مسابقات الأصدقاء / 1 ..

[أنامل قلب]

^ يمكن P=

وإي عادي الباب مفتوح لكل من حاب يشارك ،
مو من مشجعي الاحتكار نحن ..

,

الاسئلة قليلة وسهله عالأغلب ،
بس للعلم ، محد منكم ليـ الحين خذ الدرجة كامله !

[الهيثــم]

هذا دليل على إن عضوات واحتنا غامضات .. وما قدرنا نتوقع الإجابات الصحيحة ..

[أنامل قلب]

لا والله ..!
ليش ماتكون توقعاتكم يبالها إعادة تأهيل ..

[الاسطوري]

وجان أعدل إجاباتي

[العجيبة]

هههه انا بعد شكلي براااجع ورقتي



اقووولج متى آخر موعد ؟

[أنامل قلب]

^ احتمال يتم الموضوع لـ 10 أيام ، > ابي أكتب عشرتيام وماعرفت حسيت شكل الكلمه غلط !
بس قبلها بـ 3 "تيام" بعلن عن وقت انتهاءه ..!!"

,

ممكن تطرحون اضافات جديده ، مو بالضورره تعدلون الرد نفسه مثل ما سوى أخوي الاسطوري ،
مادري شوللي غير ابـ ورقته لول .. > وحده فيها فضول عالخفيف !

[عهد الوداع]

أنامل الحين جاوبت بالكامل ,,

1) عفاريتووو : لو حصلت عفاريتو مليون درهم شو راح تسوي فيه ؟



ـ بتبدا بتحقيق حلمها ان تسوي ماركة ازياء عالمية باسمها ..

2) مزن هتان : أكلة مزن ماتحبها ؟


ـ المعكرونه ..

3) أنامل قلب : متى بدت تتعلق أنامل قلب جديا بقراءة الكتب ؟

ـ هي عادة اكتسبتها من احد افراد المنزل منذ زمن ،
من سادس ابتدائي وبالمرحله الاعدادية تحديدا ..

4) عهد الوداع : أنا من النوع ؟

ـ الانطوائي ..
ـ الاجتماعي ..
ـ الخجول ..

5) بنت الدلع : ماهو التخصص الذي طالما حلمت فيه بنت الدلع ؟

ـ الهندسة الالكترونيه والميكانيكيه ..


6) دمعة شوق : شو اللي ينرفزني يوم اكون في في مكان عـام ؟

ـ ضحك البنات بصوت عالي ..

7) مزن هتان : آخر شهاده لـ مزن ؟


ـ ثانويه عامه ..




8) رمش الغلا : أسلــوبي ـ رمش الغلا ـ دآخل البيت وخـآرج البيت ؟

ـ داخل البيت حشرة وعصبية اذا المزاج مش اوكي وبرع البيت اجتمـآعية مع الكـل ..




9) أنامل قلب : كلمة ماتحبها أنامل قلب وتنرفزها ، وهي متداوله بين البعض ؟

ـ حلفي / صج والله ..

10 ) عهد الوداع : هواية أحب أمارسها دووم ؟

ـ القراءة..
ـ المشي ..
ـ التسوق ..

11) العجيبة : كم سنة خلصت العجيبة من دراستها الجامعية ؟


- سنتين ..


12) أنامل قلب : موهبة أدخلنتي لـ عدة مسابقات وأحداث بمرحلة متقدمة قليلا من عمري ،
إلا أني نسيت أغلب ماتلقيت عنها حاليا ؟

ـ أمور التطريز والحياكة / تصميم الأزياء ..

[مزن هتان]

قوّه


شـ حلاتي و أنا سهرانه للحين "امتحانكم صعب"
و زي ما قال خطاب أنامل قلب اسئلتها صعبه =)

عدلت أنا كمان ابـ ورقتي

مادري اذا ممكن استفسر اممم
شلون راح تنحسب الاجابات بما اني "مزن" و اكو سؤالين
ما جاوبت عليهم فـ اظن اكيد اكو فرق بالحسبه مثلا بيني و امبين الاسطوري ؟!!

و بعد مادري احس 10 ايام كثيره =)، و المتسابقين راح يقل حماسهم

اسفه أنامل تحجيت وايد

[العجيبة]

^ احتمال يتم الموضوع لـ 10 أيام ، > ابي أكتب عشرتيام وماعرفت حسيت شكل الكلمه غلط !
بس قبلها بـ 3 "تيام" بعلن عن وقت انتهاءه ..!!"

,

ممكن تطرحون اضافات جديده ، مو بالضورره تعدلون الرد نفسه مثل ما سوى أخوي الاسطوري ،
مادري شوللي غير ابـ ورقته لول .. > وحده فيها فضول عالخفيف !

صدق والله تبين تكتبينها عشرتيام !!!!!!!! أخ بسسس ما اعرف .. أضحــك ولا شــو !!!

يكتبـونها عشـرة أيـام !


بس صدقها مزن .. مب جنه واايد ؟!!

بالمناسبة : شو معناتها الكلمة اللي حطيتها بالاحمر ؟!!

[مزن هتان]

العجيبه : تيام = أيام
هذي التاء جات من التاء المربوطه بآخر ثلاثة استبدلت بـ الألف

[مــهــابه]

جـآن بـآجي 10 آيـآم ، آنـا بـعدل اجابـتي آخر شي

عـسب آعـرف آغش عدل =P

[أنامل قلب]

صدق والله تبين تكتبينها عشرتيام !!!!!!!! أخ بسسس ما اعرف .. أضحــك ولا شــو !!!

يكتبـونها عشـرة أيـام !


بس صدقها مزن .. مب جنه واايد ؟!!

بالمناسبة : شو معناتها الكلمة اللي حطيتها بالاحمر ؟!!

انتي اللي ضحكتيني ^^" / بخاطري أقرصج من غزوزج ..

مثل ماقالت مزن ، عشرتيام مثل ما تنلفظ بالعامية /
وعشرة أيام إهي الصحيحه ، بس شكلي ناوية أخربها بالعامية ..!

لا مب وايد ، لأني حددتها كـ مدة تقريبية ،
والموضوع بالأساس يباله يتم عشرة أيام عالأقل =)

ما يصير نحطه يومين ثلاث ونخلص !
من الأساس محد للحين أجوبته كلها صحيحه ..

,

مزن ، أسئلتي سهله للي ما بتفلت منه شغلات / وخلج ابـ صفي ..

وعن استفسارج ، ففي فرق ، لأن مزن تكرمت وخذت من وقتها عشان تساهم باعداد المسابقه ،
وبالتالي بـ نظري التخفيف على اللي ساهمو جميل ، مع ملاحظة إن التقييم كذلك بيظل قريب من بعضه ،
لأنه بيكون نسبي [ لعدد الأخطاء ، مش لعدد الأجوبة الصحيحه / وعلى هذا الأساس بمشي ..

,

مهابه ، بس أجوبة الاعضاء ممكن بدل لا تسهل عليج الحل ، تربكج بزياده ..!

,

وشكرا لكل من تواصل بإضافة حلول وتعديلها =]

[فرفوش]

بس للعلم ، محد منكم ليـ الحين خذ الدرجة كامله !

[العجيبة]

عاااصف انا اعرف اغلاطك وييين لوول بس ما بقووووووول

[دمعة شوق]

يآ حيـكـم حـي

حلووو الموووضووووع تسـلم آلآيـآآدي

بسم الله نبدا


1) عفاريتووو : لو حصلت عفاريتو مليون درهم شو راح تسوي فيه ؟
ا

ـ بتبدا بتحقيق حلمها ان تسوي ماركة ازياء عالمية باسمها ..

2) مزن هتان : أكلة مزن ماتحبها ؟

ـ مأكولات بحريه ..


3) أنامل قلب : متى بدت تتعلق أنامل قلب جديا بقراءة الكتب ؟

ـ هي عادة اكتسبتها من احد افراد المنزل منذ زمن ،
من سادس ابتدائي وبالمرحله الاعدادية تحديدا ..


4) عهد الوداع : أنا من النوع ؟

ـ الانطوائي ..


5) بنت الدلع : ماهو التخصص الذي طالما حلمت فيه بنت الدلع ؟

ـ الهندسة الوراثية وعلم الجينات ..

7) مزن هتان : آخر شهاده لـ مزن ؟

ـ ثانوية عامه .

8) رمش الغلا : أسلــوبي ـ رمش الغلا ـ دآخل البيت وخـآرج البيت ؟

ـ داخل البيت هـآدية وعصبية أحيــآنـآ وبرع البيت اجتمـآعية وهـآدية حسب الوضع ..

9) أنامل قلب : كلمة ماتحبها أنامل قلب وتنرفزها ، وهي متداوله بين البعض ؟

ـ الـ [ لاااااه ] بنهاية الجمل ..

10 ) عهد الوداع : هواية أحب أمارسها دووم ؟

ـ القراءة..

11) العجيبة : كم سنة خلصت العجيبة من دراستها الجامعية ؟

- ثلاث سنوات ..

12) أنامل قلب : موهبة أدخلنتي لـ عدة مسابقات وأحداث بمرحلة متقدمة قليلا من عمري ،
إلا أني نسيت أغلب ماتلقيت عنها حاليا ؟

ـ العزف وتحديدا على البيانو ..