خنفروشيتو

[خنفروش]

سبحان الله يا شوق القلوب ....اليوم طايفه بشارع كله خطاطين في الشارجه ...وشفت هذا إلي تتكلمين عنه
وأقول بخاطري وينك يا خنفروش ووينج يا شمعة أمل !!!
بس المشكله إنه خنفروش فريد من نوعه !!! مب أي رسام يقدر يضبط هالصوره

الحلم الخطاطين يوم ما تبينهم تلقينهم في كل مكان و يوم تبينهم لو عدالج ما بتلقينهم


امس مريت جدا الروله و خطاطينها .. كرهت عمري .. من الزحمه ..

بس مريت عليهم كلهم ما خليت خطاط ولا خياط و لا خباز


و يوم طفشت والا احصل واحد بين بنك ابوظبي التجاري و البريد المركزي بس كان قده صكر .. اليوم بشوفه


الحلم ترى مثل ما قلتي السالفه ان منو بيقدر يضبط الصوره ..


و الا لو السالفه رسمه و السلام جان اليازيه راسمتنها بالروان و انتهي الموضوع

[عافك الخاطر]

وها المحل وين بيكون..في الشارجة .. يعني بس عشان نحظر التدشين
يا الله ان شا الله تحصل حد.

[مجموعة إنسان]

مالك غير دافنشي الله يرحمه يرسملك الرسمه

[خنفروش]

خنفروش

بتحصل حد يرسم لك في مكتبة الفرقان في السطوة او مكتبة الحلوان وحده منهم المهم كلهم في السطوه اوكيه
او حق انك اتسويه استكير على الجامة اطلب من المكتبة اسكان لرسمه واخذه حق مكتبه او مكان مال صور جريب عندال صالون سلفا في بداية الجافليه عشان يكبرونه ويلصقونه في الجامة
شغل مصري نظيف XD

تامر على شي ثاني ؟

ايه احبك ..

حرام عليج (( دنا دخت السبع دوخات مع هالمكتبات )) لين الحين متصل على خمس ارقام .. الفرقان قالوا ماعندنا غير تكبير الصور .. و الي كان يكبر مسافر .. و حلوان اتصلت فيهم من الشارجه حتى ديره و بر دبي .. حتى المصري الي رد علي قال لو الصوره محتاقه اشوية تعديل حنعملها لك بس ديه عايزه شغل قامد يا فندم ..

شكرا عالنصيحه و ان شاء الله المحاولات مستمره في كل الاتجاهات

[خنفروش]

وها المحل وين بيكون..في الشارجة .. يعني بس عشان نحظر التدشين
يا الله ان شا الله تحصل حد.

عافك الخاطر .. هو فالشارجه .. وفشارع معروف بعد .. و ألله ايسهل الامور .. ويجدم الي فيه الخير



هيه كلكم لازم تحظرون .. مجموعة عنده باص

[مجموعة إنسان]

هههه

هيه معروف باصنا نحن

بس منو بيطبل ورا ويخترش هههه


افا علييك
انا بقص شريط الإفتتاح بعد هه

[خنفروش]

مالك غير دافنشي الله يرحمه يرسملك الرسمه

مجموعه .. دافنشي في قمة عطاءه و قبل لا يموت ودينا له الصوره ..

فـ طأطأ رأسه و قال :- خنفروش دع عنك هذه الحركات .. لا تفضحني أمام أعضاء الواحات ..

(( و حوّل عالعاميه ))

وقال :- شو بيقول عني الشباب شو بتقول عني البنات ماعرف يرسم صورة خنفروش و تعذر بالبكسلات (( ثم بكى حتى وقعت العدسه من عينه ))

[طير الغرام]

^

ودي أساعـدكـ بس ماظنتـي أظهـر بـ شي بــروفيشنال ! و ع المستــوى

[أمطار]

السلام عليكم ..


شو استوا الحينه؟؟
لقيت حل ولا بعدكـ .. ؟!

[خنفروش]

يعني كم الحجم اللي تباه تقريبا ؟

المزوحي .. اسمح لي والله ما شفت ردك من الربشه .. أنا آسف جدا



مثل ما قلت .. أنا اباها متر في متر ..

طبعا انت تعرف اللوحات الدعائيه الي عالشارع الي يكون خلفها اضاءه انا ابغي اسوّيها بهالشكل (( و عندي بورد صغير جاهز ))


اتمنى انك ما تاخذ فخاطرك لاني توني الاحظ اكثر عن موضوع لي انت ترد و انا ما انتبه لردك .. بدون قصد

[خنفروش]

^

ودي أساعـدكـ بس ماظنتـي أظهـر بـ شي بــروفيشنال ! و ع المستــوى

امممم انزين ممكن تجربين .. او حتى ترسمين على نفس الفكره ..

المشكله ان خنفروش ماله في هالاشياء والا جان ما غثيتكم وحليلي اكسر الخاطر

[خنفروش]

و عليكم السلام .. حيالله امطار .. ما لقيت حل .. و انشغلت بالمحل و إضافة نشاط الموبايلات فيه .. ها شو رايج ؟

[المنصوري]

الله بلاكم بخنفروش

يا اتساعدونه يا يخنفرشكم

يعني الحينه بنات الواحات يالسات ينصحن ويقولن ,, ليش يعني وكيف ما يصير انه حد منهن يسوي مفاجأة لخنفروش او يهديه هدية ( مع انه في حياته ما حصل غرشه فاضيه بس ما عليه ترااه يستاهل كل خير ) ويساعده في رسم المطلووب

تباني ارسكم قصدي ارسم صورتك

موفق خير

منصوري

[خنفروش]

ترسم صورتي ليش تبا الاعضاء يشردون من الواحات .. المنصوري (( عن الفضايح )) ترى عادي احط صورتك و اقول هذا انا





صدق انت ليش ما ترسمني .. ياخي حاول

[حلم الطفوله]

عاد حلم والفضول لووووووووووووووووول ( اول مره اعبر عن وناستي بهالكلمه)
المهم
المنصوري انته ارسم وأنا بحكم .......... وبنسويله مفاجأه وبنخلي بن دبي يعتمدها كصفحه رئيسيه للواحات