-[ فطــــوركـــم // سـحـــوركــم ~

[طير الغرام]

دمعــة شوق

يا مرحبـــا بــج ياختيــه
ومره ثانيــه لا اتحدريـن وإنتي صايمــه ،، مافينــا عقب تنجلبـون ضدي

وبالعافيــــه عليكـــــم فطوركــــم
شاكــره لــج مشاركتــج معانــا ،، وإن شاءالله انجـوف تفاعلــج طـول الشهــر ^ـ^

[طير الغرام]

اليــوم الصــراحه ما كـــان لي بـارض أجـوف شو امسويــن وايـد عليـه شربت شوربه
[ بس السفـره ماشاءالله كانت عامره ]

ع العمــوم صورتلكــم شغلـي بس

لقيمــاتي الخطيــره >> هب جنـي مدحت شغليــه وحـده خقاقه
كلهــم استانسـوا عليهــن ووصلتنـي إشاعه إنهـن خلصــن بسـرعه ههههه




بس عاده الصوره هاي قبل لا انحط عليه دبـس

+ سويـــت ع الخفيـــف [ حــلا التويكــس ]




وكــان الله غفــورٌ رحيـــم

[عهد الوداع]

طييير ابا من السوييييييييت ^_^

لا تقولين منزله موضوعه قبل *_^

بالعافيه ياربي ... ^^

[طير الغرام]

^

لا ما نزلتــه لا اتخافيـــن ما بــزعـل عليــج
والطريقـــه عنــد ختيـــه ،، بعطيــج إيــاهـا عقـــب إن شاءالله

[عهد الوداع]

^_^

تسلمين اختي ...

[مجموعة إنسان]

تعذييييب


داخل احط عيني على اكلكم عشان بطنكم يعوركم شوي هههه

[طير الغرام]

عهد الوداع

=)

:

مجموعة إنسان

ويـه حسبي الله ع إبليســكـ
عيــل لا اتحــدر الموضــوع

يوم بتــاكـل وبتشبــــع ذيــج الساعــه حيــاكـ

[طير الغرام]

ويـــــنكـم اليــوم !
شكلكــم ما فطرتــوا

ولا متكاسليــن شــراتي

المهــم فطورنــا اليــوم كـــان

شوربـة عــدس
هريــس
فريـد
لقيمــات
سمبوسه ،، سبرينج رول ،، أصابع الجبن
معكرونه بالكريمـه
عيش
كشري
معكرونه بالباشميل

وأنا سويــت فطايـر بالبف باستري >> الصـراحه روحـي خبصــت المقادير




بس طلعـوا يمـي

وأنا وختيــه سوينــا هـ السندويجـات الميني [ سندويجات دياي ]

[طير الغرام]

السويــــت

أنا سويــت ترايفـل




وختيــه ســوت هـ السويــت أظن اسمـه سويت الآيس كريم شي جيه

[ذنـيـنـي]

رمـــش الغــلا

دووم أقول بسـوي باستـا الألفريـدو وأكتـشف إنه شي مقادير ناقصه وأتعايز أروح الجمعيـه
عندي طريقتين ومحتاره من بينهــن ،، شكليه بسوي قرعه ههههه

والسويــت العجيــب أظـن عندي طريقتـه بس ما جـد جربتــه

وبالعافيـــــه عليكـــــم هـ الأكــل الغــاوي

:

مزن هتـان

أنا آخـذ السبرينكلــز من اللولــو
وعن صلصلــة الباستــا يعتمــد شي منهــن يحطون كريمة الخفـق + قشطـه وجبـن مبشـور مرات
أو كريمـة الخفـق مع الجبـن المبشـور [ وتختلــف الآراء ]

والإخــت رمــش الغــلا ما بتقصــر معــاج إن شاءالله

الالفريدو سهله جدا و ما يبالها شي

زبده و جبن بارميزان هي المكونات الاساسية للالفريدو ويضاف لها كريم حسب الرغبة و ملح و فلفل اسود و شوي ثوم
يعني مووووووول مافيها دسم و موووووووووووول مب ثجيله و تجلع الجبد

اهم شي الجبن يكون بارميزان

ولا تسوون مثل وحده الله يذكرها بالخير يت بتسوي الفريدو و حطت ويا الباستا مايونيز

[طير الغرام]

^

تقريباً شرى الطريقه اللي عندي فيها زبده + بارميزان + كريمة خفق
وباجـر ناويـه أسويهــا إن شاءالله ،، أشكــركـ ع هـ الإضافـــه ^ـ^

[بنت الدلع]

السلام عليييكم والرحمه
يا سلااااام شو هالاكلات العجيبه

يعطيج العافيه طير

البارحه طبخت شي بس ماصورته
عباره عن توست + تركي + لحم مرتديلا + زيتون اسود + ذره + جبنه سايحه
تنحط في الفرن لين ما تحمر


وفطورنا كان:

شوربة عدس
شوربة باللحم (مميزه كل رمضان نسويها)
لقيمات
سبرنق رول بلحم مفروم
كشري
سمبوسه
باكورا
كباب
عيش
صالونة سمج
التوست الي انا سويته

السويتس:

بسبوسه
فرني "حليب بالعيش"

عصاير:

كرز
ليمون بالنعناع

[رمــش الغـــلا]

احس اني مطنشة اللي طبلوا مني طرق الاكلات ><

لول ..اسمحوولي كلكم ..

ان شاء الله اليوم برد عـ الكل فليل ^__^

========

[الموز]

تسلم الأيادي ... بالنسبة للباف باستري، اي نوع تستخدمين، وهل ( السنبلة ) زينه






اشغل عليها من فوق بس، احيد من سنتين اختي سوتها ما نجحت وياها ...

[عهد الوداع]

طييير

اليوم سوويت ..حلا التويكس ^_^