-[ جيــــــز Cake ~

[طير الغرام]

[ Cheese Cake // with Strawberry Filling ~



[ الطبقه الأولــى ]

- بسكويــت دايجستـيف 400g
- اصبع زبده 100g [ ليـّـن ]

[ الطبقـة الثانيـه ]
طبقـة الكريمــه

- 1 نستلــه
- 1 كوب جبن مراعي الكريمي [ الحجــم الوســط ]
- 2 قشطـــه
- 2 دريم ويب
- جيلاتين ٤ ملاعق متروسه أو ٣ أكياس

[ الطبقـة الثالثــه ]

Pie Filling





- نطحــن البسكــويت فـ جيــس [ أنا اخترت النوع اللايت ،، وإنتوا ع راحتـكم تقدرون تستخدمون النوع العادي ]






- انضيــف اصبــع الزبــده الليــن لـ البسكــوت المطحــون ونخلـط جيــداً بـ اليـــد



- نـرص البسكــوت المطحــون فـ قالــب متحــركـ القاعــده [ أنا حطيـت ورق الزبـده تحــت عشـان يسهــل عليــه نقـل الكيــكـ لـ طبـق التقديـم ]
ونضعــه فـ الفريزر لـ يتجمــد قليـــلاً [ ليـن ما انخلـص من الطبقــه الثانيــه ]



- نخلط مقادير الطبقة الثانيــه [ الكريمــه ]

بـ الخــلاط [ النستله + 2 القشطه + 2 الدريم ويب + الجبـن ]








نخلط الجيلاتيـن مع نص كوب ماي حار ونضيفـه ع الكريمــه مع استمــرار الخلــط جيــداً



- نخرج القالب من الفريزر ونضيف عليـه طبقـه الكريمــه
ونعيـده إلى الفريزر أو الثلاجــه لـكي تجمــد طبقــة الكريمــه [ يفضــل ٦ ساعات ع الأقــل أو انسويهــا اليـوم مثــلاً وانقدمـهـا اليـوم اللي عقبــه ]



- بعــد ما تجمــد الطبقــه الثانيـــه انطلــع القالب من الثلاجـه
وانحــط فوقـه الـ Pie Filling
فيــه أنــواع



أنا استخدمــت الفراولـــه



- انوزعـــه جيــداً




ويظهــر معــانــا هـ الشكــل

[خيال الروح]

شكله سووووو يمي ..
شكلي بدخل المطبخ هالمره بس عشان اسوي الجيز كيك ..

تسلم ايدج طيير .. ^^

:

[عشوقة]

ماشاء الله عليج اختي

طبخه ولا ع الخاطر

شكلهاا يشهي وااايد

تسلم ايدج ع الكيكه ^^

[طير الغرام]

خيال الروح

يا حي الله خيال الروح
إن شاءالله دوم اتحدرين المطبـخ هــب بس هـ المـره

وإن شاءالله اتسوينـها وتظبــط معـــاج

:

عشوقه

ربي يسلمـج ياختيــه
وشاكـره لـج تواجــدج وردج الغـــاوي ^ـ^

[المزوحي]

الله يعطيج العافيه اختي طير الغرام على طريقة الكيكه، ونحن عندنا طريقه أظن يحطون فالديفيا

شكلها يشهي الصراحه، وانا أحس بعد بالفراوله بتكون ألــذ

[طير الغرام]

^

تطـري الفيلادلفيـا !

هيه يستــوي اتحـطون فـ هاي بعــد فيلادلفيـا أو جبن الكوبات
[ بس خالتيـه كلـه اتسويهـا بجبن الكوبات وأنا مره سويتهــا بالفيلادلفيـا ]

وأحلـى شي الفراولــه أو البلوبيري بس الكرز يظهـر فيه مروره أظـن اشوي >> يعتمـــد ع الأذواق

وأشكــركـ ع هـ التواصــل الطيـّـب ،، والـرد ^ـ^

[همس الوجود]

يميييييي والله اني يعت .. شكلهاا لذيييييذه ^^

خلااااص ان شاءاالله اسويهااااا =)

بس بسئلج من وين خذتي هالمعلبات خاطري فالبلوبيري ^.^


والله يعطيييييج العافيه
<< متابعه لج ^^

[طير الغرام]

^

إن شاءالله اتسوينهــا

والـ Pie Filling من الجمعيـه أو كارفور
الصراحه مرات ما انحصله ! فـ من انجوفـه حتـى لو هـب محتاييـن ناخـذه

حـــــــيـاج ^ـ^

[عهد الوداع]

شوو دخلني اهني وانا صااايمه لووول

لو دخلت بعد الفطور احسن لي هههههههه

الصور تكفي بدووون ما اقول انهااا يمييييييي تسلمييييييين طير ...

بس عندي سؤال يصير اسويها قي القالب العادي بدون المتحرك ؟..

[رمــش الغـــلا]

ثـآنكس عـ الطريقة طير الغرآم ..

شكلها صدق يممي

واحسهــآ سهلة بس يبـآلها سيرة جمعية أدور الـ Pie Filling
=)

[مزن هتان]

الفراوله و الكرز و اظن أناناس بعد موجود في أسواق و جمعية الامارات "في دبي" =)

مره سويته بس ماحطيت فروله
سيحت سنيكرز فوقه "تعذيب"

thanxx 6air

[دمعة شوق]

يمي !
يباليه اجربها ،، بس قبلها لازم لفه في الكااارفوور
^^

يعطيج العافيه يآ طيـر

[قرموشة]

ماشاء الله عليج يا طير ^^
تسـلم ايديج .. وكثري من هـ الاشياء الحلوة اللي تفتح النفس D:

[أنامل قلب]

اختي تقولج : شكله لذيييــــــــــــذ !

=)

انا اللي ماحب سوالف الفراولة والفواكه عموما بالحلويات ، هذا من شكله حبيتهم خلاص ^^"
بس أظن يستوي بعد مثل ما قالت مزن ، اسيح أي كاكاو عليه !

,

كثري كثري من هالمواضيع ، صح تعذيب بس ماعليه ^^"
وجاري أخذ نسخه من الموضوع !

[بنت الدلع]

اللللللله طيييييير
شهييتيييني بالجييييز كيييييك
شكله سووووو يممي
تسلم ايدج

انا يبالي اخذ كورس طبخ عندج ^_*