هالبشكار استوى الجني الأزرق اللي يقولك شبيك لبيك بس انت أول اتفائل ؛ وعلى طاري الامتحانات أحييد ربيعتنا دووم كانت اتقول انا ما بييب درجات حلوه وانا ما سويت اوكي في الامتحان وفي النهايه ننصدم انها يايبه الدرجه الاعلى في الكلاس وكل هالرمسه ما كانت تشاؤوم؛ يقولك بس جي عن الحسد خخخ يعني كانت اتقص علينا وعلى *بشكارتها *يدامنا ومن ورانا غيرر . وشي ناس اتقول امبلي انا يوم ما اتفاؤول احصل اللي اباه ويوم اتفاؤل انصدم اهنه الظااهر البشكار عنييد ويحب يقهر بصاحبه ..


ع العموم أكيد التفاؤل يورد البسمه وفرحه وأمل في القلب فـ ما يكون الشخص مهموم مغموم كأنه عارف بأن الشر ياينه وماشي في نصيبه الياي خييرر .. ااذا توكلت على الله وسلمت أمرك له راح تؤمن انه كل شي خيير يايينك وفي صالحك فـ تكون مرتاح من النتايج لأنه بأختصار سوت اللي عليك + دعييت ربك فـ ما بيخيب عملك المسأله سهله بس محتاجه ثقه وامل في القدر وأكيييد يا عاصف اذا شي ثقه وأمل وتفاؤل العقل الباطني بيكون ارض خضره مترووسه يحح ..