[ خصــب ]

**صريح** · 02-08-09 ||, 11:25 PM

مسااكم الله بالخيير يميييع

شحالكم عساكم بخير و نعمه

رحلة باليخت لخصب ..
و ترتيب الرحله كان في 5 دقاايق بفضل البلاك بيري خخخ

بعض الصور من الرحلة و ان شاء الله تعيبكم

ماشي صور فنيه .. اعتزلنا هالشي .. بس نصور للذكرى الحين

الانطلاقــة إلى راس خصب

::
:

ترديع الميدار فالدرب لين ما نوصل

::
:

و سمينا بالرحمن و بدينا الحدااق

::
:

جــد

::
:

و الخير بدا و قمنا نترس الثلاجه ( شعري و جش و سلطان ابراهيم و هوامير و نيسر )
طبعا اكثر شي الشعري

::
:

بعد الصيد بدنا نزهب حق العشاا ( عيش ابيض و صالونه شعري )
نظفنا السمج و ملحناه و حطينا كرك و بهارات
من السمجه تنصاد ع طول تتنظف و تتملح يعني اكثر عن جيه طبخ فرش ما بتحصلون هههه

::
:

بدينا قلي السمج و لازم الايد تحترق من الزيت هههههه

::
:

و بعد نقلي السمج

::
:

السمج بعد القلي ... شكله صح و لذييذ ادري

::
:

يبدا تقطيع البصل و البطاط و الفلفل الاخضر و الطماط

::
:

بعد التقطيع كل شي جاهز لتكملة الطبخه

::
:

و اخيرا و ليس اخرا ... نبدا نحط الجدر ع الضوو عسب نسوي الصالونه
و عقب ما خلصت الصالونه سوينا العيش الابيض ويا شويه دهن خنين عقب ما نسكر الضو
و اغطي الجدر بقماش او خلقة و اغطي الجدر بالغطاه عسب يتسكر العيش و النكهه تطلع حلوه <-- حركات صرييح لول

::
:

و قطعنا السلطه
بالهناا و الشفااا علينااا ... يمييي

و السمــوحه ع التقريير البسيط

صريـــــــح

**المزوحي** · 02-08-09 ||, 11:28 PM

الله يا صريح شو هالرحله الفنانه .. حسيت بعمري وياكم

هالاماكن وإلا بلاش ...

تغيير جو، و أكل فرش وفنان وصحي

تسلم صريحكو

**الزرعوني** · 02-08-09 ||, 11:38 PM

يا سلااااااام

هاي الرحلات و لا بلاش

عاد المرة الياية تودونا وياكم

بس عاد تراني غشيم

لا اعرف احدق و لا اطبخ :D

بس بفرشلكم و بنظف الصحون و بييب البارد و برتب السفرة :D

**طير الغرام** · 02-08-09 ||, 11:46 PM

مابغيــت اتنــزل موضــوع

ماشاءالله عليكـــم شـــاديــن حيلكـــم
وطبيخــــكم شكلــــه غـــاوي ،، بالعافيـــــه عليكـــــم

وتسلـــم ع هـ التقريـــر

**عافك الخاطر** · 03-08-09 ||, 01:38 PM

الاكل شكله صدق لذيذ..

**رمــش الغـــلا** · 03-08-09 ||, 02:09 PM

اوه اوه شو السـآلفة [ صريح ] منزل موضوع =)

=====

شكلهـآ الرحلة عجيبة ..، وأحلى شي البحر صوب خصب ..

أهم شي استـآنستوا وغيرتوا جو .. وكلتوا سمج فررررش ^__^

**الهيثــم** · 03-08-09 ||, 02:42 PM

مااا شاااء الله ،، رحلللللة جمييييييييييلة يا خي ...
صدق وناااسة ..

وما شاء الله عليك خبرة في الطباخ ، انا حالي من حال الرزعوني ،، ما يخصني في الطبخ .. إلا أشياء بسيطة ..
إنت ما شاء الله علييييك طبّـــاخ ...

مع إني توني متغدي بس يوم قريت كلامك وشفت الصور اشتهييت الأكل مرة ثانية ..