المقاتل والمواقف

[المقاتل]

بصراحه .. وسبحان الله ، المواقف تعلم الانسان اشياء كثيرة ( بالتأكيد راح انسمي هالشي بمصطلح " التجارب " ) وبالفعل التجارب الي تمر على الواحد تطور من شخصيته الى الافضل وكل ما يكبر الانسان يكتشف اشياء واشياء .. اتوقعكم توافقوني الراي بهالفكره ولا أنا غلطـان ؟

طيب وشو يخص العنوان ؟ بسيطه لاني راح اتكلم عن موضوع يخص المواقف الي مرت علي وطبيعي لكل شي مقدمه ومقدمتي وذكرتها وبسم الله ابدأ :

" أدرس " يوم من الايام حضرت حصة الكمبيوتر ويلست على كرسيّ وسميت بسم الله وبديت اشتغل في برنامج لغـة الـ C ولا ما وعيت الا واحد من مسافة عشره كيلو متر .. راشـــــــــــــــــــد .. وصديت و لا صاحبنا المخضرم الملقب بـاسم Aziz طيب ابدا مافي اي مشكله .. ( جيف حالك ؟ بخير يعلك بخير ؟ الحمـدالله ؟ دوم ان شاء اللـه حياك حياك ) وقبض الكرسي ويلس .. بالعكس انا اكون سعيد اكثر يوم شخص ييلس عــدالي ومن لا يحب تكون له صحبه طيبه .. انزين .. راشد ؟ ( آمر ) شو يعني هذا ؟ ( هذا المصطلح الي يخلي الكمبيوتر يصدر صوت ) ايوااا ههه .. عجيب .. ونرد لشغلنا .. راشــــد ؟ ( هلا قول ) هاه كيف يسوونه خلني اشوف الي عنـدك .. اندوك شوف .. 10 دقايق لين ما نقل كل شي .. ماشي مشكله ( بخاطري اقول يانا الفرج وبنكمل شغلنا ) .. راشــــــــد .. ( لا إلــه الا اللــه .. قول ) خلني اشوف الي عندك دقيقه بس .. ( لا ابد مافي مشكله تفضل ) ... وتميت على هذا الحال وعقب ما وعيت الا والمدرس يقول every one please could you sign out and shut down the computers . ( يوم يا المره الثانيه قتله يالطيـــب إذا عندكـ اي استفسار عندكـ المدرس اسأله وتعلم ) لا ابـدا عادي عادي خذ راحتكـ قلت الريال بياخذ بجلامي .. شوي ولا قال راشــــــــد !!


" مثل العنز " يقولكم يوم كنت ادورلي على شقــه والانجليزي هاه ( so so ) يعني افهم وما افهم ، وهم يزيد الموضوع تعقيد ويحيسون الرمسه عدل .. المهم .. اللهم صلي على الرسول . دشيت المكتب وترييت وانا على الموعد شفت الحرمه تضحك وتقول تفضل وتقول " could you have a seat and we will be ready at moment " قلنا اوكي .. وقامت ونشت وانا نشيت وراها طلعت وانا معاها وقفت عند الاشاره وصدت وانا مستغرب " بلاها " جان تقول " please have a seat the inspector will come right now " .. ( مب جنه حسيت عمري مثل العنز ).

" carlton " مره من المرات يعــت وما عرفت شو اطبخ أو بالاحرى كنت " مب متفيج اطبخ " فقلت بشوف شو اقدر اسوي ولا جان اذكر مطعم pizza domino's وشفت كيف الطريقه عسب اطلب بالتلفون واتصلت " اشوف الـ answer machine ترد " اترييت وهذربت ومادري شو قالت وعقب فهمت اني لازم اقول اسم الـ state او المنطقه .. جان اقول " carlton " جان ترد علي بانها ما فهمت ( قولوا تميت 10 مرات وانا احاول اخليها تفهم وما فهمت ) جان اعق التلفون واسير ايلس من القهر .. بس لازلت يوعان وبطني يغروج .. إنا لله .. جان ارد اتصل ونفس الحكايه .. جان احيس رمستي شراتهم وهاااااه ويالله يالله فهمت .. عقب الخطوه الثانيه وما صدقت واستانست البيتزا بتوصلني احين .. طلعلي الريال يلست افهمه ابا سلطه وابا بدون لحم واذا حلال ولا لا و كيف حجمه وكم سعره واسم المنطقه والعنوان واخر شي طلع المكان بعيد وما يقدر اييه قال لازم اتصل مكان ثاني تلبست وسرت اشتريت ماكدونالد واقول الله يغربل هالبيتزا .

وللحــديث بقيه ،،

واعتذر عن اي اغلاط املائيه وان شاء الله يعجبكم الموضوع .

فمان الله .

[المزوحي]

المقاتل على هذا الغياب يحتاي نقرأ مواقف اكثر من جيه، في صفحه وحده، وعقب مب مشكلة لو بترد تكتب مواقف زيادة

الله يحييك ... ويهنيك ... و be cool

[العجيبة]

ههههه

حلووو تكتب مواقفك وتشاركنا بها ... تمر بالواحد مواقف حلوة ...ومحرجة، وطريفة وغيرها اللي ترفع الضغط ...

بس مجرد تسجل أي موقف بعد فترة تقراااه بتم تضحك على ذاااك اليوم ....


استمر يالمقااااتل .......

[شهوووودة الأمورة]

هههههه حلوة المواقف ..

وخاصة يوم يكون الموقف محححححرج أبـــــــــــدا ما تنساااااه ..

أستمر بالكتابة .. متاابعييين ^^

[عهد الوداع]

موضوووع جميييييل ومشيق ...

بنتظار البقيه ...

[مايهزك ريح]

يحليلك يالمقاتل ..
نحنا يوم كنا في امريكا ... نطلب من دومينوز بيتزا بالنت ..
ونعرف حتى متى بيوصل عشان انجهز البيزات محلى التطور خخخخخخخ

http://www.dominos.com/home/index.jsp


الله يعينك على الغربه .. واترد بالسلامه ^_^

[رمــش الغـــلا]

استمعت وأنــآ أقرا المواقف ..

موضوع مميز ومواقف حلوة أخــوي ..

نتريا مواقفك الباااقية ^__^

[المقاتل]

" تراكا " من سيرلانكــا، طالب من الطلبه لكنــه شاطر في الرياضيات ونحن ندرس عنده ، لكــن مشكلته إن نص لمواطنين يدرسون عنده و مستوي " مشغول " .. فعشان نتعلم لازم انسوي المستحيـــل ، فدرسنا معاه في المطاعم والمكتبات و في الكوفيهات ، فمره من المرات قلنا بندرس في المكتبه ، طيب no problem سرنا ويلسنا عدال قاعة quiet study .. وقام يدرسنا y=cosx+sinx انزين شو يساوي ؟ y=cosx+sinx انزين يا عمي يساوي شو ؟ Y=COSX+SINX هاك اليوم خبلت بالمدرس كنت توني واعي ومسطل وجان يشرح وشويه بيصيح جان كل القاعه يصدون يطالعونه وانا ناقع من الضحك وهوه يشرح What's funny قام وشل قشاره وروح وهوه يتحرطم .. وبعدين اتصلت فيه يا تراكا استهدى بالله انا هاك اليوم اضحك وياك وعزمته على كوفي عشان ما يزعل لوولز .


"Rob" من لندن لكــنه شايف نفسه فوق الكــل ويرفع لي ضغطي ، وما أحب اتعامل معاه ويسوي نفسه جنه رئيس وزرا و عنده بنت بس بعده مب معرس خوش شي ، وماشاء الله صوره بالفيس بوك مع عشيقته " حدث ولا حرج " المهم ما علينا منه " قطعناه وما عليه منه " بس هذا قصته قصه ، ماخذ ماده بالانجليزي يوم شفناه قلناه انته لغتك الام انجليزي تدرس انجليزي ليش بعده .. قلنا يمكن امه مب انجليزيه ولا متربي برع بريطانيا، طلع الاخو لازم ياخذ هالماده عسب يكمل تخصصه لان الانجليزي اجباري ، ما علينا ، بس المدرسه عاطتنه علامه 10/ 10 ونحن نتعب ونجتهد وتعطينا 7/10 قهر والله .. مره من المرات نقصته المدرسه درجه وحده ومب عاجبنه وشويه بيضربها ونحن المدرسه 4 درجات 5 درجات عادي عندنا شي عادي وهاي قصة Rob بس لها تكمله بعدين .

وبصراحه اسعدتموني بردكم كونه عجبكم وسامحوني لاني ما رديت عليكم فردا فردا ونفرا نفرا

وللـــحديث بقيه ،،
بحفظ الله .

[فرفوش]

الله يعينك
بس الواحد ان اغترب بيستفيد هنا

[الا انا]

.^

لوول ..

الله يعينك ..^^

وفي انتظار البقيه ....


:)

[دمعة شوق]

حلوو الموضوع ومواقفك حلووه خاصه البيتزا قهررر ^^

بانتظار البقيه

[أنامل قلب]

أحب هالمواضيع / المواقف ،
سبق ومريت بالموضوع ، وكنت ناطره التكمله !

بالانتظار دائما أخي ،
موضوعك يبعث على الابتسام ..

~