شو احسن لاب توب

[المزوحي]

السلام عليكم

بغيت أسأل شو اليديد في عالم اللاب توب ؟

نحن عندنا توشيبا، مع إنه استخدامه نظيف، لكن مادري ليش شكــّل ..

شو رايكم

ال جي
دل
سوني

[طير الغرام]

الديــل جربتـــه مــده طويلـــه يمكن ٥ سنين واستعماله حلــو
وكنت مرتاحتله وااايـــد >> لين ما عقب روحــه فنقــش

و السوني ختيــه خذتــه من فتــره >> بس مادري شو ياه خــرف من البـدايـه وسوتله فورمات
وغير الآوت لوك ماتقدر تشتغل عليه فـ لابتوبها كله تاخذ لابتوبات خواتي !

و التوشيبا ختيه الثانيه عندها إياه أظن اليـديد واتقول استعماله حلــو

أما الإل جي ماعندي أي خلفيـه عنـه

ليش ما اتفكــر فـ الماكـ >> الصــراحه استعمــاله توب ^ـ^

[تحفه]

ليش ما اتفكــر فـ الماكـ >> الصــراحه استعمــاله توب ^ـ^
[/COLOR][/SIZE][/FONT][/SIZE][/FONT][/B]

[المزوحي]

الماك اوكي، عيل ليش ما اسمع اسم هالبراند ؟
يبالي ابحث عنه
ومشكورين

[طير الغرام]

^

الصــراحـه أنا أجوفـه أوكي
صـح فيه اختلافـات بسيطــه بس بتتأقلـم معــاه بســرعه >> أقول هـ الرمســه من تجربــه شخصيــه
ومستحيـــل من عقب المــاكـ أرد ع الويندوز

ويمكــن ما تسمــع عنـه واايــد لنه الأماكن اللي يبيعــون فيهــن لابتوبات وكمبيوترات الأبل معينــه
مثلاً ما اتحصلـه عند كارفور ولا جمبـو !

[المزوحي]

اليوم سرت شرف دي جي، وفي ويهي شفت لاب توب ماك ... في حدود 9 آلاف بس ما شفت المواصفات وعقب

شفت سوني لاب توب صغير تقريبا 6 آلاف

بس ما اتفيجت اشوف المواصفات

[المزوحي]

في واحد مدح لي لاب توب ايسر، قلت له هالاسم ما احبه بالمره، قال : لا

ما يخصه، اهم شي الاستخدام يكون نظيف، يعني ماتنزل العاب وافلام ... الخ

الماك بالرغم إنكم مدحتوه، بس شليته من بالي ...

زين
ال جي
دل
سوني

ال جي كنسلته

بقى

دل وسوني وبضيف عليه اتش بي

بسوي قرعه

[طير الغرام]

^

السوني اللي هب من التشكيله الملونــه مدحلي إياه خالي
أظن ع ٧٠٠٠ وشي هب متأكـده ،، صــح شاشتـه أصغر من لابتوبات الفايو الملونه بس مميــزات حلــوه
>> هــذا اللي سمعتــه ،، كنت أفكــر فيـه قبل لا آخــذ الماكـ

[المزوحي]

طير الغرام يبقى السوني من ضمن الخيارات .. انا مابغي شاشة صغيره تعورلي عيوني

وبسير مول دبي إن شاء الله لأنه معرض دل منفصل عن الكترونيات بعد

[المزوحي]

سرت اشوف اللاب توب ، الموظفه قالت لي ايسر زين والباجي سعره مرتفعه لأنه اسم

حصلت hp سعره 3799 درهم

Intel Core
3GB RAM
320GB HDD
15.4 WXGA
512 MB MEMORY
WEB/CAMERA/Remote
DVD
Windows Vista

DELL سعره 2699

In 1420
Intel Core
2GB RAM
250GB HDD
15.4 WXGA
128 MB MEMORY
Webcam
DVD
Windows Vista
Bluetooth

SONY سعره 3795

Intel Core
2GB RAM
250GB HDD
14.4 WXGA
DVD
Windows Vista

[نجمة دبي]

انا عن نفسي وعن تجربتي

اختار دل

:)

وبالتوفيق

[المزوحي]

نجمة دبي اختي حاشرتني تقول HP بس انا اليوم سرت وشفت DELL و HP وشليت SONY من بالي لانه نفس المواصفات

بسعر اغلى ... وبتم على اول اثنينه وبشوف

شكرا : )

[عهد الوداع]

استعمال الال جي وايد مريييييييييح وفناااان ...

[المزوحي]

عهد الوداع ولد اخويه عنده ال جي دمر عنده، مادري من اللاب توب وإلا منه !

[عهد الوداع]

بالعكس انا كارفتنه كراااف وما شاء الله مووول ما صار فيه شي .. اللهم لا حسد خخخخ