كل شي عن البشره!

[تحفه]

هالموضوع يناقش كل شي عن البشره ..

شو تستخدمون و شو من كريمات تحبون و شو الكريمات الي حسستكم و ما ناسبتكم وشو العلاجات الي تسوونها و اسامي دكاتره و كلشي كلشي !

وانا بعد شوي راجعه

[المزوحي]

أنا استخدم hyfac cleansing gel ( غسول الويه )



خلص عن مرتين والمره الثالثه يوم خذت منه حسيت به قام يجفف ويهي ... لأني ما استخدم أي نوع من الصابون

ماعرف شو استخدم الحين، لأنه انا ما احط صابونه على ويهي ... فلو في شي بديل وعن تجربه .!!

[عهد الوداع]

الله حلوو الموضوع ...

انزين انا عندي سؤال ابا كريم يوحد لون البشره ...طبعاا لازم يكون طبيعي ومضمووون .. شوو تشوروون عليه ..

المزوحي

ليش ما تستخدم هالغسول ..



انا احب استخدمه لانه ينعش البشره ... (:

[المزوحي]

عهد الوداع .. من زمان يربت صابونه من نفس الشركة، قطعّت لي ويهي : مع إنه ويهي دهني نوعا ما

[تحفه]

best facial treatments + skin care routine


انا احب استخدم اوباجي

http://www.obagi-uae.com/nuderm.htm

تعرفون يوم تشوفون العارضات وتقولون هاذيله كله فوتوشوب؟؟ وان حتا اوبرا مره طلعت حلقه انها تحط فاونيشن على ريولها لول!!! تصورو ان اوباجي يعطيكم بشره العارضات الي كل حد يتمناها! صح ان فترة العلاج كرررررريهه وايد! وايد تتجنبون الشمس والحر و التقشير بس والله يستاهل لانه النتيجه روعه!





منو هو د. اوباجي؟ هو دكتور سوري بدايته كانت من بوظبي و انشهر في الغرب و كريماته فايزه بوايد جوايز لين ما خافو الماركات انه يخسرهم واغتالوه! وذبحوه السنه الي طافت .. من اشهر مستخدمينه جانيت جاكسون اخت مايكل جاكسون في الغرب و عندنا هني وايدين لول مثلا انا ووايد من عيال الشيخ زايد و منو بعد لول من الفنانين انا شخصيا شفت نيللي مقدسي الي تغني يا نار ناري
لا تصدقون الماركات ابداااااا حتا لو صرفتوا كل بيزاتكم ما بتحصلون شي مثل اوباجي
تخيلو عادي تدخلون سيفورا ومحد يقولكم تحتاجون كريم عيون ولا مرطب لول! كلهم بيبحلقون يبون يطلعون عيوب بس جي ساكتين لول مايعرفون شو يقولون!
طبعا انا وايد احب ايرب واشتري بس صدق كلشي من اوباجي حلو ولو انه ادويته غاليه شويه بس موفيده!


<object width="425" height="344"><param name="movie" value="http://www.youtube.com/v/JcrgYzUJqk8&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/JcrgYzUJqk8&hl=en&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

اوباجي استخدمه في الشتا لانه يعتمد على تقشير البشره فماينفع فالصيف بما اني في الصيف اكون مب متفيجه لول!


استخدم كل كريمات اوباجي الي فالصوره ... كلينسر - تونر - كلير ( يصفي ) - اكفوديرم - بليندر (يوحدون لون البشره ) - اكشن ( مويسترايزر ) - كومبلكس سي ( مقشر ) - والسن بلوك



وبكل فخر اقولكم ان ثاني احسن ماركه هي الامراتيه اسمها "Shiffa" مسوتنها الدكتوره لميس حمدان الشامسي




ومشروعها واحد من المشاريع العالميه الي دعمته مؤسسه محمد بن راشد لدعم مشاريع الشباب
يمكن وايدين يعرفونها لانها شخصيه داعمه للثقافه والفنون في دبي بس هي بعد دكتوره وكريماتها وااااايد حلوه وطبيعيه و مفعولها عجججججييييب! اشتروا اي شي من الماركه حتا شموع ماركه شفا عجججججيييييييبه





الشي الحلو في شفاء انها بعد للرياييل والبنات .. و صدق الي احبه في لاين كريمات الويه انه يتكون من 3 steps و النتايج واايد حلوه! جنكم طالعين من سبا!!

اولا تستخدمون الكلينسر (يشل الميك اب وكلشي ) بعدين التونر ( ينظف بعمق ) واخر شي المويسترايزر ( يسوي بالانس - ينعش البشره - يشل الشوائب - يسوي ريلاكس للبشره - ينضف ) وايد عجيبه كريماتها ومفعولها فوري ... عكس اوباجي الي نحط ستين الف لوشن ولازم تستحملون الpeeling لول
هالسنه اختاروا كريمات شيفا ك احسن كريمات بشره لمنطقه الشرق الاوسط لانها تناسب اجوائنا الحاره


ولاين الجسم بعد احلى! برتني سبيرز تستخدم لاين الجسم كله ..

امس كنت في سيفورا اشتري كريمات شفا .. وكانت هالحرمه مالت كاونتر شيفا اتسوق حق الماركه .. يابتلي ثلاث حريم كانو يتحرطمون عالفاونديشن الي حطوه on spot في كاونتر ديور وبعدهم يشوفون عيوب بشرتهم لول! تمو يستجوبوني عن هالماركه مايبون يعقون بيزاتهم وما يستفيدون كانو منصدمين ان اصلا بشرتي مختلطه بس صافيه .. كنت اقول في خاطري لو تدرون كم كنت اصرف علكريمات لين ما حصلت الي ناسب بشرتي وانتوا بتشترون علزاهب شي سعره فيه لول

بس صدق انا انصدمنت من هالحريم مايستخدمون غير غسول ويه كيف يبون فاونديشنهم يطلع حلو وهم اصلا هاملين بشرتهم وهي الاهم والاساس


مافي حد بشرته صافيه مني والدرب.. احس وايد حرام وايد ناس ما يعرفون ان في ماركات اتصفي الويه واتحافظ عليه مافي حد مولود بيرفكت !! ..

اذا تبون تاخذون مواعيد عند اوباجي سيرو عند د. شريف في عياده اوباجي - بوظبي

ودكتوره لميس حمدان مشغوله هالسنه من ربت وصعب تحصلونها .. فسيروا اكاونت سيفورا - دبي مول والحرمه هناكي شاطره و بتساعدكم


ill post pictures tomorrow

[عهد الوداع]

المزوجي

جربت نيتروجينا ...



تحفه

حمستيني اسير عيادة اوباجي ...انا ابا اوحد لون بشتري واستخدمت اشياء وايده بس ما نفعتني وصج واايد خسرت بيزاتي ع الفاضي ..

لو عندج رقم العياده طرشيلي ع الخاص

[تحفه]

^انصحج تبتدين التريتمنت فالشتا اذا انتي تطلعين فالشمس وهذا رقم عياده بوظبي
+ 971-2-4457102


هذا دكتوررري .. يوم بتشوفينه بتنصدمين انه مصري عيووونه زززززرق تقولين بحر وبشرته مشدووووده وعمره فوق ٥٠+ لول



وايد شاطر

[تحفه]

أنا استخدم hyfac cleansing gel ( غسول الويه )

خلص عن مرتين والمره الثالثه يوم خذت منه حسيت به قام يجفف ويهي ... لأني ما استخدم أي نوع من الصابون
ماعرف شو استخدم الحين، لأنه انا ما احط صابونه على ويهي ... فلو في شي بديل وعن تجربه .!!

تدري هالغسول يمدحونه وايد! كزنتي تستخدم ال foaming منه .. اذا ناسبك ليش ما اتم عليه وتستخدم مسترايزر؟ ;)

[عهد الوداع]

ما يستوي ابدأ من الحين وما بظهر في الشمس .. !

ان شاء الله اتعالج عنده مدام هاا دكتورج ..

[مايهزك ريح]

مروان .. انا الحين قمت ما احصل hyfac فغيرت لهذا .. cetaphil !





تحفه .. يقولون في عياده في المدينه الطبيه في دبي اتسوي تقشير .. وايد زين وايد ناس صفت ويوهم من الحبوب ..
اذا عندج معلومات او اسم العياده قولي لي ..
ويهي كله بقع حمرا ( مثل الحبوب تحت البشره ) .. يبالي اسوي تقشير .. انا مب ويه كريمات وخرابيط .. ^_^!!

[العجيبة]

اقولج تحفة ... كيف اسعار منتجات الشفا هذي ؟؟ ومب موجودة فـ بوظبي ؟؟


الصراحة موضوع يا فـ وقته ... اشكركِ شكرا جزيلا واتمنى لك التوفيق والنجاح

[المزوحي]

تحفه عيل خلاص بسوي مثل ما قلتي بس أي نوع من الكريم استخدم ، هل تنصحيني بشي معين ..!

[أنامل قلب]

حلو الموضوع ^^

تحفه ، ردودج كفت ووفت ،
مسويتلهم دعايه حلوه ..

,

متابعه ..

[المزوحي]

مايهزك ريح انا بعد فتره ما لقيته، ومره لقيته في صيدلية دبي اوت لت ..

وتميت ادوره كذا مكان ما حصلته، وعقب مده حصلته في صيدلية سوبر كير ومغيرين شكل العلبه



وشفت كذا نوع ، بس ما جازفت آخذ ..!

عندنا الاهل في البيت يسون تقشير بس مب في عياده، لا

روحهم يشترون منتج فلبيني .. ويسونه، لكن يقشرون في الشتاء

[عافك الخاطر]

انا لو يعطوني بشرة ساندرا بولوك ع شبابها.. ما ابي شي عقب لول
عاد الـ dermatology أكثر تخصص يدر بيزات لول ، ونادراً اتحصلين حد ضميره صاحي لانهم ماخذين الشغلة تجارة ..بس الحمدلله ها الايام دكاترة الجلدية وايد احسن عن قبل يعني. واللي فعلاً يبا الأفضل لبشرته لازم يستشير دكتور لأنه شي مشاكل بشرة تحتاج لفحوصات دم لان ما يندرى يمكن عنده خلل في الهرمونات او نسبة الدهون او مرض مسبب هاي الاعراض في بشرته
عن نفسي.. بعد استشارة الدكتورة اللي اسير عندها - سمحية لطفي - استخدم نيتروجينا كـ غسول *بس من فترة ما حصلته في الشارجة .. واستبدلته بـ كلين اند كلير*.. + سكرب نيتروجينا+ سن بلوك *بضيف اسمه عقب لانه اختي شالته لول * + moisturizer; credentials ..
بس ما اعرف اي هاند كريم استخدم، لان ايدي جافة شوي.. ف من خبرتج بشو تنصحين ؟ * الـ فازلين ينفع في الشتا، بس في الصيف مب شي*