انفلونزا الخنازير تثير أسئلة ومخاوف

[المزوحي]

حلم الطفوله وليش فندق إن شاء الله، ودوه مصحه خلهم يتأكدون من حالته !

رمش الغلا الله يحفظهم وماعليهم شر إن شاء الله

اليوم قريت خبر في الجريدة إنه شركة جلفار للأدوية تنتج عقار يعالج اتش 1

[حلم الطفوله]

المزوحي ...أخوي أنا كنت أقصد إنه ما بنستقبله في البيت قبل ما نتاكد من صحته


بس الواحد يتوكل على الله ....قل لن يصيبنا إلا ما كتب الله لنا


المزوحي ...شخبار أهلك بلندن عساهم بخير

[المزوحي]

الحمدلله ربي يعافيج اختي حلم الطفوله ، ايام إن شاء الله بيرجعون.

[عهد الوداع]

شو السالفه وايد قام ينتشر هالمرض ...


كل يوم اسمع عايله منتقل لها المرض والسبب يكون الشغاله ... او يايين من مراكز دبي ... الله يعين بس ..

[أنامل قلب]

هالمرض مشكلته ابـ شيئين ، إنه معدي على عكس مرض انفلونزا الطيور اللي ماكان ينتقل اظن إلا عن طريق الطيور نفسهم ،
والمشكله الثانيه إنه إذا أُهمل المريض قد يتسبب بوفاته ، لكن نحن اهني ولله الحمد الخدمه الصحية عدنا طيبه ، والعلاج متوفر حاله حال الانفلونزا العاديه ..!

وبالتالي ، أحس الناس مهولين الموضوع بسبب جهلنا وافتقارنا للمعلومات ،
+ المسؤولين عدنا ما يوضحون لنا الصورة ، تميل لعدم الكشف عن معلومات كثيره قد تجدها غير مهمه أو لغايات أخرى ،
لكنه يسبب للعام نوع من الارتباك لكونه مثل ما سبق وقلت [ لا يعلم ..!

[ريم العين]

محد اييي صوب راس الخيمة

حذرتكم تراني

لانه منتشر عنااا وااااااايد

حتى المستشفيات ما قامت تستقبل المصابيهم لانها مليانه

[عهد الوداع]

ريم

لا تفاولين على بلادي,,,,,, الصح المرض منتشر بس ترااا في كل مكاااان ..(:

تصدقين انا بعد سمعت نفس الخبر بس احس وايد مهولين السالفه الحمد الله احس الامور طيبه ,,,,

ويوم اظهر اتوكل على الله شوو بنسوي بعد لوووول...

[ريم العين]

تعالي راك وبتشوفين لووول

تحوطي بالمستشفيات شوفي حالهم

هذا جان قدرتي تدخلي لان اول شي بتسويه الشردة.. لاتقوليلن لا يوم بتشوفين بعينج هايج الساعة بتحسين

بعد عنا ناس مصابين ساروا مستشفى سيف بس ماطاعوا يستقبلون حد لانه فل فساروا لمستشفى صقر

المهم يوم تطلعين اي مكان خذي احتياطج وما عليج من الناس خدي ديتول لليدين واشتري كمامات او تغشي

عن نفسي بلبس كمامات يوم بجابل الناس حتى من اهلي وما همني مصخرتهم

هي صح بعد بقولج شي

ترا العقار بينزل فشهر سبتمر فشدرانا انه لين سبتمر ما بيصيبنا مرض وتخيلي عاد المستشفيات ملياااانه
يعطونهم الدوا ويردوهم البيت ينحجزون هناك عسب ما ينقتل وسبحان الله بعد خلص الدوا من كثر الناس
يعني اللي ما حصلوا دوا مصيرهم المووت!!

ناخذ احتياطنا احسن
خصوصا انه الدولة مب طايعة ترمس عن هالانتشار ومب قادرين يسووا شي غير يعالجوهم.. يعني باختصار مب قادرين يوقفوا هالانتشار عالاقل


الله يعينا ويحمينا

[عهد الوداع]

ترااني انا من الراك بس الحمد الله ماسرت صوووب المستشفيااات لووول

الله يعينااا حبيبتي ويعيييين الجميييييييييييع ...ها امر الله شوو بنسوووي

بس انا الي سمعته انه هالمرض مافيه خطوره نفس الانفلونزا العاديه ... وهيه تراا بيووصل التطعيم شهر 9 وان شاء الله خييير ...

[رمــش الغـــلا]

قوووولولي شو أعراض المرض قمت اخاف على عمري ووالله لول ..!

انا مزجمة وتعبااااااانة حالتي صعبة [ بسم الله علي من هالامرآض ] ..~

[عهد الوداع]

هي أعراضه شبيهة بأعراض انفلونزا البشر، حمى، سعال، جفاف الحلق، أوجاع في الجسم، صداع، قشعريرة، إعياء. وعند بعض الناس قد يحصل الإسهال والإستفراغ.

بسم الله عليييج بعيييد الشر عنج ...

[حلم الطفوله]

رموشتي ..بسم الله عليج ...الله يحفظج إن شاء الله

هاي كلها أوهام .... أي حد يزجم الحين جاسه وسواس

الله يبعده عنج وعن المسلمين

[مــهــابه]

رموووشه :

ثـرج وسـوآسيه لوول


اعراضه عـآديه ، صداع + زجمه + كحه + حمـى => ف البدايه " ها اللي شفته ع اخويه "

لاتخـآفين ، ماعــليج بـآس ان شاء الله

[حلم الطفوله]

مهوبتي ...طمنيني على رمش ...أشوفها ما دشت !!!

[مــهــابه]

^
رمش تتـحوط لـوول

~ لاتحاتين مافيهـا شي :)