مكيــاجكم ~ ..

[تحفه]

^هي هالتنتد مويسترايزر عجييييييب حق الاستخدام اليومي
Sheer Focus Tinted Moisturizer SPF 15

What it is:
A vitamin-packed moisturizer with a hint of color.

What it does:
Smashbox Sheer Focus Tinted Moisturizer is a lightweight, revolutionary sheer color formula for naturally radiant skin. A healthy complexion starts with unique citrus honey ingredients for long-lasting hydration and oil absorption, with UVA/UVB SPF 15 added to guard against future sun damage. Vitamins C and E offer protection against free radicals and antiaging peptides improve elasticity. Skin stays flawless and protected with a smooth, matte finish all day long

.




انا استخدم فوقه bareMinerals باودر فاونديشن



و الكونتورنغ من غيرلاين Terracotta Light Sheer Bronzing Powder Blonde 01 لاني بيضه من دون برونزر جني يايه من روسيا لول و يوم اكون تان شويه استخدم Brunette 02

[بنت الدلع]

^ اهااااا آي ســي
بعدين بحطلكم الاشياء اللي استخدمها ان شاء الله

تحفه ماشالله عليج تنفعين تكونين وصيفة للعروس (Y)

[تحفه]

والله فكره حلوه .. يبالي افتح بزنس .. من اسبوع انا افكر في هالموضوع XD

[شوق القلوب]

و انا اشهد انج تنفعين ...

ماشاء الله عليج خبراتج حلوه و نصايحج ماعليها كلام...

وعندج خبره بكل سوالف البنوتاااااات...

[تحفه]

و انا اشهد انج تنفعين ...

ماشاء الله عليج خبراتج حلوه و نصايحج ماعليها كلام...

وعندج خبره بكل سوالف البنوتاااااات...

awwwww

[سبيجة]

السلام عليكم


وايد احب الميك اب ....


بس الميك اب اليومي يكون جلوس وجحال ...

في الجلوسات احب شانيل وديور وايد ... وكنت اخذ من ماك ...بس صارت زوبعات وايد على ماك ... فقمت آخذ الفراشي من ماك ...


اللي تبا وحده تمكيج ...وميك أب خفيف ..وحلو ..أنا ما انصح غير في كاتيا .. كانت في ميك اب فور ايفر ... طبعاً هيه تمشي ويا ذوقج ... واللي انتي تبينه

انا تعدلت عندها في الملجه والعرس ....وكل اللي يشوف أو حضر يقولي فرق كبير في الميك اب ... في الملجه كنت حاطه جحال أسود وروج أحمر وبلشر خفيف ..والجحال كانت مسويتنه بطريقه مفتوح في آخر العين ... وكنت لابسه عربي ... وذهب فطلع وايد حلو على اللبس والذهب ... أما العرس .. طلبت انها ما تحط لي جحال اسود ... ولا تحط اي اسود في عيني ... خطت عيني بالبنفسجي .. وحطتني ألوان ناعمه وايد هادي .... وحتى ملامحي ما تغييرت ..بس كان في لمعه في الويه .. مب لمعه جييه حبات .... لا الكريم اللي حطته يلمع بطريقه تعطي الويه نظاره ..وايد حبيتها ....


نصيحه حق اللي ما تعرف تحط ميك ..وتخط عيونها : استخدي اي شادوا وإلا قلم جحال لون ... وخطي عينج من داخل ..أو على الرموش التحتيه ... تبرز العين .. ووطبعا ممكن تحطينه على الرموش اللي فوق بعد ومن داخل العين ... تحطين أسود .. اقصد داخل بس فوق ... احس ضعتوا انا دايما جيه اسوي ... لأني ما احب الاسود وايد ...


شو بعد ,,,, بالنسبه للكونسيلر وايد ناسبني اللي في سيفورا .. ماركتهم نفسها واييج في كذا لون .. هو مدور ... (ارحموني ما اعرف احط صور)


تحوووووفه والله حبيت فكرة انج تشاركين العرايس في مشاويرهم وتشورين عليهم ...نفذيها وبسويلج دعايه ..وعلى فكره في وايد بنات محتاجين هالشي حتى لو مب عرايس ...توكلي على الله


لي عوده

[شوق القلوب]

سبيجه... افيدينا اكثر بسوالف الميكب الخفيف و كيف اتحطينه....
احب سوالف الاشياء البسيطه و اللي تعطي لوك يديد و غير

[مــهــابه]

سبيجه :

ردج يـآ هّبه من الله لوول
كنت آتريـآ آي حد يرمس عن كآتيـا ، لآني شفت صور لـ مكيآجهـا وعيبني ، حسيتها تقدر تسويلج أي شي انتي تبينه وفي بـآلج ..

بس مآكنت آعرف شي عنهـآ


شكـراً ..

[سبيجة]

السلام عليكم ..


الغاليه ..مهابه ... صدقيني ما بتندمين لو عدلتج كاتيا.. احلى شي تسويه تطلع البشره فرش ....وطبيعيه ..واذا تبين رقمها أو اوصيها عليج انا حاضره ... انا افكر اخذ دورة ميك اب عندها ...


حبيبتي ..شواقه ...انا خبرتي على قدي ... بس بقولج الميك اب اللي انا دوم اسويه ...


الميك الصباحي أو للدوام ...

انا من النوع اللي العب في طريقة وضع الجحال ... استخدم القلم (جفنشي) اذا ما كنت متفيجه وما عندي وقت ...ولازم يكون طرفه مايل للحده ما يكون مدور ومتين ... احيانا ارسم على الرموش اللي فوق بس من فوق وامده لبرع ... وطبعا اتحكم في الطول والعرض بالقطن مال الاذن .... وهالجحال اسهل لو استخدمتي اي شادو أسود .. جربت شانيل ولانكوم ....وبعد ستيلا عندهم محبره حلوه وسهله ... تلاقينها في سيفوار ... وحتى مكياجي نزلوا علبه فيها كل شي اسود ,, وممكن انج تخطين عينج في فرشاه رفيعه اذا تبين خط رفيع ... وفرشاه اعرض اذا بغيتي تعرضين الخط...

النوع الثاني من الجحال اللي اسويه بالايشدو .. هو اني بعد ما ارسم الخط اللي فوق وامده بس مب وايد ... ارسم خط على الرموش اللي تحت .. لين ما اخلي الخط يلتقي بالخط اللي فوق .. وبعدين اسحبه حسب الرغبه ... في هالحاله يكون احلى لو كان الخط اللي تحت رفيع ..وفي ناس تحب تغلضه ..على حسب اللي يناسب عيونج ... وممكن انج ما تلاقين الخطين ..وتخلين رسمة العين مفتوحه ... في هالحاله ممكن تستخدمين بعد القطن مال الاذن عشان ترتبين الفتحه بين الخطين ...(اسمحيلي ما اعرف اشرح عدل وما اعرف احطي صور في نص الموضوع) .. بس شوفي الصور تحت ..... وانا حاضره حق اي استفسار ...


بالنسبه للأيشدوا ..انا افضل اللون المشمشي .. الوردي .. البيج .. يعني الفاتح .. ممكن احط كامل ..على الجفن ... واتجحل .. يطلع بسيط ...
واذا حق مناسبه .. احدد عضمة العين بلون غامج ... مثال: اذا كنت ابا احط بنفسجي ..ممكن احط على الجفن كامل الوردي الفاتج واحدد العضمه بالبنفسجي ... على شكل على اكبر من واصغر من .. تحيدينها ... في الصوره باين هالشي بس مستخدمين البنفسجي والأسود اشويه على الاطراف .انا نادر ما استخدم الاسود افضل استخدام لونين واحد غامج وواحد فاتح ... مثال ثاني ...ممكن تحطين على الجفن لون مشمشي ... وتحددين العظمه بالبني ... يطلع خفيف وحلو ...

شوفي صورة البنت اللي شعرها قصير ... فوق لون ازرق .. هالشي يغنيج عن الايشدوا ..انا احب الجحال الأزرق والأخضر ..والبنفسجي ... وممكن تخلطين تحطين اللون فوق ...والاسود تحت .. أو العكس ..


اتمنى اكون فدتج ...وياريت لو نسمع باجي الخبرات ..

[سبيجة]

نسيت اتكلم عن البلاشر والروج والمسكارا ... (صدق إني فاشله)

بالنسبه للأرواج ..أنا من محبي الألوان الفاتحه .. ودايما درجات الوردي والمشمشي... بس ممكن احط لونين صارخين .الأحمر والفوشي ..وايد احبهم بس طبعا مب حق اي مكان .. احب جلوسات ديور وشانيل وHR

البلاشر اللي استخدمها .. مال شانيل وعندي بعد ديور .. والألوان اللي استخدمها تكون مايله للمشمشي .... أو العلب اللي فيها اكثر من لون احب اخلطهم كلهم .. ويا بعض ..

والماسكارا ,,,لانكوم وما اغيرها .. ابداً ...

[مــهــابه]

سبيجه :

خوآتي يدورن ع وحده وشفت لهم كذآ وحده ومآ آقتنعوا بهـا ، بالنسبه لـ كآتيا شفت صور عندهـا رمستهم عّنها وان شاء الله خير ..


ثـآنكس مره 2 =)

[دمعة شوق]

آن شآءالله برد رد ثآنـي عـن آلميـكب مآآلي :)
~
بـس بغيت رقـم كآتيـآ يـآ صبـآآيـآ ، خآصـه أن سبيجه مدحـتها، وأنها تسوي ميكب خفيف ، أنا ماينفع لي آلميكب آلوآآيد وآلدفـش
فـ آبـآ رقمـهـآ لا هنـتـن
:)

[مــهــابه]

^
عنديه آياه دمعه ..


بطرشه لج مسج ان شاء الله =)


وجآن تبين تشوفين صور مكيآجهآ بعد عنديه

[شوق القلوب]

يا عيني عليج يا سبيجه ... حسيت انج نفس الستايل اللي احبه...
بالنسبه للايشدو..انا بعد احب الالوان المشمشيه و البني الفاتح .. يطلع فرش ع الويه..
والماسكارا.. جربي ديور.. ماسكارتهم الجديمه... بتعيبج اكثر من لانكوم.. و علي ضمانتي..

و خذي بعد ماسكادتهم الزرقا.. اتحطينها.. و تحتها شوي شدو ازرق خفيف... تطلع روعه...

وانا بعد استخدم جحال جيفنشي.. و ان شاء الله بجرب الطرق الي خبرتيني عنهم..

...

بخبرج عن ستايلي البسيط...

بعد ما اجحل عيني احب احط لون غامج تحت الرموش التحتيه.. يا اسود او بني او كحلي...

ولو كنت ابا احط ميكب يعطيني لوك طبيعي.. احط شدو بني علي خط الرموش..

و مممم شو بعد ؟
بصفه عامه احب جلوسات لانكوم... و شدوهاتي كلها ماك و ديور.. و ارواجي شوميرا.. و البلشرز من نارس و الفاونديشن ماخذتنه من ديور... و الفرش من ماك

..

خبرتي جدا بسيطه.. فاسمحولي :)

[مــهــابه]

آذآ آنتي خبرتج جداً بسيطه آنا شو آقول

بـّتكلم عن نفسي ، مكيـآجي اليومي للجآمعه " طبعـاً حسب المزآج ..

لكن الآغلب

بـودره " جفنشي " ، جحآل " جفنشي آو نيفيآ " آستخدم الـ 2 ، وعندي الآزرق والآسود " غيرلآن " لي شرآ الآثمد ، بالنسبه للبلآشر " سآن لورآن

الروجآت حآلياً شآنيل " بينك فآآآتح " يآدوب آنه يبين ..

آحب آكون الصبح بنكيّه " ورديه لوول " يعني ما احب احط اوفر بنفس الوقت شي خفيف ..


كريم الآساس عدّوي اللدود آبداً مآ آستخدمه >< ، بالنسبه للمكيآج ف السهرات آو الآعراس آو حتى يوم العيد ، آشوي آحط روج آغمج " فوشي ، آحمر " وآرسم عيوني من فوق الرموش وتحت الرموش ع برآ


الآيشدو نااادراً ما استخدمه عندي " ديور " مدرجات البينك والبيج بس استخدامي له نااااااااادر ..


ككـل آحس المكيآج مب حلو عّلي =(


يمكن لآني ماعرف آستخدمه ؟!