كل شي عن البشره!

[بنت الدلع]

طفففرت من بشرتي
جان زين عندي جلد حيّه عشان اغيره
واااايد حساااسه to the extreeem
عفان الله ماشفت بشره تتدلع شرات الي عندي
لدرجة اليوم حطيت آي لاينر *يمكن من سنه مب حاطه* وحرقني !!!
وكل الاوادم يستخدومنه ومابلاهم شي
لو شوي طلعت في الشمس ورديت داخل .. يا الهي !!

[أنامل قلب]

^ نفسج بالنسبة للشمس ،
والآيلاينر ، اممم ماحطه فـ مادري ، > ماعرف احطه اصلا =#
بس بسرعه الدمع وتلتهب مرات ،
عموما يعني المفروض ما أعرضها لأشيا ..

بس بالنسبة لـ بشرتي عادي تلقوني كل مره لون لول
يعني مثل ما قلتي بالضبط [ يا إلهي ] !...

[بنت الدلع]

^ تدرين بالنسبه للعين
قبل وايد كنت اعاني يوم استخدم جحال
لين ما اخر شي جربت جحال من بودي شوب للعين الحساسه
واايد وااايد اوكي
بس الحين عادي لاني ماقمت احط الجحال داخل عيني .. احطه جيه عالرموش احلى يكون ومايسبب لي حساسيه

[أنامل قلب]

^ امبلا صح كلامج ،
من مده طويله قمت أحط الكحل من برا العين ،
أساسا تحسين التم عيونج نظيفه ..

ومرات استخدم بدل الكحل شدو اسود ،
ماحب يتعودون علي بنفس الشكل ،
ومرات ما أحط شي اونه أحسسهم بالفرق P=

سوري تحفه ظهرت عن الموضوع ،
المهم اممم وين أقدر أسأل عن سوالف الشعر !.

[عهد الوداع]

مرحباا صباياااا بخبركم عن خطواتي السهله والمتواضعه عشاان احافظ على صفاء ونقااء بشرتي ..اونه عاد هههههههه

اول ما اقووم من الرقاااد اغسل ويهي بغسول كلين اند كلير وبعدين اغسله بصابونة الباباياااا ..








وبعدييين ارش ويهي بماي الورد الطبيعي ..بصراحه نتايجه فضيييعه يخلي بشرتج مشدوووده ونفس اليهال ..على فكره كل ساعه او سااعتين ارشه على ويهي ..





واستخدم هالعجله لهالات العين اهم شي انه يبرد المنطقه الي تحت العين ويخليها فرش .,,حبيته واايد ,,,نفعي خصووصا لما اسهر او اقعد عالاب






في المساء استخدم كريم الكولاجين ...يشد البشره ويخليها مغنزه ^^





واهم شي الفازلييين لترطيب الشفايف ... وخصوووصا الحين الجوو حار ولازم كل شوي ارطبهااا ...

[مــهــابه]

^
سـآعـآت آشك آني بنت ، مـووول مـآ آسوي سـآلفه لـ بشرتـي ،

شخصيـاً احط الصبح سّن بـلوك بس ! وماحط شي ثـاني

الصـابون مستحيل احطه ع ويهي ،بشـرتي تتحسس منه ،يعني يـتقّشر ، رغم انه بشرتـي جافه 100 % وهالشي وااايد متعـبني وخصـوصـاً ف الحر ويوم الجّـو مغّبر ، جربـت كذا صـابونه مدحـولي إيـاها لكن ماشي فـايده ~ !..


بالنسبه للهـالات اللي تحت العـين تظهر لـي ف الاجازه اكثـر شّي يوم آسهـر وااايد ومــا أرقد عدل " ايام الامتحانات " لكن تخّـتفي يوم أرد ارقـد عدل وآكل شرآت النـآس

ماحط شي في ويهي لاني صعب احصل شي ينــاسبني سواء مكيــاج ، او اي شي كـان ، من بعد ملجه بنت عمي ف شهر 11 ولـ يومكم الحسـاسيه ف عيني مش راضيه تخـووز ، انــا اتوقع من الجحــال ، روحت العـياده مرتـين واحط لـها غسول العـين لكن مـاشي فـايده من أودر القطـور ترد الحسـاسيه ! وانـا مش راضيه اخليهـا بدون جحــااال ف الدوام


وهالـجحال الـلي ترمس عنه بنت الدلع اسـتخدمته لكن ماشي فـايده ، واستخدمت مال غيرلان ختيه قـالت لي اوكـي ومـافادني

[مزن هتان]

الحال من بعضه مهابه
بس اسوي تنظيف بشره كل 40 يوم و أحيانا عادي كل 3 شهور
بس بشرتي عكس بشرتج أنا دهنيه مره

و حتى كحل ماحط

[عهد الوداع]

مهابه + مزن

حاولوااا ع الاقل بس الويكند تهتمووون في البشره لازم ها شي اساسي وخصوصا انكم صبايا حلوييييييييييين ^^

[حلم الطفوله]

السلام عليكم

تدرون !!!

تبون نصيحتي ..عقو كل لكريمات إلي عدكم ونظفوا ادراجكم منها

ما عدا كريم الشمس

قولو ليش؟

أحس الأشياء الطبيعيه تغنيج عن كل هالسوالف

اهتموا بأكلكم اولا وأخيرا ...فواكه وخضروات لأنه نتايجها تنعكس على جسمكم

وحطوا روب بالأسبوع مره ....وبتشوفون الفرق لكبير خلال شهر

واهم شيء النفسيه ... بتلاحظون يوم بتكونون بقمة سعادتكم ويهكم بيكون بيرفكت

بشرتي دايما طبيعيه .... والكل يسألني شو أستعمل ( لين ما صابتني عين قويه وظهرت فيها كمن حبه )

كريم شمس+ جحال + جلوس = ويه مشرق في جميع الاوقات

والله ينور ويوهكم بنور الايمان :)


ليش حسيت إني استويت مريم نور يوم نصحتكم !!

[تحفه]

ليش حسيت إني استويت مريم نور يوم نصحتكم !!

خاصه يوم قلتي عقو كل شي في ادراجكم ! لوووووول!!

[حلم الطفوله]

تحفه

حسيت :)

[جنون امرأة]

ما استغنى عنه !!

[مــهــابه]

صبـآيا كيف آهتم ف بشرتي ؟

شو الآشيا الطبيعيه اللي اقدر احطها بويهي بحيث انه يبين جيه مشّرق وحيّوي ومب باهت ..

حد يقول روب ؟ وحد يقول روب وعلى عيونج خيـار ، ولي يقول حطي عسل ، وخميره ..... الخ

عـآد انا اريد اجحلها واخاف آعميهـــا ..



بـ شو تنصحوني ؟
للـعلم بشرتي جـافه ومب دهنيه


محتـاجه اخوز الهالات السوده تحتها + شي يحسسني انها فرررررش ونقيه وصـافيه ..

[مايهزك ريح]

انا استخدم هالكريم في السفر .. يوم يتغير عليه الجو .. او يوم ويهي يتقشر ويتم يحجني .. @_@

احطه الفليل .. واغسله الصبح بسيتافل .. ويستوي بخير .. واذا ما فادكم من اول مره .. كرروا كمن يوم


سيتافل



اسمه intense relief from aveeno في الصوره المرهم اللي في النص ..




ملاحظه للشباب عقب الحلاقه .. قبل لا ترقد اغسل ويهك بسيتافل وحط منه اسميه يبرد على الويه .. ^_^!!

[شوق القلوب]

هلا ام صواغي...

الحال من بعضه !! الهالات السودا يقولون انها بسبه السهر و قله النوم..! يعني رتبي رقادج..

و اكل الفواكه يعطي حيويه للويه و الجسم... كل يوم خل يسوولج الصبح سلطه فواكه.. و كليها اول شي ...

و بصراحه انا مب من النوع اللي يجرب سوالف البيت.. بس دوم يقولون انه ماي الورد يشد البشره و يحليها...