النظارات الشمسية - Indoor

[الهيثــم]

والله هالظاهرة انتشرت بشكل كبير
ويانا وحده في الكلاس كانت معقدتني ، دوم تدخل ونظاارتها من بعد كيلو تلمع " ذهبيييية "

بس يا خي ، يمكن واحد حالته مثل حالتي ، ما تروم تظلمه يعني
أنا ألبس نظارة طبية ، والشمسية اتكون طبية بعد يعني فيها رقم ..
ومرات أكون في الموتر وأبا أنزل الشيشة .. ما اتفيج أبدل النظارات .. هل تتوقع يقولون عني خقاق بعد ! لول
ولا يبا يراوينه إنه عنده نظارة ، علما بأني مب راعي ماركات قوية .. يعني نظارتي عادية ..

خبررني يا خي ، ما فيني حد يصمني بعين بعد واندبغ على خشمي ..

[المزوحي]

خــّطاب الواحد يقدر يميز الخقاق من غيره

يعني صار لي موقف من اسبوع، عقب ماسرت الدوام اختم، مريت المحطة آخذ لي ريوق، عقب ماتطلب اللي تباه

يحتاي تدفع أول وترد تاخذ اللي طلبته، وجدامي واحد لابس نظاره شمسيه

ما اتحرك من مكانه بالرغم إنه طالب كوفي بس، لين ما فتح محفظته وتم يظهر الخرده وانا اتريا ورا ابغي ادفع

ي الاول والثاني والثالث والرابع وقفوا جدامي وهذاك بعده ميود بوك جوتشي، مادري الاسطوري يحتاي تنزل موضوع عن

الأبواك والنعله وانتوا بكرامه ... وتأخر ..

بعدين خــّطاب تقدر تميز اللي متعمد نازل بنظارته وإلا لا ...

يعني واحد تام بالنظارة ونزل بسرعه المحطه ياخذ له شي وطلع، والثاني نازل المحطة يتم يلف ويدور ربع ساعه

ويتلفت، وآخر شي يظهر لك بغرشة اورنامين سي هذا يبغي حد يشوفه ويلفت الانتباه ...

أمس بغيت اشتري ماي من المحطه، عقيت النظاره ونزلت، قلت ما فينا على الرمسه

[عهد الوداع]

المزوحي اسميك ضحكتني والله حاله ههههههههه


لا تنسى الحين نحنا في زمن اسمه المظاهر .... ها الي قاعد يصير واشوووفه جداام عيني وخصوصا بين البنات ..الله المستعان ...


هيه بعد يبالكم تنقاشون سالفة سيتات السيارات ولبساات الماركه احس هالظاهره ردت تنتشر مره ثاانيه لوول ما ابغي اطلع برع الموضووع ... ما فينا الاسطورى يعصب علينا هيهيهيهيه

[مزن هتان]

نفس الشي صار لي أخوي المزوحي =)
البارحه كنت طالعه و خايفه حد يشوفني من المنتدى، طول الوقت ما قطيت النظاره


مزن وايد لا تاخذين راحتج << الاسطوري يقولج

[المزوحي]

الاسطوري موضوعك حمس الجماعه

[تحفه]

انا البس نظاره يوم اعرف اني مابطول في المول .... بس يوم اسير شوبنغ مستحيل اسوي شوبنغ بنظاره

وعن البنات الي يلبسون نظاره .. انا ربيعاتي الي يلبسون نظاره في الكلاس يا يلبسوونها لانهم مالهم خلق الكلاس و يبون يرقدون ويسرحون ومايركزون في الدرس.. او لان الامتحانات جربت فيبون الاستاذ يتعود عليهم بنظاره عشان وقت الامتحان مايجكهم يطالعون في اوراق الي جدامهم او الي حذالهم لول

[المزوحي]

تحفه، بس كيف لهم القدرة إنهم يشوفون الورقه بنظاره .. يعني الصراحة مابغي احسدهم !

[الاسطوري]

هـــــــــلا ..

"المزوحي"

توقعت انك شفتهم في الفستفل لأنه اكثر مكان تنتشر فيه هالظاهرة حاليا ومابندخل في مواضيع
خارجه عن الموضوع بأن أغلب زوار المول من ديرة أو غيره بس يمكن
عذرهم بأن المول تدخله الشمس في
بعض الاماكن ولكن
شو عذرهم بالنسبة للاماكن اللي مافيها شمس! مابنرمس عن الماركات الناس أحرار في
هالنقطة ولكن برمس عن أمور أهم تخصنا كجيل الشباب في
هالمجتمع المنفتح، حاسب تنزل ترا الأعضاء
عارفينك وبيقطعونك

"وحي القلم"

دام بيرقدون في الكلاس عيل الغاية تبرر الوسيلة لأن الاثنين
المفروض يكونون غلط وهم يرقعون
الغلط بغلط

"مزن"

الناس تحب تقلد بدون ماتشوف إذا هالشي يناسبهم ولا لأ وزين تسوين في خواتج هيه عشان محد من الواحات يحط
عليهم اما بالنسبة لخالتج فهي تصير احيانا ان الواحات مايكون منتبه او شي من هالقبيل بس
مره في السنه، في ناس صدق مايستحون يلبسون النظارة لإستخدام
غير نبيل ويتحرون أن محد بيلاحظ بس
مردوده فيه

^
حاسبي تلبسين النظارة في أمكان غلط ترا
أعضاء الواحات يراقبونج

"ذنيني"

دام فيك طبع عيل بو طبيع مايوز عن طبعه واكتشفنا انك شبه منهم ههههه فخلاص بنحطك في البلاك لست مع اني ما
لاحظت هالشي عليك قبل! أنا عاد عكسك من أدش مكان لازم أشل النظارة إما احطها على
الكاب او على العصامه او في مخباي اللي فوق او امسكها
في ايدي اذا ماتوفرت
هالاشياء الثلاثه لان ماينفع احطها في مخباي اللي تحت ويه السويجات وغيره ولكن ماحب اتم لابسنها لين اوصل المكان
اللي اباه احس حسب وجهة نظري انه شي غلط اما في المطاعم وقت الاكل والحلاق وغيره
فهاي مصاخه زايدة عن حدها والناس يالسه للأسف
(XXXX) في اعمارها

"أنامل قلب"

يمكن صعب التمييز من الوهله الأولى ولكن في الغالب اللي لابسنها لحاجه بيكون مضطر وياي لحاجه
يقضيها وخلاص أما اللي لابسنها فشخره بيكون ياي يستعرض في المقام
الأول ويتمشى في المقام الثاني ويشوف
غرضه (إن وجد)
في المقام الثالث يعني مابيروح يتغدى في مطعم مسكر ولابس نظارة شمسية أو مثلا داخل جمعية
أو محلات وهو لابس النظارة، بس الناس مابتيلس تقيم كل حد فممكن
ينظلم صاحب الحاجه بسبب هالفئة
والعكس صحيح

"خطاب"

يمكن في حالتك الشخص يكون معذور لان سالفة تغيير النظارات صعبه احيانا ولكن مب انك تنزل مطعم ولا كوفي شوب
وتم لابس النظارة الشمسية ساعة وتقول مالحقت اغيرها لأن الناس من طبعها ماتتلمس العذر
لحد فـــ عادي باجر انت وحرمتك تتمشون وتسمع شلة صغاريــــه
يقطعونك عشان النظارة الشمسية اذا كانت
ملبوسه في مكان غلط

"عهد الوداع"

لاتدخلينا في مواضيع يتحسسون منها الاعضاء مافينا باجر نتقطع عشان موضوع ولا رد كل واحد خله
يسوي اللي يباه ولكن ضمن الحدود يعني بدون مايتعدى على حرية
غيره، ان شاء الله بناقش مواضيع
تمسنا كشباب

"تحفه"

انزين انتي بحكم انج تلبسين النظارة في المول وتتمشين وتروحين وتردين ماتلاحظين بان مرات تكون في نظرات استغراب من
البعض؟ الناس احرار متى يلبسون نظاراتهم ولكن انا اشوف الواحد لما يستخدم الشي في موضعه
الصحيح يكون أجمل يعني بمعنى اصح تخيلي شخص لابس جاكيت
ويتمشى في عز الصيف في شوارعنا كيف
بتشوفين هالتصرف!

//

في النهاية تظل المسألة عبارة عن قناعات وكل حد يمشي على قناعاته ودام ان الشي مايتعارض ويه الدين فالناس
أحرار في تصرفاتهم يعني مب غصب كل الناس تمشي على درب واحد ولكن اللي
بيخالف وبيسلك درب خاص فيه لازم يتقبل ردود
فعل الرأي العام

الاســـطـــوري
أخوكم

[المزوحي]

حسيت بأنه ميركاتو نفس الشي

[الهيثــم]

فـــ عادي باجر انت وحرمتك تتمشون

\ .. ~بو علي ،، الجماعة ما يعرفون إني معررس .. ~ .. /

[تحفه]

المزوحي : لول يكون اكثر شي اختياري وتوصيل و فراغات XD بس طبعا مايستوي تجاوب قبل لا اتحل المساله لول ... في جامعتنا ما تنجح اذا ماتغش


الاسطوري : قتلك

انا البس نظاره يوم اعرف اني مابطول في المول .... بس يوم اسير شوبنغ مستحيل اسوي شوبنغ بنظاره

انا ما اتبحلق في الخلق عشان اعرف هم بشو يفكرون لول .. شو قالو لك وحده ففاضضيه XD

[مجموعة إنسان]

انااا اقوول احسن شي الواحد يلبس
عشان ما يكسب ذنوب من اللي في المول
على الأقل بدل ما يشوف الناس ١٠٠%
خل يشوفهم ٥٠%

واذا واحد بصاااص شو بتسوي فيه!!
وحليله مايقدر ما يبحلق في الناس من اللي يلبسوونه
خله يلبس نظارة ويشوفهم بدون ما يعرفون
عن مال الآداب يمسكونه بعد..

انا عن نفسي في الكلية اول كلاسين ما افصخ النظارة
وخاصة نظارتي شوي كبيره
بس عشان الرقاد ما يطير من عيني

والبنت اذا لبست نظارة انا معاها
بس يمكن تكون فاهمة سالفة النقاب غلط!!

كل واحد عنده هدف في النظارة
وخله يحقق اهدافه..

[العجيبة]

النظارة سلاح ذو حدين لوول

[الموز]

اليوم شفت واحد لابس نظارته في المول، لكن ماظن يتخقق، لأنه ريال كبير في السن .

البنات في كل شي تقليد، مب بس النظارات + الشباب عنده كذا نظاره ، في البيت والسياره

وعلى عينه وعلى راسه ..

[طير الحب]

أنا انسى أعقها الصراحة....بس في مول فور شور ما بتم احوط فيها