خيــــمة الأصدقــاء ~ *

[مزن هتان]

ما شاء الله أنامل حضرتي البارحه، مشكلتي اتثيقل اطلع بعد التراويح
و وقت المحاضرات و المكان مخليني اتردد جان اسير و الا

[أنامل قلب]

^ المراكز ابـ رمضان نفس الزحمه !
وبعدين متى يسكرون ابـ رمضان ؟

[المزوحي]

انا يوم سرت مب زحمه، لأنه عندي شغله كنت ابغي آخذها وما تأخرت هناك، بس ما انتبهت متى يسكرون

لكن اظن على الوحده ...

[أنامل قلب]

على فكره مزن طريتي على بالي من دخلت القاعه ،
تميت أقول بخاطري أتخيلها موجوده لول

من جي أمس سألت بهالموضوع إذا في أحد يعني حضر المحاضره =)

لا انا الوقت احسه وايد اوك ، نخلص التراويح قريب العشر ، جي عشر الا خمس او الا عشر ،
فسيده من المسيد اسير للمحاضره ، وبعدين انا لأن الوالد يويديني وإييبني ، فيمكن أسهل علي ،
+ ربيعتي تكون هناك / فشوفي لو يروم أحد إيي معاج ، عشان لا تكونين بروحج ..

,

أخوي المزوحي ، اها ، اظني المفروض جي ، أو عالأقل عالـ 12 ..!

[المزوحي]

لأنه في نهاية السبوع على الــ 12

[مزن هتان]

أنامل قلب
اهو المكان مقابل مستشفى دبي و الا ؟
و عن الوقت كم تاخذ المحاضره؟، لأن زي ما انتِ عارفه الاهل
يهولون الموضوع بعد الـ 11:30 و انا برع البيت !

ربي يقدرني و احضر، عندي وقت بعد التراويح
خاصه انه اقضيه مجابله التلفزيون "مكرهه"

[أنامل قلب]

أخوي المزوحي ، امبلا أدري إن بالويك اند يسكرون عالـ 12 ^^ ..

,

مزن ، اي صح مجابل مستشفى دبي ، وووووو اممممم احم ، هو بيني وبينج جنه أمس تأخر ^^"
بس تراه يعتمد عالمحاضر والمحاضره ، بدينا عشر وشي ، واتصلت بالوالد اظن بحدود الـ 12 إلا ربع ،
مو متأكده لأني ماجيكت عالساعه وقتها ..

وبعدين لو نويتي تحضرين خبريني قبل ، أبشوفج تراني =]

[مزن هتان]

اممم 12 الا ربع احم، هاذي يبيلها شوي قلب قوي
بكلم الوالده و بشوف ان شاء الله خير.
و عن اني اجيب أحد معاي ماحب اجبر أحد خاصه في هذي
الامور، أنا أعطيهم خبر اني رايحه و اللي يريد حياه الله

أكيد راح اعلمج بإذن الله تعالى

[أنامل قلب]

يالله ، خير ان شاء الله ..

[مــهــابه]

مسـآكم ورد


~ آسـنـآني تـعورني ، كلـت ككـآو وآيد ، وآصلـني هديـه من [ بلجيكـا ]

والحين اتـويـع !

[الهيثــم]

أنامل قلب ~ الوقت مناسب حقـكم ... يعني ضمن هالدورة في محاضرات تقام في أكاديمية الشرطة وغرفة التجارة ، لكن بـ نفس الوقت 10 .. نحن أهل الشارجة ما نلحق ، إلا نصلي فـ دبي ..

أنا ناوي إن شاء الله أحضر للشيخ محمود المصري والشيخ محمد حسان .. في الأاكاديمية وغرفة التجارة .. بإذن لله ...

[الهيثــم]

وطبـعا نحن يالسين على أحر من الجمر ، نتريا الملتقى الرمضاني في الطوار ....
أتريا الجدول ينزل ، بنشوف منو المحاضرين إلي بييبونهم ...

[أنامل قلب]

^ انزين صلي بدبي ، شو المانع !

اظني اهل دبي يصلون بالشارجه والعكس صحيح ،
مثلا أخوي وربعه أظني متعودين يسيرون المسيد اللي يصلي فيه أخونا صلاح بو خاطر ..

وعن محاضلارات الطوار ، فللمره الثانيه لا تذكروني ^^"
ما يتفيجون يدوني هناك ، اونه زحمه وايد ..

[أنامل قلب]

مهابه ، مساج طيب =)

[مــهــابه]

تــسحرتو ولا بـعدكم ؟!