كل شي عن البشره!

[شوق القلوب]

معلوماتك مفيده يا مايد :)

[مزن هتان]

صرت استعمل سيتافيل من 4 شهور و يهي تحسن عن أول
و استخدم دلسين حق الحبوب اللي تطلع بويهي

و حق جفاف الشفاه استخدم vesojel

و بشرتي وايد دهنيه، اصير سيلانيه لمن يزيّت ويهي
بالهاند باق لازم رش ايفيان للازمات زي اللي حاطته جنون

[قصايد غلا]

أبلة حلم كلامها صح في شيئين

الأكل الصحي اللي لااااااااازم كل إنساااااااان يلتزم به

و الروب عن تجربة ==> يوم أتفيج أحطه أحس به يخلي الويه حلللووو وااااااايد (و سألت الدكتورة إذا بيضرني ولا لا، قالت ما يضر)


و ماي الورد واااايد حلو حق الويه .. خلو لكم غرشة في الثلاجة و امسحوا ويهكم بقطنة قبل لا ترقدون ، لأنه وايد يبرد الويه
و حطوه يوم تون من برع يوم يكون ويهكم حار


بس لا تعقون كل شي في أدراجكم مثل ما قالت حلم .. خاصة إذا دوا تاخذونه عن الدكتور =p
لكن الخرابيط عقوها

و الأشيا الطبيعية البسيطة مثل الروب و ماي الورد إن ما فادتكم ما بتضركم
بإستثناء الأشياء اللي يألفونها مثل اللي يحطون جاي على ويههم ولا ليمون و بلاوي ، مب كل شي ناسب غيركم بيناسبكم

أنا أستخدم : واقي الشمس، مرطبات للويه من كذا شركة ، صابون
و لأن بشرتي واااااايد حساسة .. يوم أطلع في الحر
على طووول يوم أرد أمسح ويهي بالثلج .. يرد أحسن من أول و يهدا


و أهم شي لازم ما تنسونه يا بنات هو الفاونديشن >.< .. العدو اللدود للبشرة النظيفة
حطّوه في العزايم و الأعراس و بس

لكن في الطلعات اليومية و للدوام و الجامعة ما له داعي
لأن الدكتورة قالت لي بتستوي بشرتج مثل بشرة العيايز قبل الأوان لو تحطينه بشكل مستمر ><

[تحفه]

هيه والله احسن شي الواحد يستخدم اشياء طبيعيه .. بس ويني انا ووين هالسوالف :S

للاسف الحين ماصرت اهتم نفس قبل :x

[شوق القلوب]

اهم شي عندي هالفتره هو الكونسيلر... عشان يخفي علامات التعب و السهر...

[مــهــابه]

آنا قمت آغسل ويهي بـ مآي ورد


وآسوي مآسك الحليب + العسل


طبعـاً ف الويك إند بس لاني مب متفيجه ><


آنا بس لو يمتن هالويه شويه بكووون بخير =(

[المزوحي]

وين يسون قناع الطين ، ابغي اجدد البشره !

[مزن هتان]

يمدحون الصندل أخوي مروان، ما عرف وين تقدر تلاقي طين
بس الصندل اذكر مره لمحته في جمعية الامارات "بطوار3" وين الصابون
بس في حد بشرته ما تتحمل الصندل أظن
و يفضل ينحط عـ البشره و هو بارد مع اضافه ماي ورد بارد بعد

[المزوحي]

عيل لا مزن مابغامر

ابغي اسير مكان ترتيب

[سبيجة]

السلام عليكم



بصراحه تحفه ...أنا احب اسمع كلامج ..واستخدم الاشياء اللي توصينا عليها ...

مره ذكرتي اسم فانديشن وخذته كان وايد اوكي .... وبعد مره جحال اظني مال جفنشي.... ومره ماسك بعد طلع اوكي


انا بصراحه ومن اكثر من 4 سنين ,,استخدم كلارنس ... كريم الصبح والليل مالهم ... وفي عندهم كريم نزل من سنتين تقريبا ...longer clarins secret عد اوكي ,,,بس احس خلاص ... ويهي تعود عليهم ....

افكر الحين اغير ... افكر اخذ الماسكات مال sisley و كريم all day احيدج تمدحينه ... وين بحصل منتجاتهم في بوظبي ...غير باريس غاليري ؟؟؟ وهل هالماركه موجوده في سيفورا ؟؟؟


وشكراً

[الموز]

افكر اسوي تقشير للبشره والرقبه لو حد عنده فكره او عن تجربه، وابغي اوحد اللون، خاصه الهالات حوالين العين متعبتني، ياليت لو عندكم خبره ماتبخلون عليّه.

أو على الاقل لو شي كريم من الماركات مثل جيرلان وغيره، عشان موضوع الرقبه تستوي نفس درجة البشره

ومشكورين

[شوق القلوب]

سبيجه.. سيسلي موجود في جالاري لافاييه.. و هارفي نكلز...

و صدقج الاشيا اللي اتوصي عليها تحوووفه كلها زينه ..

..

امس خذت غسول للويه من الصيدليه.. بس صراحه وااااااااااااايد زين... يعني اول مره ااغسل ويهي بصابون و ما احس اني محتاجه احطله مرطب
بصوره بعدين و بحطه

[الموز]

دخلت بلومينقديلز عشان اشوف شي حق بشرتي

أول مادخلت زخوني مال ماركة شسيدو وعدنا برموشن

وطبعا ماشي عروض

فقلت لهم ابغي البشره والرقبه نفس اللون

وظهرت بخمس أشياء

طبعا أول شي غسول الويه ( الفوم

ثاني شي السوفتنر هذا عقب الغسول

ثالث شي سيرم حق الرقبه

رابع شي كريم حق حول العين

آخر شي كريم حق الويه ينحط في الليل

طبعا سويت 4 اشياء والاخير في الليل إن شاء الله



شوق سيسلي شي بعد عند بلومينقديلز

[سبيجة]

السلام عليكم


خديت ماسك من سيسلي ...

Express Flower Gel كانت تحفه مادحتنه ... وبصراحه حسيت انه ويهي فرش بعده ... استخدمته مرتين ...لين الحين

وبعد خذت Botanical Cleansing Milk w/ White Lily بعد حلو يزيل أي كريم أو مكياج..

وكنت ناويه اخذ كريم All day بس ما اقتنعت بكلام اللي تبيع ...لو في حد منكم استخدمه ياريت لو يفيدنا ,,,

وخذت Energizing Foaming Exfoliant .. مقشر للجسم .. استخدمه كان وايد عادي صح خلى الجسم ناعم فتره ... بس ماله أي تأثير (سوبر) سوري تحفه لأنج وايد مدحتيه ... أنا وايد استخدم هالسوالف ,,,, وفي محل في الفستفل وفي الاوتلت مول ..محل ما سوالف الجسم ..وعندهم مقشر بالسكر ..أحسن مقشر استخدمته بس للأسف مب موجود عندي الحين ... من ارجع دبي بحط اسمه .... وآخر مره سرت الفستفل شفت المحل مجابل سكوزي وجبنغو ... قبل الوشيعيه ... بس ما أعرف اسمه للأسف ... انصح الجميع يستخدمه لأنه الجسم يتم ناعم الملمس يومين .. وريحته حلوه بعد ..مع إنه الشكر مخلوط بالفلفل الأسود ..(مول ما يشجع) ... بس جربوه وما بتندمون ...


بالنسبه لSisley تشجعت كون منتجاتهم طبيعية .... بس مب عارفه اذا اخذ اشياء ثانيه من عندهم ..أو لا ...

انا بشرتي مختلطه ... وما تحسس من أي شيء الحمدلله ...ومب من النوع اللي فيها حبوب ..ولون واحد .... بس احس ماشي رونق ... حسيت في كذا ماسك عند سيسلي ممكن اني استخدمه ... بس ما بغيت اعق بيزاتي لين ما اتأكد اذا ماساكتهم تناسبني ... ومنها نتيجه والأهم اني اداوم عليهم أو لا ..

شيء أخير ... هالماركه حلوه بس غاليه ..الماسك يكون تقريبا 500 وكريماتهم توصل لين 1300 ...بس اذا منها نتيجه ... اكيد ما راح نستخسرها ...


بالنسبه لتقشير الويه... انا جربت التقشير بالليزر ..وما انصح اي شخص فيه لأنه وايد قوي والبشره تستوي حساسه بعدها ...الله يسامح اللي اقنعتني فيه ... في وايد كريمات للتقشير واللي انا اعرفها ونتيجتها مضمونه مال أبوباجي ..


ومنكم نستفيد

[طير الحب]

مسا الورد

شو احسن ماركة كونسيلر


وحد جرب قناع الذهب

وشو احسن سن بلوك

حد جرب روك لتقشير البشرة