيادة !
حسيت انه طريقة الطبلون و توزيع الازرار و الديكور مصممين بطريقة توحي بان كل شي هو ملك لسائق السيارة
و هو سيد السيارة و كل شي لازم يكون تحت تحكمه, كأنه في طيارة مقاتله p=


في انتظار طرحها رسميا

[بحر الموده]

السلام عليكم ورحمة الله وبركاته
اخوى ذنينى تسلم والدوم على التقرير والصور الحلوه
والسياره شكلها طر وعزمها جبار ..عيل بنشوفها فى معرض دبى ولا مابيبونها
يعطيك العافيه ونتريا اليديد فى معرض فرانكفورت الدولى
وماقصرت

[المزوحي]

يعطيك العافيه .. عقبال ما ياخذها مايهزك ريح

[مايهزك ريح]

^
الله يسمع منك ^_^!!

مشكور ذنيني على التقرير يا ترى كم بيوصل سعرها .. >> وايد عندي امل اشتريها !

[ذنـيـنـي]

تسلمون اخواني على مروركم الطيب

مايد اتوقع سعرها بيكون بين 800 الف - مليون

بس طبعا تعرف المعارض و ما يسوونه في رفع الاسعار, خاصة انه وكيل الفيراري ملزوم بعدد معين من السيارات و ما يقدر يتجاوزه
فـ المعارض تستغل نقص السيارات لدى الوكيل و تقوم باستيراد السيارات من الخارج و بيعها بسعر غالي جدا
تصدق انه ارباحهم فوق 50% في بعض السيارات من فئة السوبر سبورت

مثلا الفيراري F430 spider المكشوفه سعرها لدى الوكيل في حدود 800 الف
لكن عدم وجودها خلى المعارض تستغل الوضع و ترفع السعر الى مليون و نص لأن اقرب موعد تسليم هو بعد ثلاث سنوات في حالة انك نويت تشتري من الوكاله

[بنت ناس و عرب]

التحكم فيها جنه تحكم طياره