أفلام شاهدتها...

[مزن هتان]

^^ كنت انطر أحد يتحجى عن دكان شحاته
ما ادش فلم مصري الا و لازم أحد يقنعني أنه يسوى
عادي يعني حق اللي تحت 16 ؟
بشوف رايي خواتي اليوم

[صريح]

ما احبذه حق تحت الـ 16 ..
بس للعلم وايد لقطات قاطعينها من الفلم اساسا
و بنسبه لللقطات .. الافلام الاجنبيه اخس عنها بوايد ..
يعني الا هيه كمن لقطه فالفلم بس


الاعلام وايد مكبر سالفه الاغراء و هالسوالف لانه الفلم فيه هيفا ..
مع انه هيفا فالفلم طول الوقت تنضرب بوحشيه من اخوها و عقب ريلها .. يا حليلها كسرت خاطري

[مزن هتان]

ترى هذي هي هيفا اللي مخلتنا مترددين شوي
يمكن نشوف لنا فلم ثاني عيل

[طفلة من هذا الزمان]

مـــــــايهـــزكــ ريــح .. ياا سلااام ع الحنيــّــة ..

وديت اليهــال بعد هالفيلــم >> Up <<

اول شي انا استغربت من بدايتــه .. حلووو بس كيف كرتون حزين ؟!! حتى عقب يعني فيه واايد لقطـات حزينــة انا عورني قلبي .. كيف اليهـال !!

اللي ضحكني .. االمرااهقين اللي حضروا الفيلم ضحكـــوا أكثر عن اليهــال <<هبل >>

بس Overall .. كيووت الفيلم و Recommended

[ذنـيـنـي]

دخلت و شفت The Taking of Pelham 123 مرتين لول
مره ويا الزرعوني و مره ويا المفلس العود صاحب الافلاس العظيم مفلس بن فلس بن افلاس ال فلوس

وايد حلو و احلى مافيه هو العد التنازلي الي مسوينه في الفلم
انصح فيه و بشده !!

[مايهزك ريح]

طفله من هذا الزمان ..
انا وايد يغمضوني .. ابوهم مب مسولهم سالفه وكله ايوني ويقولونلي ودنا ..
حتى ولد اخويه عمره 8 سنين سفرته ويايه في الشتا امريكا عن خاطره لأنه غمضني كان يصيح ويقول انا شاطر وطالع الأول على الصف !


انزين نرجع للأفلام .. هالأسبوع بينزل فيلم The Proposal شكله حلو .. بس ما يندرا
يمكن اسير !

[مزن هتان]

شفنا دكان شحاته
هيفا تمثيلها كان فنان "صيحتنا"، في مقاطع كلش مالها لزمه !!

[لمّــاح]

The Taking of Pelham 123


ر و ع ة !!!

[طفلة من هذا الزمان]

كنت ناويه ف الويك انــد على The Taking of Pelham 123 ،، بس عيبتني يلسـة البيت أكثر ،، اكتفيت بمناسبة اجتماعية وحده هالويك اند ..


ليش الناس تضااايج من يلسة البيت والله مـــادري ....
والله راااحه ما بعدها رااحة ...

The proposal في لبــلان بعد ...
مع اني قريت reviews ما يمدحونه وايد
.
.
ما علينا ..

[حبوبه دبي]

اخــر فلــم شفتــه ويالصغــاريه
UP
فنـــان الصراحــه

بــس يبــالنا انشــوف The Proposal
شفت دعـايته وعيبنـــي

[عافك الخاطر]

the proposal , ضحك X ضحك ، عيبني وايد ..

عطيته 8.5 من 10

[مايهزك ريح]

The proposal

شفته .. مب وايد حلو .. يعني نص ونص ^_^!!

كلما ابا اسير اشوف هالفيلم The Taking of Pelham 123 .. ما يظبط ويايه الوقت ..
بحاول الحق عليه قبل لا يخلص العرض في السينما ..

[طفلة من هذا الزمان]

شفت The Taking of Pelham 123 >> بصراحــة يجــنن

دينزل واشنطن كالعــادة متألــق .. جون ترافولتـــا رهيب ..
صراااحة اللي كتب النص بــــــــــدّع ..

Strongly Recommended

[مجموعة إنسان]

طفله
الفلم وايد حلو


بس ما حبيت نهاية جون ترافولتاا

[مزن هتان]

^^ أكثر من روعة !!

يتني صيحه انا آخر الفلم